ယခုလက်ရှိ ကမ္ဘာမှာ အောင်မြင်ကျော်ကြားနေသော စီးပွားရေးသမားများသည် နေထိုင်လာသည့် ဘ၀တစ်လျောက် ပရဟိတလုပ်ငန်းများကို လုပ်ကိုင်ရန်နှင့် မိမိတို့၏လူ့အဖွဲ့အစည်းကို ပြန်လည်ထောက်ပံ့ဖို့အတွက် အကြံအစည်ရှိ ကြပါတယ်။ အချို့သောသူများက စေတနာသဒါတရား ထက်သန်စွာဖြင့် လှူဒါန်းမှုတွေပြုလုပ်သလို အချို့ကလည်း အခွန်ကိစ္စများကြောင့်သာ ထိုကဲ့သို့ အလှူဒါနတွေပြုလုပ်သည်ဆိုပြီးတော့လည်း အမျိုးမျိုးတွေးတောတတ်ကြပါတယ်။ မည်သို့ပင်ဆိုစေကာမူ အလှူဒါနပြုလုပ်လိုက်ခြင်းက အမှန်တကယ် လိုအပ်သူတွေအတွက် များစွာ အကူအညီရ သွားနိုင်သလို လူတစ်ဦးတယောက်၏ ဘ၀ကိုလည်း အင်မတန်မှ အထောက်အကူဖြစ်စေနိုင်ပါတယ်။
အောက်ဖော်ပြပါ စီးပွားရေးသမားများဟာဆိုရင်လည်း လှူဒါန်းပေးကမ်းခြင်းဟာ မွန်မြတ်ခြင်းတစ်ရပ်ဟု ယုံကြည်သက် ၀င်နေသူများဖြစ်ပါတယ်။
Pierre Omidyar
Pierre Omidyar သည် eBay ၏ ပူးတွဲတည်ထောင်သူတစ်ဦးဖြစ်ပြီး လက်ရှိအချိန်မှာတော့ ဥက္ကဌတစ်ဦးဖြစ်ပါ တယ်။ ၁၉၉၈ ခုနှစ်တွင် ဇနီးသည်နှင့်အတူ Omidyar Foundation ကိုတည်ထောင်ခဲ့ပြီး ထိုဖောင်ဒေးရှင်းမှတဆင့် နေရာဒေသအနှံ့တို့တွင် လိုအပ်လျှင်လိုအပ်သလို လှူဒါန်းမှုတို့ကိုလည်း ပြုလုပ်ခဲ့ပါတယ်။ ၂၀၁၅ ခုနှစ်မှာတော့ Omidyar သည် စုစုပေါင်းတန်ဖိုး ဒေါ်လာသန်း ၂၇၀ ရှိသည့် သူ၏ eBay ရှယ်ယာတွေကို အမည်ဖော်ပြခြင်းမရှိ သည့် အလှူဒါနတစ်ခုအနေဖြင့် ပြုလုပ်ခဲ့ပြီး ယနေ့အချိန်အထိ စုစုပေါင်း ဒေါ်လာသန်းပေါင်းတစ်ထောင်ကို လှူဒါန်းခဲ့ သူတစ်ဦးပင် ဖြစ်ပါတယ်။
Michael Dell
ကမ္ဘာကျော် ကွန်ပျူတာစက်ပစ္စည်း အမှတ်တံဆိပ်တစ်ခုဖြစ်သည့် Dell ၏ စီအီးအိုနှင့် ဥက္ကဌ Michael Dell သည် ပညာရေး၊ လူမှုရေး နှင့် အခြားလူ့အဖွဲ့အစည်းအကျိုးအတွက် လိုအပ်သော ကိစ္စရပ်များတွင် အမြဲတစေ တက်ကြွစွာ ပါဝင်လှူဒါန်းလိုသူတစ်ဦးဖြစ်ပါတယ်။ Wealth-X ၏ စစ်တမ်းကောက်ချက်အရ Dell ၏ဘ၀တလျှောက် လှူဒါန်းခဲ့သမျှ မှာ ခန့်မှန်းခြေ ၁.၁ ဘီလီယံ ရှိကြောင်း သိရပါတယ်။ ဒါ့အပြင် တက္ကဆက်ရှိ အော်စတင်မြို့တွင်လည်း ခုတင်ပေါင်း ၂၁၁ ခု ၀င်ဆံ့သည့် ဆေးရုံကို ဆောက်လုပ်လှူဒါန်းရန် ကတိစကားပြောဆိုမှုလည်း ရှိပါသေးတယ်။
Ted Turner
သတင်းမီဒီယာလုပ်ငန်းရှင်နှင့် ပရဟိတအလှူရှင်တစ်ဦးဖြစ်သည့် အမေရိကန်လူမျိုး Ted Turner ကို လူအများစု ကြားဖူးနားဝရှိကြမှာပါ။ ထို့အပြင် ကမ္ဘာနှင့်အညီ ရေပန်းစားနေသော ကေဘယ်လိုင်းတစ်ခုဖြစ်သည့် CNN ကို တည်ထောင်ခဲ့သူ တစ်ဦးလည်းဖြစ်ပါတယ်။ ၁၉၉၇ ခုနှစ်တွင် အမျိုးသမီးများ၊ ကလေးသူငယ်များ၏ ကျန်းမာရေး၊ ပတ်ဝန်းကျင်၊ ကမ္ဘာ့ငြိမ်းချမ်းရေး နှင့် လုံခြုံစိတ်ချရေး စသော အခန်းကဏ္ဍအမျိုးမျိုးတွင် အသုံးပြုနိုင်ရန်အတွက် ကုလသမဂ္ဂအဖွဲ့အစည်းသို့ ၁ ဘီလီယံဒေါ်လာကို လှူဒါန်းခဲ့ဖူးပါတယ်။ ယနေ့အချိန်အထိ သူ၏ လှူဒါန်းမှုများကို တွက်ချက်လိုက်ပါက စုစုပေါင်း ၁.၂ ဘီလီယံဒေါ်လာ အထိဖြစ်ပါတယ်။
Li Ka-Shing
Li Ka-Shing သည် ဟောင်ကောင်စီးပွားရေးလုပ်ငန်းရှင်ဖြစ်ပြီး ပရဟိတလုပ်ငန်းများကိုလည်း လုပ်ဆောင်သူတစ်ဦး ပင်ဖြစ်ပါတယ်။ အာရှတစ်ဝှမ်းတွင် အချမ်းသာဆုံးအမျိုးသားများအနက် တစ်ဦးအပါအ၀င်လည်းဖြစ်ပါတယ်။ Li Ka-Shing ဖောင်ဒေးရှင်းမှနေ၍ ပညာရေး၊ ကျန်းမာရေး၊ ယဉ်ကျေးမှု နှင့် အခြားလူ့အဖွဲ့အစည်းလိုအပ်ချက်များအတွက် ထောက်ပံ့မှုများကို ပြုလုပ်နေပါတယ်။ စုစုပေါင်း ၁.၂ ဘီလီယံဒေါ်လာကို လှူဒါန်းပြီနောက်မှာတော့ Li သည် အာရှ၏ အရက်ရောဆုံးသော ပရဟိတလုပ်ငန်းရှင်တစ်ဦးအနေဖြင့် သတ်မှတ်ခြင်းခံခဲ့ရပါတယ်။
Mark Zuckerberg
Facebook တည်ထောင်သူတစ်ဦးဖြစ်သည့် Mark Zuckerberg သည် ကမ္ဘာ့အသက်ငယ်ဆုံး ကိုယ့်ထူးကိုယ်ချွန် ဘီလီယံနာတစ်ဦးဖြစ်ပါတယ်။ ဘ၀သက်တမ်းတစ်လျှောက်တွင် မိမိ၏ချမ်းသားကြွယ်ဝမှုတစ်ဝက်ကို ပေးကမ်းလှူဒါန်း ရန် ကတိသစ္စာကိုလည်း ရေးထိုးခဲ့ကာ ယနေ့အချိန်မှာတော့ ၁.၆ ဘီလီယံဒေါ်လာကို လှူဒါန်းပြီးခဲ့ပါပြီ။ ယမန်နှစ်က လည်း Zuckerberg သည် ဇနီးသည် Priscilla နှင့်အတူ အီဘိုလာရောဂါကို တိုက်ဖျက်ရန်အတွက် ဒေါ်လာ ၂၅ သန်းကို လှူဒါန်းခဲ့ပါသေးတယ်။
Bill Gates
Bill Gates သည် ကမ္ဘာ့အကြီးမားဆုံးသော ဆော့ဖ်ဝဲလ်ကုမ္မဏီ Microsoft ကို ပူးတွဲတည်ထောင်ခဲ့သူတစ်ဦးဖြစ်ပါ တယ်။ သူ၏ဘ၀သက်တမ်းတစ်လျှောက်တွင် ၂၇ ဘီလီယံဒေါ်လာ အဖိုးတန်သော အလှူဒါန အမျိုးမျိုးကို ပြုလုပ်ခဲ့ပြီး Bill & Melinda Gates ဖောင်ဒေးရှင်း မှတဆင့်လည်း ပရဟိတလုပ်ငန်းအစုံအလင်ကို စီမံခန့်ခွဲခြင်းကို လုပ်ဆောင်နေသူတစ်ဦးပင်ဖြစ်ပါတယ်။