တော်တော်များများကတော့ ခရီးသွားရတာကို နှစ်သက်ကြမှာပါ။ အထူးသဖြင့် လူငယ်တွေဆိုရင် ကိုယ့်သူငယ်ချင်းတွေနဲ့ ခရီးတူတူသွားသင့်ပါတယ်။ တချို့ဆို တစ်နှစ်တစ်ခါတော့ သူငယ်ချင်းတွေစုပြီး ခရီးသွားတတ်ကြတယ်။
သူငယ်ချင်းတွေနဲ့ ခရီးမသွားဖူးသေးတဲ့သူတွေရှိရင်လည်း သွားကြည့်ပါ။ အရမ်းပျော်စရာကောင်းပါတယ်။ သူငယ်ချင်းတွေစုပြီးခရီးသွားရင် ဘာကြောင့်ပိုပျော်စရာကောင်းလဲဆိုတာကို သိချင်ရင်တော့ ဆက်ပြီးဖတ်ကြည့်လိုက်နော်။
ပိုရင်းနှီးလာမယ်
Source: www.pinterest.com
သူငယ်ချင်းတွေစုပြီးခရီးသွားတဲ့အခါမှာ နဂိုထက်ပိုပြီးတော့ ရင်းနှီးလာကြမယ်။ တစ်ယောက်အကြောင်းတစ်ယောက်လည်း ပိုသိလာမယ်။ တစ်ယောက်နဲ့တစ်ယောက်လည်း ပိုသည်းခံပြီး ချစ်တတ်လာပါလိမ့်မယ်။
လွတ်လွတ်လပ်လပ်ရှိမယ်
Source: www.freepik.com
တခြားသူတွေနဲ့သွားရတာထက်စာရင် သူငယ်ချင်းတွေနဲ့သွားရတာက ပိုပြီး လွတ်လွတ်လပ်လပ်ရှိမယ်။ နေချင်သလိုနေလို့ရမယ်။ လုပ်ချင်တာလုပ်လို့ရမယ်။ ဒီတော့ သွားမယ့်ခရီးက ပိုပြီးပျော်စရာကောင်းသွားတာပေါ့။
ပျော်စရာပိုကောင်းမယ်
Source: www.weheartit.com
ဘာကြောင့်ပိုပျော်စရာကောင်းလဲဆိုရင်တော့ တစ်ခုခုဆို တက်ညီလက်ညီနဲ့လုပ်လို့ရမယ်။ သွားလို့ရမယ်။ သူငယ်ချင်းတွေစုပြီးစကားပြောရတာတောင် ပျော်စရာကောင်းတာ စုပြီးသာခရီးသွားရမယ်ဆိုရင် ဘယ်လောက်တောင် ပျော်စရာကောင်းမလဲ။ နေ့ခင်းဘက်ဆိုလျှောက်သွား၊ ညဘက်ဆိုတူတူအိပ်ပြီး ခွီကြနဲ့ စိတ်ပေါ့ပါးပြီး အရမ်းပျော်စရာကောင်းပါတယ်။
ဓာတ်ပုံရိုက်လို့ကောင်းမယ်
Source: www.freepik.com
သူငယ်ချင်းတွေဆိုရင် သူများထက်ပိုပြီး စိတ်ရှည်ရှည်နဲ့ ဓာတ်ပုံရိုက်ပေးကြတယ်လေ။ ဒီနေရာလေးလှတယ်ဆိုတာနဲ့ အကုန်တက်ညီလက်ညီနဲ့ တစ်ယောက်တစ်လှည့် ရိုက်ကြတာမလား။ ခရီးသွားပြီဆိုရင် ပုံလှလှလေးရဖို့က အရေးကြီးတယ်လေ။ သူငယ်ချင်းတွေနဲ့သာသွားရင်တော့ ပုံလှလှလေးတွေရမှာ သေချာတယ်။
အမှတ်တရဖြစ်မယ်
Source: www.onetravel.com
ခရီးစဉ်တောက်လျှောက်မှာ ပျော်ခဲ့ရတာတွေဟာ သူငယ်ချင်းတွေနဲ့ အမှတ်တရပါပဲ။ ပျော်စရာကောင်းတဲ့ အမှတ်တရလေးတွေကို ကိုယ်ချစ်တဲ့သူငယ်ချင်းတွေနဲ့ အတူဖန်တီးကြည့်ပါ။ အမှတ်တရဆိုတာမျိုးက ဘယ်တော့မှမမေ့နိုင်တဲ့ လက်ဆောင်တစ်ခုပဲလေ။
