ရည်းစားဟောင်းနဲ့လမ်းခွဲပြီး နောက်ထပ်ချစ်သူတစ်ယောက် ထားဖို့ဆိုတာ တကယ်ကို စိန်ခေါ်မှုတစ်ခုပါပဲ။ အထူးသဖြင့် တခါနာကျင်ရပြီးပြီဖြစ်တဲ့ နှလုံးသားက နောက်ထပ် နာကျင်ရမှာကို ကြောက်သွားတတ်ပါတယ်။ အဲဒီလို နောက်ထပ်ချစ်သူသစ်ထားတဲ့အခါမှာလည်း အရင်ရည်းစားဟောင်း (သို့) အချစ်ဦးနဲ့ တွဲခဲ့စဉ်က အမူအကျင့်တွေ ပါလာတတ်ပါတယ်။
ဒါ့ကြောင့် တခါနာကျင်ပြီးရင် နောက်ထပ် ချစ်သူသစ်ထားတဲ့အခါမှာ ပိုမိုပျော်ရွှင်စရာကောင်းပြီး ရေရှည်တည်မြဲဖို့အတွက် အခုဖော်ပြမယ့် မေးခွန်းကို ကိုယ့်ကိုကိုယ် မေးကြည့်လိုက်ပါ။
၁။ နောက်ထပ် ချစ်သူထားဖို့ တကယ်အဆင်သစ်ဖြစ်နေပြီလား
ချစ်သူနှစ်ဦးဆက်ဆံရေးမှာ နားလည်မှုဆိုတာလိုအပ်သလို အဲဒီနားလည်မှုကို အချိန်တွေအများကြီးပေးတည်ဆောက်ကြရတာပါ။ အလုပ်သစ်ကို စလုပ်တဲ့အခါမှာ သင့်စိတ်ကူးအိပ်မက် မျှော်လင့်ချက်နောက်ကို လိုက်သလို သင့်မိသားစုရဲ့ စားဝတ်နေရေးကို ကြည့်သလိုမျိုးပါပဲ။ နှလုံးသားရဲ့ အလိုဆန္ဒတစ်ခုတည်းကိုပဲမကြည့်ဘဲ ကိုယ့်ရဲ့ နေထိုင်မှုပုံစံက တကယ်ချစ်သူသစ်ထားဖို့ အဆင်သင့်ဖြစ်နေပြီလားဆိုတဲ့မေးခွန်းပါပဲ။ အထီးကျန်လို့ နောက်ထပ်ရည်းစားတစ်ယောက် မထားလိုက်ပါနဲ့။
၂။ ရည်းစားဟောင်းကို တကယ်မေ့နိုင်ပြီလား
ဒီမေးခွန်းကို ဖြေကြည့်လိုက်ပါ။ အရေးကြီးပါတယ်နော်။ ရည်းစားဟောင်းကို မမေ့နိုင်ဘဲ နောက်တစ်ယောက်ထားနေရင်လည်း သူ့ရဲ့ နှောင်ကြိုးက လွတ်မြောက်နိုင်မှာမဟုတ်ပါဘူး။
၃။ သင့်ရည်းစားဟောင်းနဲ့ ဆက်ဆံရေးမှာ ဘာတွေလိုအပ်ချက်ရှိခဲ့လဲ
Source: evronews.net
သင့်ရည်းစားဟောင်းနဲ့ ဆက်ဆံရေးမှာ တစ်ယောက်ကိုယ်တစ်ယောက် ယုံကြည်မှုရှိခဲ့လား။ ဒါမှမဟုတ် သင်ပွင့်ပွင့်လင်းလင်းမပြောပြတာတွေက အားနည်းချက်တစ်ခုဖြစ်ခဲ့သလားဆိုတာကို သေချာစဉ်းစားကြည့်ပါ။ ပြီးရင် အဖြေရှာဖို့ကြိုးစားပါ။အတိတ်ကို သင်ခန်းစာယူပါ။
၎။ ဘယ်လို ချစ်သူနှစ်ဦးဆက်ဆံရေးမျိုးကို လိုချင်တာလဲ
Source: Wallpapers
သင်ဟာ နောက်ထပ်ထားမယ့် ချစ်သူအပေါ် ဘယ်လိုသဘောထားမျိုးရှိတာလဲ။ အပျော်လား။ အတည်လားဆိုတာကို သေချာရှင်းရှင်းလင်းလင်းသိအောင်လုပ်သင့်ပါတယ်။ ဘယ်လိုအချစ်ရေးမျိုးကို တည်ဆောက်ချင်တာလဲ။ နားလည်မှုပြည့်ဝတဲ့အချစ်ရေးလား၊ ပျော်စရာကောင်းတဲ့အချစ်ရေးလား။ သင့်ဆန္ဒကို သင့်ရဲ့ချစ်သူဖြစ်လာမယ့်သူကိုပြောပြလိုက်ပါ။
၅။ ချစ်သူနှစ်ဦးဆက်ဆံရေးကနေ သင်ဘာလိုချင်တာလဲ
တစ်ခုခု အထောက်အပံ့ကိုလိုချင်တာလား။ အချစ်စစ်ကိုလိုချင်တာလား။ ဒါမှမဟုတ် သူငယ်ချင်းကောင်းလိုမျိုးဆက်ဆံရေးကိုလိုချင်တာလား။ သူ့ဆီကသင်ဘာလိုချင်တာလဲဆိုတာကို အရင်သိအောင်လုပ်ပါ။
၆။ ကိုယ့်ကိုကိုယ် ချစ်ရဲ့လား
Source: firedfromwithin
သင်ကိုယ်တိုင်ရော သင့်ကိုယ်သင်ချစ်ရဲ့လားဆိုတဲ့မေးခွန်းကို မေးလိုက်ပါ။ ကိုယ့်ကိုကိုယ်တောင် ဘယ်လိုချစ်ရမလဲမသိတဲ့သူတစ်ယောက်က တခြားသူတစ်ယောက်ကို ဘယ်လိုချစ်ရမလဲဆိုတာ သိမှာမဟုတ်ပါဘူး။
၇။ တကယ်ပဲ နောက်ထပ် ချစ်သူသစ်ထားချင်တာ သေချာလား
နောက်ထပ်ချစ်သူသစ်ထားချင်တာသေချာလား။ တစ်ယောက်တည်းနေတော့ကော ဘာဖြစ်လို့လဲ။ သူ့ကို တကယ်ချစ်တာသေချာလားဆိုတာကို မေးပါ။ ဒါပေမယ့် နောက်တစ်ယောက်ထားဖို့ မလောလိုက်ပါနဲ့။
