ကိုယ်ကပဲ စပြီးလမ်းခွဲလိုက်တာပဲဖြစ်ဖြစ်၊ ကိုယ်ကပဲ ထားခဲ့ခံရတာပဲဖြစ်ဖြစ် လမ်းခွဲပြီးနောက်မှာတော့ ဘယ်လောက်နာကျင်ရလဲဆိုတာ မိန်းကလေးအချင်းချင်းသာ ခံစားသိကြပါတယ်။ လမ်းခွဲပြီးနောက် ခံစားချက်မတည်မငြိမ်ဖြစ်နေချိန်မှာ ပြုလုပ်လိုက်မိတဲ့ အမှားတွေကြောင့် တစ်ချိန်ချိန်မှာ နောင်တရစရာတွေ ဖြစ်လာနိုင်ပါတယ်။ လမ်းခွဲပြီးနောက်မှာ မိန်းကလေးအများစုပြုလုပ်မိတဲ့ အမှားလေးတွေက ဘာတွေများဖြစ်မလဲ။
၁။ ရည်းစားဟောင်းဆီသို့ မကြာခဏဖုန်းဆက်ခြင်း
Photo Source: www.elitedaily.com
လမ်းခွဲရခြင်းအကြောင်းအရင်းနဲ့ အခြေအနေကို နားလည်အောင်ကြိုးစားနေကြတဲ့ မိန်းကလေးတွေ အများစုပြုလုပ်မိကြတဲ့ အမှားပါ။ ဒီလိုပြုလုပ်ခြင်းက ရည်းစားဟောင်းအပေါ်မှာ စိတ်မပြတ်နိုင်ဘဲ တွယ်ကပ်နေတဲ့ပုံ၊ သူ့ကိုလိုက်နှောင့်ယှက်နေတဲ့ပုံ ပေါ်စေပါတယ်။
၂။ စိတ်လွတ်လိုက်ခြင်း
Photo Source: drrogersahoury.com
အသည်းကွဲလို့ ခံစားရလည်း တစ်ရက်၊ နှစ်ရက်၊ တစ်ပတ်၊ နှစ်ပတ်ဆို လုံလောက်ပါပြီ။ အသည်းကွဲလို့ စိတ်ထွက်ပေါက်ပေးတဲ့အနေနဲ့ အစားတွေ အလွန်အကျွံစားမယ်၊ အရက်တွေသောက်မယ်၊ မပြင်မဆင်နေမယ်ဆိုရင် ကိုယ်ပဲ ထိခိုက်နစ်နာမှာပါ။
၃။ ရည်းစားဟောင်းနဲ့ မြန်မြန်ဆန်ဆန်ပြန်တွဲခြင်း
အထူးသဖြင့် ကိုယ်ကအရင်လမ်းစခွဲတဲ့ မိန်းကလေးတွေ ပြုလုပ်လေ့ရှိပါတယ်။ လမ်းခွဲပြီး တစ်ပတ်၊ နှစ်ပတ်အကြာမှ ပြန်တွဲတာမျိုးမလုပ်ဘဲ လမ်းခွဲရခြင်း အကြောင်းအရင်းကို အချိန်ယူပြီး စဉ်းစားဖို့လိုပါတယ်။
၄။ နောက်ထပ်ရည်းစားထားရမှာ ကြောက်သွားခြင်း
Photo Source: divorcedmoms.com
ရည်းစားဟောင်းကောင်လေးက ကိုယ့်အပေါ်မှာ သစ္စာဖောက်သွားတာ၊ ကိုယ့်အပေါ်မှာ မကောင်းတာနဲ့ပဲ တစ်လောကလုံးက ယောကျာ်းတွေက မကောင်းဘူးဆိုတဲ့ အတွေးမတွေးလိုက်ပါနဲ့။ ရည်းစားထားဖို့ ကြောက်ရွံသွားခြင်းကြောင့် မိမိအပေါ်ကောင်းမဲ့သူနဲ့ မဆုံဆည်းရတော့ဘဲ အချစ်စစ်နဲ့ဝေးကွာသွားပါလိမ့်မယ်။
၅။ နောက်တစ်ယောက် မြန်မြန်ဆန်ဆန်တွဲတာ
Photo Source: www.aconsciousrethink.com
ဒီအချက်ကတော့ ခုနက အချက်လေးနဲ့ ဆန့်ကျင်ဘက်ပေါ့။ လမ်းခွဲပြီးနောက် နာကျင်ခံစားရတဲ့ အသည်းကွဲဝေဒနာကို မေ့ပျောက်ဖို့အတွက် အခြားတစ်ယောက်မြန်မြန်ဆန်ဆန်တွဲလိုက်ခြင်းက သင့်အတွက်ရော အခြားတစ်ယောက်အတွက်ပါ ပိုပြီး နာကျင်ခံစားရမှာပါ။ ဒါ့ကြောင့် လမ်းခွဲပြီးနောက်မှာ နောက်တစ်ဖန်ပြန်လည်တည်ဆောက်မဲ့ အချစ်ရေးမှာ ဘယ်လိုပျော်ရွှင်မှုမျိုး လိုချင်သလဲဆိုတာ သေချာအချိန်ယူစဉ်းစားလိုက်ပါ။
