တော်ဝင်မင်္ဂလာပွဲလို့ပြောလိုက်ရင် အကုန်လုံးက အကောင်းဆုံးနဲ့အခမ်းနားဆုံးဆိုတာကို ပြင်ဆင်ပြီး ကျင်းပကြပါတယ်။ ဒီထဲမှာမှ တော်ဝင်မင်္ဂလာဝတ်စုံကလည်း တစ်ခုအပါအဝင်ပါ။ တော်ဝင်မင်္ဂလာဝတ်စုံအတွက် ဖက်ရှင်ဒီဇိုင်နာတွေက အကောင်းဆုံး တော်ဝင်မင်္ဂလာဝတ်စုံတွေကို ခမ်းနားထည်ဝါစွာပြုလုပ်ကြပြီး သမိုင်းဝင်တဲ့ အခိုက်အတန့်ကို ဖန်တီးကြပါတယ်။
ဒါတွေကတော့ ဘယ်တော့မှမရိုးသွားတဲ့ အကောင်းဆုံး တော်ဝင်မင်္ဂလာဝတ်စုံတွေပါ။
Princess Diana
1981 ခုနှစ်မှာ ဘုရင် Charles III နှင့် လက်ထပ်တဲ့အချိန် ၀တ်ဆင်ခဲ့တဲ့ Princess Diana ရဲ့ မင်္ဂလာဝတ်စုံက မှတ်တမ်းဝင်ခဲ့ပါတယ်။
Kate Middleton
2011 ခုနှစ်မှာ Prince William နဲ့ လက်ထပ်ခဲ့တဲ့ Kate Middleton ဝတ်ဆင်ခဲ့တဲ့ဂါဝန်ကို မင်္ဂလာပွဲအပြီးမှာ ဘက်ကင်ဟမ်နန်းတော်မှာ ပြသခဲ့ပါတယ်။
Meghan Markle
အံ့သြစရာကောင်းလောက်အောင် ရိုးရှင်းပေမယ့် ဆယ်စုနှစ်တစ်ခုအတွင်း ရေပန်းအစားဆုံး မင်္ဂလာဝတ်စုံဖြစ်ခဲ့တဲ့ Meghan Markle ရဲ့ မင်္ဂလာဝတ်စုံက တကယ်အမိုက်စားပါပဲ။ သတို့သမီးရဲ့ 16 ပေရှည်တဲ့ Veil က Markle ရဲ့ ဇာတိပြည်နယ်ဖြစ်တဲ့ ကယ်လီဖိုးနီးယားကို ကိုယ်စားပြု ဒီဇိုင်းထုတ်ထားတာပါ။
Queen Elizabeth II
ဒုတိယကမ္ဘာစစ်အပြီးမှာ မင်းသားဖိလစ်နဲ့ လက်ထပ်ခဲ့တဲ့ Queen Elizabeth II ရဲ့ ဝတ်စုံကို ချုပ်လုပ်ပေးခဲ့တဲ့ ဒီဇိုင်နာ Norman Hartnell က “သူလုပ်ဖူးသမျှထဲမှာ အလှပဆုံး ၀တ်စုံ” လို့တောင် သတ်မှတ်ထားတာပါ။
Princess Eugenie
2018 ခုနှစ် Princess Eugenie ရဲ့ မင်္ဂလာပွဲအတွက် သူမဝတ်ဆင်ခဲ့တဲ့ မင်္ဂလာဝတ်စုံကို ဗြိတိန် ဒီဇိုင်းသမား နှစ်ယောက်ဖြစ်တဲ့ Peter Pilotto နဲ့ Christopher De Vos တို့ကချုပ်လုပ်ပေးခဲ့ပြီး တကယ့်ကို ဒဏ္ဍာရီဆန်လွန်းတဲ့ ဂါဝန်တစ်ထည်ဖြစ်ခဲ့ပါတယ်။
