တချို့ကတော့ လက်ဆောင်ပေးပြီဆိုရင် အရုပ်လေးတွေပေးကြတာရှိပါတယ်။ ဒါပေမယ့် အင်္ကျီလေးတွေပေးမယ်ဆိုရင် ဈေးအသင့်အတင့်နဲ့ လွယ်လွယ်ကူကူဝယ်လို့ရတော့ ပိုပြီးအဆင်ပြေစေပါတယ်။ ဒါကြောင့် ကိုယ့်သူငယ်ချင်းကောင်မလေးတွေကိုပဲဖြစ်ဖြစ်၊ ချစ်သူကောင်မလေးကိုပဲဖြစ်ဖြစ် လက်ဆောင်ပေးတော့မယ်ဆိုရင် ရွေးချယ်သင့်တဲ့အင်္ကျီ (၅) မျိုးကို ဖော်ပြပေးလိုက်ပါတယ်။
ဆွယ်တာ
Source: www.pinterest.com
ဆွယ်တာအင်္ကျီလေးတွေဟာ မိုးရာသီနဲ့ ဆောင်းရာသီမှာ လက်ဆောင်ပေးလို့အကောင်းဆုံးပါပဲ။ ဆွယ်တာအင်္ကျီလေးတွေဆိုရင် ဈေးတွေလည်း သင့်တင့်သလို၊ ရွေးချယ်စရာအဆင်ဒီဇိုင်းတွေကလည်း အများကြီးပါပဲ။ ဒါကြောင့် မိန်းကလေးတွေကိုလက်ဆောင်ပေးတော့မယ်ဆိုရင် ဆွယ်တာအင်္ကျီလေးတွေကို ရွေးချယ်သင့်ပါတယ်။
Shoulder Off
Source: www.pinterest.com
Shoulder Off အင်္ကျီလေးတွေဆိုရင် မိန်းကလေးတိုင်းနဲ့လိုက်ဖက်သလို၊ မိန်းကလေးတိုင်းလိုလိုလည်း သဘောကျနှစ်သက်ပါတယ်။ ဒီအင်္ကျီလေးတွေဆိုရင်လည်း တစ်ခါနဲ့တစ်ခါမတူအောင် ဒီဇိုင်းတွေက အများကြီးပေါ်နေတာပါ။ ဈေးအနေနဲ့ဆိုရင်လည်း တစ်သောင်းမကျော်ပဲတောင် လှလှလေးတွေဝယ်လို့ရနေတော့ အဆင်ပြေစေမှာပါ။
ဂါဝန်
Source: www.pinterest.com
မိန်းကလေးတွေကိုလက်ဆောင်ပေးမယ်ဆိုရင် ဂါဝန်လေးတွေလည်း ပေးသင့်ပါတယ်။ မိန်းကလေးတစ်ယောက်က ဂါဝန်လေးဝတ်လိုက်တာနဲ့ အရမ်းကိုချစ်စရာကောင်းပြီး လှပသွားစေပါတယ်။ ဈေးအနေနဲ့ဆိုရင်လည်း တစ်သောင်းကျော်လောက်နဲ့ ကောင်းကောင်းလေးရနေပါပြီ။ ဒါကြောင့် ဂါဝန်လေးတွေကိုလည်း လက်ဆောင်ပေးသင့်ပါတယ်။
Tee
Source: www.pinterest.com
အခုနောက်ပိုင်းမှာတော့ Tee လေးတွေက ခေတ်စားလာတာကို အားလုံးလည်းသိပြီးသားဖြစ်မှာပါ။ Tee တွေမှာ ကိုယ်ကြိုက်နှစ်သက်ရာစာတန်းလေးတွေလည်း Order မှာပြီး ရေးလို့ရနေပါပြီ။ ဒီတော့ လက်ဆောင်ပေးမယ်ဆိုရင် ကိုယ်ကြိုက်နှစ်သက်ရာစာတန်းလေးနဲ့ Tee ကို ပေးလို့ရတာပေါ့။
V Neck အင်္ကျီ
Source: www.pinterest.com
လည်ပင်းပုံစံက V Neck ပုံနဲ့ အင်္ကျီလေးတွေဆိုလည်း မိန်းကလေးဆန်ပြီး ဝတ်လိုက်ရင် ဆွဲဆောင်မှုရှိစေပါတယ်။ ဒါကြောင့် ပေါ့ပေါ့ပါးပါးဝတ်ရတာလေးတွေကိုကြိုက်တဲ့သူနဲ့ အသက် ၃၀ ဝန်းကျင်လောက်ရောက်နေတဲ့သူကို ပေးမယ်ဆိုရင် ဒီလို V Neck အင်္ကျီလေးတွေကို ပေးလို့ရပါတယ်။
