Selena Gomez ဟာ The Weeknd နဲ့ အတူရှိနေတာထက် Justin Bieber နဲ့အတူရှိနေတာ ပိုပြီးပျော်ရွှင်နေတယ်လို့ Hollywoodlife ဆိုတဲ့ အနုပညာ ဝဘ်ဆိုက်မှာ ဖော်ပြထားပါတယ်။
လက်ရှိ ရည်းစားဟောင်းဖြစ်သူ Justin နဲ့ ဆက်ဆံရေးပြန်လည်ကောင်းမွန်နေပြီး The Weeknd နဲ့ တရားဝင်ပြတ်ဆဲထားတဲ့ Selena ဟာ Justin နဲ့ အတူရှိနေတာ ပိုပြီးပျော်ရွှင်နေဟန်တူတယ်လို့ ဆိုပါတယ်။
Selena နဲ့ ရင်းနှီးတဲ့ သတင်းပေးသူရဲ့ပြောကြားချက်အရ Selena ဟာ Abel (The Weeknd) နဲ့ အတူရှိနေတုန်းက ကျန်းမာရေးလည်း သိပ်မကောင်းခဲ့ဘူး။ အခု Justin နဲ့ အတူရှိနေတော့ ကျန်းမာရေးကလည်း အလိုလိုတိုးတက်လာတယ်။ အဲဒါက ခြားနားချက်တစ်ခုပဲ။ ပြီးတော့ The Weeknd ကလည်း Tour (နယ်လှည့်ရှိုး) ကိစ္စနဲ့ အလုပ်တွေရှုပ်နေပြီး တစ်ယောက်နဲ့တစ်ယောက်ကြားမှာ စိတ်ဖိစီးမှုတွေလည်း အရမ်းများတယ်။ ဒါပေမယ့် Justin နဲ့ ကျတော့ အဲလိုတွေမရှိဘူးလို့ ဆိုပါတယ်။
Selena နဲ့ Justin ဟာလည်း တကယ်တော့ သူစိမ်းတွေမဟုတ်ပါဘူး။ အရင်က ချစ်သူဖြစ်ခဲ့ကြဖူးပါတယ်။ “အချိန်ကိုက်လို့ပြောရမှာပါ။ သူတို့နှစ်ယောက်အတွက်ပိုပြီးကောင်းသွားတာပေါ့။ လက်ရှိ Selena ကအလုပ်တွေ လျှော့လုပ်နေပြီး Justin နေတဲ့နေရာနဲ့ နီးတဲ့ Los Angeles မှာပဲ နေနေတာပါ။ အခု Selena ရဲ့ ကျန်းမာရေးလည်းကောင်းမွန်လာပြီ။ အခု Justin နဲ့ ပိုပြီးပျော်ရွှင်နေတယ်လေ။ အချိန်ကိုက်ပါပဲ” လို့ Selena နဲ့ ရင်းနှီးတဲ့ သတင်းပေးသူက ဆက်ပြောပါတယ်။
Selena နဲ့ Justin တို့ ပြန်ပြီးတွဲကြမယ်ဆိုရင်လည်း သဘောတူနေကြတဲ့ ပရိသတ်တွေအများကြီးပါပဲ။ အဲဒီထဲမှာ စာဖတ်သူတို့လည်းပါမယ်လို့ မျှော်လင့်ပါတယ်နော်။
