တစ်ခါတစ်လေကျရင် ဒေါက်ဖိနပ်စီးလို့ပဲဖြစ်ဖြစ်၊ အခန့်မသင့်ရင်ပဲဖြစ်ဖြစ် ခြေမျက်စိနာတာ၊ ခြေထောက်နာတာမျိုး ဖြစ်တတ်ပါတယ်။ ဒီလို ခြေမျက်စိနာတာ၊ ခြေထောက်နာတာကို သက်သာအောင်လုပ်လို့ရတဲ့ လွယ်လွယ်ကူကူ လေ့ကျင့်ခန်တွေလည်းရှိတာကြောင့် အိမ်မှာ မိနစ်ပိုင်းလောက် အချိန်ပေးပြီးလုပ်လို့ရအောင် မျှဝေပေးလိုက်ပါတယ်။

ခြေဖဝါးကို ပုံမှာပြထားတဲ့အတိုင်း ထောက်ပြီး စက္ကန့် ၃၀ ရအောင်နေပေးပါ။ ပြီးရင်တော့ ကြမ်းပြင်မှာ ပြန်ချပြီး ပြန်လုပ်ပါ။ ၅ ကြိမ်လောက်လုပ်ပေးရင် ရပါတယ်။

ခြေထောက်တစ်ဖက်ကို နောက်ပစ်ပြီး ခြေချောင်းလေးတွေကို ပုံမှာပြထားတဲ့အတိုင်း ခေါက်တဲ့ပုံစံလေးလုပ်ပြီး စက္ကန့် ၃၀ နေရပါမယ်။ ပြီးရင် ပြန်ချပြီး ပြန်လုပ်ပါ။ ဘယ် ၅ ကြိမ်၊ ညာ ၅ ကြိမ် လုပ်ပေးရင် ရပါပြီ။

ပုံမှာပြထားတဲ့အတိုင်း လက်နှစ်ဖက်ကို နံရံမှာကပ်ပြီး ခြေထောက်အနေအထားကိုလည်း ပုံမှာပြထားတဲ့အတိုင်းလုပ်ပြီး စက္ကန့် ၃၀ နေရမှာပါ။ ခြေထောက်ကို ဘယ် ၃ ကြိမ်၊ ညာ ၃ ကြိမ်စီ လုပ်ပေးပါ။

တင်းနစ်ဘောလုံးလေးကို ခြေဖဝါးအောက်မှာထားပြီး အကြိမ် ၅၀ လှိမ့်ပေးနေပါ။ ဘယ်ခြေထောက် ၅၀၊ ညာခြေထောက် ၅၀ စီ လုပ်ပေးပါ။

ပုံမှာပြထားတဲ့အတိုင်း တင်းနစ်ဘောလုံးကို ခြေမျက်စိနောက်မှာထားပြီး ၁၀ စက္ကန့်လောက် လှိမ့်နေပေးပါ။ ပြီးရင် ၃ စက္ကန့်နားပြီး ပြန်လုပ်ပါ။ ဘယ်ခြေထောက် ၂ ကြိမ်၊ ညာခြေထောက် ၂ ကြိမ် လုပ်ပေးရင် ရပါပြီ။

ပုံမှာပြထားတဲ့အတိုင်း ခြေထောက်နှစ်ဖက်ကို သားရေပြားကြိုး (သို့) အဝတ်နဲ့ လက်နှစ်ဖက်ကိုသုံးပြီး ဆွဲထားပါ။ စက္ကန့် ၃၀ လုပ်ပြီး ၃ စက္ကန့်နားလို့ရပါတယ်။ ၅ ကြိမ်တော့ပြည့်အောင် လုပ်ရပါမယ်။

ယောဂကျင့်တဲ့အတုံးလေးပေါ်ကို ပုံမှာပြထားတဲ့အတိုင်း ခြေချောင်းလေးတွေတင်ပြီး စက္ကန့် ၃၀ နေပေးပါ။ ဘယ်ခြေထောက် ၅ ကြိမ်၊ ညာခြေထောက် ၅ ကြိမ်လုပ်ပေးပါ။

ကြမ်းပြင်မှာလှဲပြီး လက်နှစ်ဖက်ကိုကားထားပါ။ ခြေထောက်နှစ်ဖက်ကို နံရံမှာကပ်ပြီးထောင်ထားပါ။ အဲ့အနေအထားအတိုင်း ၁၅ မိနစ်နေပေးရပါမယ်။ တစ်နေ့မှာ ၃ ကြိမ်လုပ်ပေးပါ။

Source: www.brightside.me