မိဘဆိုတာ သားသမီးတို့ရဲ့ လက်ဦးဆရာပါပဲ။ မိဘတွေရဲ့ ပြုမူပြောဆိုမှုဟာ ကလေးတွေအပေါ်များစွာသက်ရောက်မှုရှိတယ်ဆိုတာ မမေ့သင့်ပါဘူး။ သူတို့လေးတွေဟာ တခြားပတ်ဝန်းကျင်က လူဆိုး လူမိုက်တွေ လူကောင်းတွေနဲ့ မထိတွေ့ခင်မှာ မိဘတွေကို အရင်ထိတွေ့ရတယ်ဆိုတာ မမေ့ပါနဲ့။
၁။ တခြားသူကို နှောင့်ယှက်ခြင်း
ကိုယ်ဖုန်းပြောနေတဲ့အခါပဲဖြစ်ဖြစ်၊ အလုပ်လုပ်နေတဲ့အခါပဲဖြစ်ဖြစ် သင့်ကလေးက နှောင့်ယှက်တတ်ပါသလား။ သင့်ကိုနှောင့်ယှက်သလို တခြားသူတွေကိုလည်း နှောင့်ယှက်ပေးနိုင်ပါတယ်။ ဟေ့တိတ်တိတ်နေ မနှောင့်ယှက်နဲ့လို့ ကလေးကို ဆူငေါက်ပြောဆိုတာဟာ မထိရောက်ပါဘူး။ အရင်ဆုံးဖုန်းပြောတာ ခဏရပ်ပြီးမှ သင့်ကလေးကို ပြောဆိုဆုံးမပါ။ ဒါမှမဟုတ်ရင်လည်း ဖုန်းမပြောခင်မှာ သင့်ကလေးကို မနှောင့်ယှက်ဖို့ နားဝင်အောင်ပြောထားသင့်ပါတယ်။
၂။ Shopping Centre တွေ ဈေးတွေမှာ ပစ္စည်းတွေကို ထိတွေ့ကိုင်တွယ်ခြင်း (သို့) ဝယ်ပေးဖို့ ပူဆာခြင်း
သင့်ကလေးနေနဲ့ သူတို့ရဲ့ လိုအပ်ဆန္ဒကို ထုတ်ဖော်တတ်ဖို့ဆိုတာ အရေးကြီးပါတယ်။ ဒါပေမယ့် ရောင်းတာမှန်သမျှ သူတို့မလိုအပ်တာတွေကိုအတင်းဝယ်ပေးဖို့ ပူဆာနေတာမျိုးကို အလိုမလိုက်သင့်ပါတယ်။ လိုချင်တာနဲ့ ကိုယ့်မှာအမှန်တကယ်လိုအပ်တာ ဘယ်လိုကွာခြားတဲ့အကြောင်း ရှင်းပြပါ။
၃။ ယဉ်ယဉ်ကျေးကျေးစကားပြောဆိုမှုမရှိခြင်း
ယဉ်ယဉ်ကျေးကျေးစကားပြောဆိုတတ်မှုမရှိတာဟာလည်း မိဘတွေရဲ့ စကားပြောဆိုပုံကို အတုယူထားတယ်ဆိုတာ မမေ့စေချင်ပါဘူး။ မြန်မာစကားပုံမှာ အမိယုတ်တော့ နှုတ်ကြမ်းသတဲ့။ ဒါ့ကြောင့် သင့်ကလေးကို ကျေးဇူးပြုပြီး ဆိုတဲ့စကားတွေ၊ မင်္ဂလာပါလို့ပြောတတ်အောင်။ တစ်ခုခုဆို ခွင့်တောင်တတ်အောင်။ ကျေးဇူးတင်စကားပြောတတ်အောင် သင်ထားပေးပါ။
၎။ ပြောရကောင်းမှန်း မပြောရကောင်းမှန်းမသိခြင်း
အလိုက်သိစွာနဲ့ ပြောနေတဲ့စကားကို ရပ်ရကောင်းမှန်းမသိတာဟာ သင့်အပြုအမူနဲ့ ဆက်စပ်နေတယ်ဆိုတာ မမေ့သင့်ပါဘူး။ တခြားသူကို ဝေဖန်ပြောဆိုတာမျိုးကိုလည်း သင့်ကလေးရှေ့မှာမလုပ်သင့်ပါဘူး။ သင့်ကလေးကို အဲဒီလိုမပြောဖို့အတွက်သင်ပေးပါ။
၅။ ကြောက်တတ်ခြင်း
သင်ဟာ သင့်ကလေးကို သတ္တိရှိအောင် လုပ်ပေးနိုင်တဲ့သူတစ်ယောက်ဖြစ်သလို၊ သတ္တိနည်းပြီး ကြောက်စိတ်ကြီးအောင် လုပ်နိုင်တဲ့သူတစ်ယောက်ဖြစ်တာလည်း မမေ့စေချင်ပါဘူး။ ကလေးကို နေရာတကာ စိုးရိမ်လွန်ကဲတာကြောင့် သင့်ကလေး ကြောက်စိတ်ပိုလာစေပါတယ်။ ကလေးကို စိုးရိမ်လို့ ခြိမ်းခြောက်တာမျိုးမလုပ်သင့်ပါဘူး။ အသက်ဆုံးရှုံးရမယ့် ကိစ္စမဟုတ်ရင် တော်ရုံတန်ရုံ ကိစ္စတွေကို ခွင့်ပြုလိုက်ပါ။
၆။ တခြားသူကို အနှောင့်အယှက်ဖြစ်အောင်လုပ်ခြင်း
အထူးသဖြင့် အိမ်အကူကောင်မလေးတွေနဲ့ပဲ ပစ်ထားတတ်တဲ့ ကလေးတွေမှာ တွေ့ရလေ့ရှိပါတယ်။ လူကြီးကို ရိုသေလေးစားရကောင်းမှန်းမသိတာမျိုးပါ။ အခုခေတ်မှာ ယောင်္ကျားရော မိန်းမပါ အပြင်ထွက်အလုပ်လုပ်ကြရတာ (သို့) ကိုယ့်မိသားစုက ပိုက်ဆံချမ်းသာတာကြောင့် အိမ်အကူကောင်မလေးတွေနဲ့ပဲထားတာမျိုးမလုပ်သင့်ပါဘူး။ အိမ်အကူကောင်မလေးတွေကို မရိုမသေ မလေးမစားလုပ်တာမျိုးကိုလည်း မြင်ရင် ချက်ချင်းဟန့်တားပြီး မလုပ်သင့်တဲ့အကြောင်း ပြောသင့်ပါတယ်။သင့်အချစ်တွေဟာ သင့်သားသမီးရဲ့ အနာဂတ်ကို မဟန့်အတားမဖြစ်ပါစေနဲ့။
