ခေါင်းလျှော်ပြီးခဏပဲ ပုံကျပြီး ဆံပင်ပါးကပ်ကပ်ဖြစ်လို့ စိတ်ညစ်နေသူတွေအတွက် နည်းလမ်းကောင်းလေးတွေ

အားလုံးပဲမင်္ဂလာပါနော်။ ဆံကေသာဆိုတာ ဒုတိယမျက်နှာဆိုတဲ့အတိုင်း ဆံကေသာရဲ့ ကောင်းခြင်းဟာ မိန်းကလေးတစ်ယောက်ရဲ့  အလှအတွက် အရေးပါလှပါတယ်။

ဆံပင်ဖြောင့်ထားတာပဲဖြစ်ဖြစ်၊ ကောက်ထားတာပဲဖြစ်ဖြစ်၊ ဒါမှမဟုတ် သဘာဝအတိုင်း ထားထားတဲ့ ဆံပင်ပဲဖြစ်ဖြစ် ဂရုစိုက်ဖို့လိုပါတယ်။ ခေါင်းလျှော်ပြီးတစ်ရက်လောက်ပဲခံပြီး ဆံပင်က ပါးကပ်ကပ်ဖြစ်သွားတဲ့ ပြဿနာတွေကို ဖြေရှင်းဖို့ နည်းလမ်းကောင်းတွေကို မျှဝေပေးလိုက်ပါတယ်နော်။

၁။ ခေါင်းကို ၄၈ နာရီခြားမှ တခါလျှော်ပါ

ခေါင်းကို နေ့တိုင်းလျှော်တာမျိုးမလုပ်သင့်ပါဘူး။ အနည်းဆုံး ၄၈ နာရီ (၂ရက်) လောက်ခြားပြီးမှ ခေါင်းလျှော်သင့်ပါတယ်။

၂။ ဆားငန်ရေ၊ ကလိုရင်းရေ ထိတွေ့ခြင်းမှ တတ်နိုင်သလောက် ရှောင်ကျဉ်ပါ

မိးရေပဲဖြစ်ဖြစ်၊ ဆားငန်ရေ၊ ကလိုရင်းရေ (ရေကူးကန်ထဲကရေ) ပဲဖြစ်ဖြစ် ဆံကေသာကို ပျက်စီးစေသလို ပါးကပ်ကပ်ဖြစ်စေပါတယ်။ ဒါ့ကြောင့် အဲဒီလိုမဖြစ်စေဖို့ တတ်နိုင်သလောက် ရှောင်ကျဉ်ပါ။

၃။ ရေအေးနဲ့ခေါင်းလျှော်ပါ

ရေနွေးပူပူက သင့်ကို အပန်းပြေစေပေမယ့် ဆံကေသာအတွက်မကောင်းပါဘူး။ ရေပူပူက ဆံပင်ကိုခြောက်သွေ့ပျက်စီးစေပြီး ကြမ်းတမ်းစေပါတယ်။ ဒါ့ကြောင့် ရေအေးတာနဲ့ လျှော်ပါ။

၎။ ခေါင်းလျှော်ရည်နဲ့ ပေါင်းဆေးပြောင်းသုံးကြည့်ပါ

သင်သုံးနေတဲ့ ခေါင်းလျှော်ရည် ပေါင်းဆေးတွေက သင်နဲ့ အဆင်မပြေတာဖြစ်နိုင်ပါတယ်။ ဒါ့ကြောင့် တတ်သိနားလည်တဲ့ သူဆီကနေ အကြံတောင်းကြည်ပါ။ ကိုယ်က အဆီပြန်ရင် အဆီပြန်တာသက်သာစေတဲ့ခေါင်းလျှော်ရည် ၊ ဗောက်ရှိရင်လည်း ဗောက်သက်သာစေတဲ့ ခေါင်းလျှော်ရည်မျိုးကို သုံးပါ။

၅။ အပူပေးစက်နဲ့ ပုံသွင်းခြင်းကိုရှောင်ပါ

ဆံပင်အပူပေးစက်တွေ၊ ဆံပင်ပုံသွင်းစက်တွေက ဆံကေသာကို ပျက်စီးစေတယ်ဆိုတာ အထူးတလည်ပြောစရာမလိုပါဘူး။ ဒါ့ကြောင့် အတတ်နိုင်ဆုံးရှောင်ပေးပါ။

၆။ နည်းမှန်လမ်းမှန်အိပ်ပါ