ပရိသတ်အချစ်တော်တွေဖြစ်ကြတဲ့ Hyun Bin နဲ့ Son Ye Jin တို့ရဲ့ မင်္ဂလာပွဲကိုတော့ ဒီနေ့ March 31 ရက်နေ့ ကိုရီးယားစံတော်ချိန် 4PM မှာ ကျင်းပပြုလုပ်ကြတာ ဖြစ်ပါတယ်။ မင်္ဂလာပွဲကျင်းပတဲ့နေရာကတော့ Grand Walkerhill Seoul Hotel’s Aston House မှာပါ။
Private wedding လေးဖြစ်တဲ့အတွက် မိသားစုတွေနဲ့ ရင်းနှီးတဲ့မိတ်ဆွေ အပေါင်းအသင်းတွေကိုပဲ ဖိတ်ကြားထားပါတယ်။
မင်္ဂလာပွဲမှာ တောင်ကိုရီးယားအဆိုတော် Gummy ကလည်း Crash Landing on You ရဲ့ OST song တစ်ပုဒ်ဖြစ်တဲ့ Give You My Heart ကို သီဆိုပေးမယ်လို့သိရပါတယ်။
မင်္ဂလာပွဲမကျင်းပခင်မှာပဲ နှစ်ယောက်သားရဲ့ wedding ပုံလေးတွေ တက်လာခဲ့တာကြောင့် ပရိသတ်တွေက အရမ်းကိုသဘောကျပြီး ဆုတောင်းစကားတွေလည်း ပြောပေးကြပါသေးတယ်။ ပရိသတ်တွေကတော့ မင်္ဂလာပွဲကပုံလေးတွေကိုပါ မျှော်နေကြမှာသေချာပါတယ်။
Hyun Bin နဲ့ Son Ye Jin တို့က နာမည်ကြီး Drama ဖြစ်တဲ့ “Crash Landing on You” မှာ တူတူသရုပ်ဆောင်ခဲ့ကြပြီး အဲ့ဒီနောက်ပိုင်းမှာတော့ ချစ်သူတွေဖြစ်ခဲ့ကြတာပါ။ တရားဝင်ချစ်သူတွေဖြစ်ကြောင်း January 2021 မှာ Dating Confirm ခဲ့တာဖြစ်ပြီး Feb 10 ရက်နေ့မှာတော့ March လထဲမှာ မင်္ဂလာဆောင်တော့မယ့်အကြောင်း ပရိသတ်တွေကို အသိပေးခဲ့ပါတယ်။
နောက်ဆုံးတော့ Hyun Bin နဲ့ Son Ye Jin တို့ရဲ့ မင်္ဂလာပွဲလေးကို ဒီနေ့ March 31 ရက်နေ့မှာပဲ ကျင်းပလိုက်ပါပြီ။
