မိုးရာသီရောက်လာတဲ့အခါမှာတော့ ဘောင်းဘီရှည်တွေဝတ်တာထက် အတိုလေးတွေဝတ်တာက ပိုအဆင်ပြေစေမှာပါ။ စကပ်လေးတွေဝတ်တာဟာ ဘောင်းဘီတိုတွေဝတ်တာထက် မိန်းကလေးဆန်ဆန်နဲ့ ပိုပြီးချစ်စရာကောင်းစေပါတယ်။ မိုးတွင်းဆိုတော့ အင်္ကျီကိုရွေးချယ်တဲ့အခါမှာ အင်္ကျီလက်ရှည်လေးတွေကို ရွေးချယ်သင့်ပါတယ်။ ဒါကြောင့် မိုးရာသီမှာ စကပ်အတိုလေးတွေကို ဘယ်လိုအင်္ကျီလက်ရှည်လေးတွေနဲ့ တွဲဖက်ဝတ်ဆင်လို့ရမလဲဆိုတာကို ဖော်ပြပေးလိုက်ပါတယ်။
မီနီစကပ်အနက်ရောင်လေးတွေဟာ ဝတ်လိုက်ရင်ဆွဲဆောင်မှုလည်းရှိသလို ချစ်စရာလည်းကောင်းစေပါတယ်။ ဒါကြောင့် မိန်းကလေးတိုင်းမှာရှိထားသင့်တဲ့ စကပ်လေးလို့ပြောရမှာပါ။ မီနီစကပ်အနက်ရောင်လေးကို ရှပ်အင်္ကျီလက်ရှည်လေးတွေနဲ့ တွဲဖက်ဝတ်ဆင်တာက ရိုးရိုးလေးနဲ့ဆွဲဆောင်မှုရှိစေပါတယ်။
Source: www.pinterest.com
အခုနောက်ပိုင်းမှာအရမ်းခေတ်စားလာတဲ့ ကိုရီးယား Floral အင်္ကျီလက်ရှည်လေးတွေကိုတော့ ချစ်စရာကောင်းတဲ့စကပ်လေးတွေနဲ့ အရောင်တူအောင်တွဲဖက်ဝတ်ဆင်ပေးပါ။ ဒီစကပ်နဲ့အင်္ကျီလေးဆိုရင် အပြင်မှာကော Online Shopping တွေမှာရော အလွယ်တကူနဲ့ဝယ်ယူနိုင်ပါတယ်။
Source: www.pinterest.com
မိန်းကလေးတော်တော်များများမှာရှိတတ်တဲ့ ကိုရီးယားစကပ်လေးတွေကိုတော့ ဆွယ်တာလိုအင်္ကျီလက်ရှည်လေးတွေနဲ့ တွဲဖက်ဝတ်ဆင်နိုင်ပါတယ်။ ဒီဖက်ရှင်လေးကတော့ မိန်းကလေးဆန်ဆန်နဲ့ ချစ်စရာကောင်းနေစေမှာပါ။
Source: www.pinterest.com
နေရာတိုင်းမှာဝယ်ယူနိုင်တဲ့ Velvet စကပ်လေးတွေကိုလည်း အခုနောက်ပိုင်းအရမ်းခေတ်စားနေတဲ့ Floral အင်္ကျီလက်ရှည်လေးတွေနဲ့ တွဲဖက်ဝတ်ဆင်နိုင်ပါတယ်။ ဒီအင်္ကျီလေးတွေဟာ လက်ရှည်ဖြစ်ပေမယ့် မပူတဲ့အတွက် မိန်းကလေးတိုင်းဝတ်ရတာအဆင်ပြေစေပါတယ်။
Source: www.pinterest.com
မိန်းကလေးဆန်ပြီး ဆွဲဆောင်မှုအပြည့်နဲ့လှနေချင်ရင်တော့ မီနီစကပ်အနက်ရောင်လေးကို ခေတ်စားနေတဲ့ Floral အင်္ကျီလေးတွေနဲ့ တွဲဖက်ဝတ်ဆင်ပါ။ ဒေါက်ဖိနပ်လေးပါစီးလိုက်မယ်ဆိုရင်တော့ တကယ်ကို Perfect ဖြစ်သွားစေမှာပါ။
Source: www.pinterest.com
အင်္ကျီလက်ရှည်ကိုမှ အတွန့်လေးတွေပါတဲ့ အင်္ကျီလေးတွေကလည်း အခုနောက်ပိုင်းမှာ အရမ်းကိုခေတ်စားလာတာပါ။ ဒီအင်္ကျီလေးတွေဆိုရင် ဘယ်လိုစကပ်ဒီဇိုင်းတွေနဲ့ပဲဖြစ်ဖြစ် လိုက်ဖက်မှုရှိစေလို့ မိန်းကလေးတွေအနေနဲ့ ရွေးချယ်သင့်တဲ့ဖက်ရှင်လေးပါ။
Source: www.pinterest.com
