ကျွန်မတို့အားလုံး သွားတိုက်ဆေးကိုတော့ သွားတိုက်ဖို့အတွက် သုံးဖူးကြပါတယ်။ လူတိုင်းရဲ့အိမ်မှာလည်း ရှိပါတယ်။ သွားတိုက်ဆေးက ဝက်ခြံ၊ အမဲစက်နဲ့ ဆားဝက်ခြံတွေအတွက်တော့ အလွန်အသုံးဝင်ပါတယ်။ ကဲ … ဘယ်လိုသုံးရမယ်ဆိုတာကိုတော့ အောက်မှာပဲဆက်ကြည့်လိုက်ကြရအောင်ပါ။

Source: Inhabitat

၁။ ဝက်ခြံ

ရှားစောင်းလက်ပတ်ဂျယ်လ်နဲ့ သွားတိုက်ဆေးကိုဆတူရောပြီး ဝက်ခြံပေါက်တဲ့နေရာပေါ်မှာ (၃) မိနစ်လောက်အုံထားပေးပါ။ တစ်နေ့ (၂) ကြိမ်ကနေ (၃) ကြိမ်အထိ ပြုလုပ်လို့ရပါတယ်။

၂။ ဆားဝက်ခြံ

ဆားဝက်ခြံအတွက်ဆိုရင်တော့ သွားတိုက်ဆေး (၂) ပုံ (၁) ပုံနဲ့ ဆား (၄) ပုံ (၁) ပုံကို ရေလေးတစ်စက်၊ နှစ်စက်လောက်ထည့်ရောပြီး ဆားဝက်ခြံရှိတဲ့နေရာတွေမှာ (၂-၃) မိနစ်လောက် ပွတ်ပေးပါ။ မပွက်ခင် အဲဒီဆားဝက်ခြံရှိတဲ့နေရာကို ရေနွေးငွေ့လေးနဲ့ (၅) မိနစ်လောက် အရင်ပေါင်းထားပေးပါ။ အားလုံးပြီးသွားရင်တော့ ရေဆေးချလို့ ရပါပြီ။

၃။ Lip Scrub

နှုတ်ခမ်းလေးကို ပန်းရောင်သန်းပြီး နူးညံ့နေစေချင်တယ်ဆိုရင်တော့ ဆန်မှုန့် (၄) ပုံ (၁) ပုံနဲ့ သွားတိုက်ဆေး (၄) ပုံ (၁) ပုံကို နှုတ်ခမ်းပေါ်တင်ပြီး (၃-၄) မိနစ်လောက် ပွတ်ပေးပါ။ ပြီးရင်တော့ အဝတ်နဲ့သုတ်ချပြီး ရေဆေးလိုက်လို့ရပါပြီ။

၄။ လက်သည်းသန့်စင်လို့ရတယ်

သွားတိုက်ဆေး လက်တစ်ဆစ်စာလောက်မှာ သံပရာရည် (၄) ပုံ (၁) ပုံလောက်ရောပြီး လက်သည်းပေါ်အရင်ဆုံး (၅) မိနစ်လောက် သုတ်လိမ်းထားပေးပါ။ ပြီးရင်တော့ (၂-၃) မိနစ်လောက် သွားပွတ်တံနဲ့ လက်သည်းကို ထပ်ပွတ်ပေးပါ။ နောက်ဆုံးမှာတော့ ရေဆေးချလို့ရပါပြီ။

၅။ Moisturizer အနေနဲ့ သုံးလို့ရတယ်

သွားတိုက်ဆေး လက်ဖက်ရည်ဇွန်း (၁) ဇွန်း၊ ရှားစောင်းလက်ပတ်ဂျယ်လ် (၄) ပုံ (၁) ပုံနဲ့ နနွင်းမှုန့် လက်တစ်ဆစ်လောက်ကို သမအောင်ရောမွှေပေးပါ။ ပြီးရင်တော့ အမဲစက်ရှိတဲ့နေရာတွေပေါ် အစက်ချပြီး တစ်ညလုံးထားထားလိုက်ပါ။ နောက်နေ့မနက်မှ မျက်နှာသစ်ရင်း တစ်ခါတည်းဆေးချလိုက်ပါ။

သတိထားရမှာက Skin Care ပြုလုပ်နေစဉ်အတွင်း အသုံးပြုတဲ့ သွားတိုက်ဆေးတွေက အဖြူရောင်ပလိန်းသွားတိုက်ဆေးတွေကိုသာ ရည်ညွှန်းတာဖြစ်ပြီး Gel Type တွေကို အသုံးမပြုကြဖို့ကိုတော့ ဂရုပြုစေချင်ပါတယ်။