အသက်ကြီးလာတာနဲ့ အိုမင်းရင့်ရော်လာခြင်းက လွန်ဆန်လို့မရတဲ့ သဘာဝတရားပါပဲ။ ဒါပေမဲ့ ကိုယ်က အခုမှ အသက်ငယ်ငယ်လေးပဲ ရှိသေးတယ် ရှိရင်းစွဲအသက်ထက် နှစ်ဆလောက်ပိုကြီးနေတဲ့ပုံပေါက်နေရင်တော့ အခြေအနေမဟန်ပါဘူး။
အသက်အရွယ်နဲ့မှ မလိုက် အိုစာနေတဲ့ပုံပေါက်နေရင်တော့ ကိုယ် ဘယ်လိုအလေ့အကျင့်ဆိုးတွေ ကျူးလွန်မိလဲဆိုတာ ပြန်သုံးသပ်ဖို့အချိန်ရောက်လာပါပြီ။ အခုဖော်ပြပေးမယ့် အချက်တွေထဲမှာ သင် မသိလိုက် မသိဘာသာ ပြုလုပ်မိတဲ့ အမှားလေးတွေ ပါနေမလားဆိုတာ ဆက်ကြည့်လိုက်ရအောင်။
စိတ်ဖိစီးမှု များခြင်း
Source: stevemehta.com
လူတိုင်းမှာ စိတ်ဖိစီးမှုတွေ ရှိကြပါတယ်။ အနည်းနဲ့အများပဲ ကွာခြားသွားတာပါ။ စိတ်ဖိစီးခြင်းက အိပ်မပျော်ရောဂါကို ဖြစ်စေပြီး ထိုမှတစ်ဆင့် အရေးအကြောင်းတွေ ဖြစ်လာပါတော့တယ်။ ဆံပင်ကျွတ်ခြင်း၊ ဆံပင်ဖြူခြင်းကလည်း စိတ်ဖိစီးမှုရဲ့ လက္ခဏာရပ်တွေပါပဲ။ ဒါ့ကြောင့် စိတ်ဖိစီးမှု နည်းနည်းလေး ဝင်တာနဲ့ ရှိသမျှ နည်းလမ်းပေါင်းစုံနဲ့ စိတ်အပန်းပြေအောင် ပြန်လည်လုပ်ဆောင်ပေးရပါမယ်။
မျက်နှာ အမူအရာ အသုံးပြုများခြင်း
Source: Shutterstock
တစ်ချို့တွေ ရှိပါတယ်။ တစ်ခုခုစိတ်အလိုမကျတာ၊ စိတ်ဆိုးဒေါသထွက်တဲ့အခါမျိုးတွေမှာ မျက်ခုံးနှစ်ဖက်ကို ကျုံ့ပစ်လိုက်တာမျိုး၊ ပါးစပ်ကို ရွဲ့လိုက်တာမျိုးတွေက မျက်လုံးနားတစ်ဝိုက်၊ နဖူးနားတစ်ဝိုက်မှာ အရေးအကြောင်းများဖြစ်ပေါ်စေပါတယ်။
အစားအသောက်ရွေးချယ်မှု မမှန်ကန်ခြင်း
Source: Shutterstock
ဘယ်အစားအစာကတော့ အဆီတက်စေတယ်၊ ဘယ်အစားအစာကတော့ ကယ်လိုရီများတယ် စတဲ့အချက်တွေကို လူတိုင်း သိပြီးသားပါ။ သိလျက်သားနဲ့ မိမိစိတ်ကို အလိုလိုက်ပြီး ကျန်းမာရေးနဲ့ မညီညွှတ်တဲ့အစားအစာများကို နေ့တိုင်း စားသုံးနေမယ်ဆိုရင်တော့ အရွယ်တင်နုပျိုနေမှာမဟုတ်တော့ပါဘူး။
အိပ်ချိန်နည်းခြင်း
Source: spine-health.com
အိပ်ရေးမဝခြင်းက အသားအရေ ထိခိုက်ပျက်စီးစေရုံသာမကဘဲ ကျန်းမာရေးကိုလည်း ထိခိုက်စေပါတယ်။ အိပ်ရေးဝမှ ဦးနှောက်က ကောင်းစွာ အလုပ်လုပ်နိုင်မှာဖြစ်ပြီး မှတ်ဥာဏ်စွမ်းအားလည်း တိုးမြှင့်မှာဖြစ်ပါတယ်။ သုတေသနပညာရှင်များရဲ့ လေ့လာချက်အရ မကြာခဏအိပ်ရေးပျက်သူတွေက အယ်ဇိုင်းမားရောဂါ ခံစားရနိုင်ချေများတယ်လို့ သိရှိရပါတယ်။
ကိုယ်လက်လှုပ်ရှားမှု နည်းသော လူနေမှုဘဝ
Source: Shutterstock
ကိုယ့်ရဲ့ အလုပ်က ရုံးခန်းထဲမှာ တစ်နေကုန်ထိုင်ပြီး အလုပ်လုပ်ရတယ်ဆိုရင်တောင် အညောင်းပြေအညာပြေ မကြာခဏလမ်းလျှောက်ပေးပါ။ ကိုယ်လက်လှုပ်ရှားမှုနည်းခြင်းက အသက်ရှုလမ်းကြောင်းဆိုင်ရာရောဂါ၊ အရိုးအားနည်းခြင်းနဲ့ ကင်ဆာရောဂါတွေအပြင် အဝလွန်ခြင်းကိုလည်း ဖြစ်စေနိုင်ပါတယ်။
နေရောင်ခြည်နှင့် ထိတွေ့မှုများခြင်း
Source: letsreachsuccess.com
အိုမင်းရင့်ရော်မှုကို မြန်ဆန်စေတဲ့ တရားခံတွေထဲမှာ ခရမ်းလွန်နေရောင်ခြည်ဒဏ်လည်း တစ်ခုအပါအဝင်ပါပဲ။ ဒါ့ကြောင့် နေရာင်ထဲထွက်မယ်ဆိုတာနဲ့ နေလောင်ကာခရင်မ် လိမ်းပြီးမှ အပြင်ထွက်ပါ။ မျက်လုံးကို ကာကွယ်ဖို့အတွက် နေကာမျက်မှန်တပ်သွားပါ။ ထီးတို့ ဦးထုပ်တို့ ဆောင်းပြီးမှ အပြင်ထွက်ပါ။
ရေသောက်နည်းခြင်း
Source: videoblocks.com
မနက်မိုးလင်းတာနဲ့ ရေတစ်ခွက်အဝသောက်ခြင်းက ခန္ဓာကိုယ်ထဲမှာ ရှိတဲ့ အပူအပုပ်တွေကို ဖယ်ရှားပေးပြီး အသားအရေကို ဝင်းပကြည်လင်လာစေပါတယ်။ တစ်နေ့တာလုံးမှာလည်း ရေဓာတ်ပြည့်ဝဖို့အတွက် ရေများများသောက်ပေးမှသာလျှင် အသားအရေက စိုပြေနေမှပါ။ ဒီလိုမှမဟုတ်ဘဲ ရေဓာတ်ခမ်းခြောက်နေမယ်ဆိုရင်တော့ အသားအရေလည်း ခြောက်သွေ့သွားပြီး ကြမ်းတမ်းရင့်ထော်နေမှာပဲဖြစ်ပါတယ်။
စာဖတ်သူတို့ရော အခုဖော်ပြခဲ့တဲ့အချက်တွေထဲက ဘယ်နှချက်လောက်ကို ကျူးလွန်မိနေပြီလဲ။
