စွတ်စိုထိုင်းမှိုင်းတဲ့ မိုးရက်တွေမှာ ဘယ်လိုဖိနပ်စီးပြီး အပြင်ထွက်ကြမလဲ။ စတိုင်လည်း ကျရမယ်။ မိုးရေတွေလည်း စိုးရိမ်စရာမလိုတဲ့ Shoes မျိုး ဖြစ်ရမှာပေါ့။ မိုးရာသီမှာ ဖက်ရှင်ကျကျ ရေစိုခံ စီးနိုင်မယ့် Shoes တွေထဲက အမျိုးသားတွေမှာ ရှိထားသင့်တဲ့ Shoes တစ်ချို့အကြောင်း မျှဝေချင်ပါတယ်။
(၁) Canvas Espadrilles
Photo: Mensxp
ကင်းဗတ်စ်သား ရှုးစ်အပါးတွေက ပေါးပါးပြီး ရေလျှော်လို့ ရတဲ့ ဖိနပ်တွေ ဖြစ်ပါတယ်။ မိုးရာသီဆိုပေမယ့် ပူတဲ့ နေ့တွေမှာလည်း စီးလို့ ကောင်းမယ့် ဖိနပ်တွေဖြစ်ပါတယ်။ တစ်ရံလောက် ပိုင်ဆိုင်ထားမယ်ဆိုရင် ရာသီဥတု သုံးမျိုးစလုံး စီးလို့ရတာကလည်း Canvas Espadrillesတွေရဲ့ အားသာချက် ဖြစ်ပါတယ်။
(၂) Loafers
Photo: The Adult Man
Loafers တွေက သန့်ရှင်းရေး လုပ်ဖို့ လွယ်ပါတယ်။ Shoes တွေလိုမျိုး ကြိုးချည်စရာမလိုဘဲ အလွယ်တကူ ခြေထည့်ပြီး သွားရုံပါပဲ။ အောက်ခံ Sole က ထူထဲပြီး ရာသီဥတုဒဏ်ခံနိုင်လို့ မိုးတွင်းမှာ စီးဖို့အတွက်လည်း အဆင်ပြေပါတယ်။
(၃) Rugged Sneakers
Photo: Mensxp
မိုးရာသီ လမ်းတွေပေါ် စီးသွားလို့ အကောင်းဆုံးဖိနပ်တွေထဲမှာ အကြမ်းစီး Sneakers တွေလည်း ပါပါတယ်။ T-Shirt နဲ့ Jeans စတိုင်နဲ့ တွဲဝတ်ဖို့အကောင်းဆုံးပါ။ Semi-Formal ဖက်ရှင်အဖြစ်လည်း တွဲဖက်နိုင်တဲ့ ဖိနပ်တွေ ဖြစ်ပါတယ်။
