ပရိတ်သတ်ကြီးတို့ရေ.. Misss ခေါင်းလျှော်ရည်နဲ့ Hla Day တို့ ပူးပေါင်းစီစဉ်တဲ့ “ပေါ်လွင်လှပ ပင်ကိုယ်သဘာဝ” အစီအစဉ်လေးကနေ လက်မှုပညာသင်ခန်းစာတွေကို အခမဲ့ပို့ချပေးနေတာ အခုဆိုရင် သင်ခန်းစာခေါင်းစဉ် ၃ ခုကိုထုတ်လွှင့်ခဲ့ပြီးပါပြီ။ ဒီသင်ခန်းစာခေါင်းစဉ်တွေနဲ့သက်ဆိုင်တဲ့ ဗီဒီယိုတွေကို Misss Myanmar Viber Bot မှာ အပတ်စဉ်တင်ဆက်ပေးနေတာပဲဖြစ်ပါတယ်။ ဒီ Viber Bot ကို ကိုယ်တိုင်လည်း subscribe လုပ်ထားပြီး အကျိုးရှိတာမို့ မသိသေးတဲ့သူတွေသိရအောင် ဒီအစီအစဉ်ရဲ့ အကျိုးကျေးဇူးတွေကို ဝေမျှပေးပါရစေ။
(၁) ဘာသာစကားအခက်အခဲမရှိခြင်း – အင်တာနက်နဲ့ ဖုန်းရှိရင် YouTube နဲ့ လူမှုကွန်ယက်အမျိုးမျိုးကနေ ကိုယ်သိချင်တာတွေကို အလွယ်တကူ ရှာဖွေလေ့လာနိုင်ပေမဲ့ ဘာသာစကားအခက်အခဲကြောင့် အခေါ်အဝေါ် တွေ နားမလည်တာ၊ မရှင်းလင်းတာတွေ ဖြစ်နိုင်ပါတယ်။ အခု Misss ကနေပို့ချပေးတဲ့ သင်ခန်းစာတွေကို ပြည်တွင်းကလက်မှုပညာရှင်တွေက မြန်မာဘာသာစကားနဲ့ပဲ ရှင်းလင်းသင်ပြပေးထားတာကြောင့် ဒီလိုအခက်အခဲမျိုး ကြုံရမလားဆိုတာကို စိတ်ပူစရာမလိုတော့ပါဘူး။
(၂) ကုန်ကြမ်းပစ္စည်းရှာရလွယ်ကူခြင်း – ပြည်တွင်းအတတ်ပညာရှင်တွေက ဈေးကွက်မှာ အလွယ်တကူ ဝယ်ယူနိုင်တဲ့ ပြည်တွင်းဖြစ်သဘာဝကုန်ကြမ်းပစ္စည်းတွေနဲ့ပဲ သင်ကြားပြသပေးတာမို့ ကုန်ကြမ်းရှာမရတဲ့ပြဿနာကို မကြုံရတော့တဲ့ အားသာချက်လည်းရှိပါတယ်။
(၃) အရင်းအနှီးအနည်းငယ်သာလိုအပ်ခြင်း – ဒီအစီအစဉ်မှာ ပြည်တွင်းဖြစ် သဘာဝကုန်ကြမ်းပစ္စည်းတွေကိုအသုံးပြုပြီး ဖန်တီးနိုင်တဲ့ လက်မှုပစ္စည်းတွေအပြင် ကိုယ့်ပတ်ဝန်းကျင်မှာရှိတဲ့ သုံးပြီးသား စက္ကူနဲ့ပလတ်စတစ်ပစ္စည်းတွေကို ပြန်လည်ပြုပြင်အသုံးချပြီး ဖန်တီးနိုင်တဲ့ လက်မှုပစ္စည်းလုပ်နည်းတွေကို သင်ကြားပေးတာဖြစ်ပါတယ်။ ဒါ့အပြင် အိမ်မှာရှိတဲ့ကိရိယာတွေနဲ့တင် ဖန်တီးလို့ရတဲ့လက်မှုပစ္စည်းတွေဖြစ်တဲ့အတွက် တန်ဖိုးကြီး စက်ကိရိယာနဲ့ ကုန်ကြမ်းပစ္စည်းတွေမလိုအပ်ပဲ အရင်းအနှီးနည်းနည်းနဲ့သာ ဖန်တီးပြုလုပ်နိုင်မှာ ဖြစ်ပါတယ်။
(၄) အလွယ်တကူ လေ့လာနိုင်ခြင်း – မြန်မာနိုင်ငံမှာလူသုံးများတဲ့ အပ်ပလီကေးရှင်းတစ်ခုဖြစ်တဲ့ Viber မှာ Chat Bot တစ်ခုဖန်တီးထားပြီး သင်ခန်းစာဗီဒီယိုတွေ၊ ဉာဏ်စမ်းမေးခွန်းတွေကို ထုတ်လွှင့်သင်ကြားပေးနေတဲ့အတွက် Chat Bot ကို subscribe လုပ်ထားရုံနဲ့ သင်ခန်းစာအသစ်တွေကို အပတ်စဉ်အလွယ်တကူသင်ယူနိုင်မှာဖြစ်ပါတယ်။ ဒါ့အပြင် ၁၀ မိနစ်ဝန်းကျင်သာရှိတဲ့ ဒီ ဗီဒီယိုသင်ခန်းစာတိုလေးတွေကို နားလည်လွယ်စေမဲ့ အရိုးရှင်းဆုံးနည်းလမ်းအဆင့်ဆင့်နဲ့ အသေးစိတ်သင်ပြပေးထားတာဖြစ်တဲ့အတွက် လေ့လာမှတ်သားရလွယ်ကူပါတယ်။
(၅) နားလည်တတ်ကျွမ်းမှုကိုစစ်ဆေးပြီး ဆုလက်ဆောင်ရယူနိုင်ခြင်း – သင်ခန်းစာခေါင်းစဉ်တစ်ခုပြီးတိုင်းမှာ နားလည်မှုကို စစ်ဆေးတဲ့ ဉာဏ်စမ်းမေးခွန်းတွေ ဖြေလို့ရတဲ့အတွက် ကိုယ်တကယ်သိလားမသိလားဆိုတာ ဆန်းစစ်နိုင်ပါတယ်။ ဒါ့အပြင် ဉာဏ်စမ်းမေးခွန်းတွေကို မှန်ကန်အောင် ဖြေဆိုနိုင်တဲ့သူတွေအတွက် ဖုန်းဘေလ်ဆုလက်ဆောင်တွေကိုလည်း စီစဉ်ပေးထားတာမို့ ပညာလည်းရ သင်ခန်းစာဗီဒီယိုတွေထပ်ကြည့်ဖို့ ဖုန်းဘေလ်လည်းရနဲ့ နှစ်ခါမြတ်ပါတယ်။
(၆) ကိုယ်တိုင်အချိန်စီမံခန့်ခွဲနိုင်ခြင်း – အွန်လိုင်းကနေ ကိုယ်အဆင်ပြေရာအချိန်မှာ လေ့လာနိုင်တဲ့ အစီအစဉ်ဖြစ်တာကြောင့် ကိုယ်လုပ်ရမဲ့ အခြားအလုပ်တွေနဲ့ အချိန်မတိုက်အောင် ညှိနှိုင်းသင်ယူနိုင်ပါတယ်။ တစ်စုံတစ်ယောက်က စောင့်ကြည့်ထိန်းကျောင်းနေတာမျိုးမဟုတ်ပဲ ကိုယ်တိုင်အချိန်ပေးပြီး လေ့လာသင်ယူမှသာ တတ်မြောက်မှာမို့ အချိန်စီမံခန့်ခွဲတတ်ဖို့ကိုပါ တခါတည်းလေ့ကျင့်ရာလည်း ရောက်ပါတယ်။
(၇) ဝင်ငွေရှာဖွေနိုင်ခြင်း – ခုနောက်ပိုင်းမှာ ပြည်တွင်းဖြစ်လက်မှုပစ္စည်းတွေအပေါ် လူထုရဲ့အမြင်နဲ့ တန်ဖိုးထားမှုဟာ ပိုပြီးမြင့်မားလာတယ်လို့ ပြောလို့ရပါတယ်။ ဒါ့ကြောင့် လက်မှုပစ္စည်းဖန်တီးသူတွေအနေနဲ့ မိမိတတ်ကျွမ်းတဲ့ပညာရပ်ကိုအသုံးချပြီး ဝင်ငွေရှာဖွေလာကြပါပြီ။ “လေ့လာသင်ယူ ဝင်ငွေထူ Misss နဲ့အတူ” လို့ဆိုသလိုပဲ Misss က အခုသင်ကြားပေးတဲ့ လက်မှုပညာလေးတွေက ဝါသနာရှင်များအတွက် အိုးမကွာအိမ်မကွာ ဝင်ငွေရလမ်းတစ်ခုထူထောင်နိုင်ဖို့ ပံ့ပိုးပေးရာရောက်တာမို့ လက်မလွတ်သင့်တဲ့ အခွင့်ရေးတစ်ခုလို့ မြင်ပါတယ်။
အကျိုးကျေးဇူးအပြည့်နဲ့ အခမဲ့ပညာဒါနအစီအစဉ်ဖြစ်တဲ့အတွက် စိတ်ပါဝင်စားသူများအားလုံးကို Misss Myanmar Viber Bot ကို subscribe ထားဖို့ ဖိတ်ခေါ်ချင်ပါတယ်။ Viber အပ်ပလီကေးရှင်းမှာ “Misss Myanmar” လို့ရိုက်ထည့်ပြီး ရှာလို့ရသလို ဒီလင့်ခ်ကိုနှိပ်ပြီးလည်း ဝင်ရောက်ကြည့်ရှု subscribe လုပ်နိုင်ပါတယ်။ https://vb.me/misss_myanmar_bot
