အခုခေတ်က ဝမှလှတဲ့ခေတ်၊ ဝတာလေးကမှ ပိုပြီးချစ်စရာကောင်းတဲ့ခေတ်ပါနော်။ ဒီလိုဝမှလှတဲ့ခေတ်မှာ ကိုယ့်ကိုယ်ကိုဝလို့ဆိုပြီး စိတ်ညစ်နေစရာမလိုပါဘူး။ ဝနေလည်း လှလှပပပြင်ပြီး ဖက်ရှင်ကျကျနဲ့ဝတ်စားတတ်ရင် အများကြားမှာ ထင်ပေါ်စေပါတယ်။ မိန်းကလေးတိုင်းကတော့ ပိန်ပိန်၊ ဝဝ ဂျင်းဘောင်းဘီကို ဝတ်ဆင်ကြတာပါပဲ။ ဒါကြောင့် ဝတုတ်မလေးတို့အတွက် ဖက်ရှင်ကျပြီး ပိုလှသွားအောင် ဂျင်းဘောင်းဘီနဲ့ တွဲဖက်ဝတ်ဆင်သင့်တဲ့ဖက်ရှင်တွေကို ပြောပြပေးလိုက်တယ်နော်။
အပေါ်ထပ်အင်္ကျီအမျိုးမျိုး
ဂျင်းဘောင်းဘီကို ကြိုးတစ်လုံးလေးတွေနဲ့ တွဲဝတ်ပြီး အပေါ်ထပ်အင်္ကျီအရှည်အပါးလေးတွေ ဝတ်မယ်ဆိုရင်တော့ တင်ပါးကိုဖုံးစေပြီး ဖက်ရှင်လည်းကျစေပါတယ်။ ဒါ့အပြင် အပေါ်ထပ်ကုတ်အင်္ကျီတွေနဲ့ပဲဖြစ်ဖြစ်၊ အပေါ်ထပ်ရှပ်အင်္ကျီလေးတွေနဲ့ပဲဖြစ်ဖြစ် တွဲဝတ်လိုက်မယ်ဆိုရင် ဖက်ရှင်ကျစေသလို ဗိုက်ခေါက်ရှိရင်လည်း ဖုံးပေးပါသေးတယ်။
Body Fit
ဝလို့ Body Fit မဝတ်ဘူးမလုပ်ပါနဲ့နော်။ Body Fit အကျပ်လေးတွေဝတ်တာက ခန္ဓာကိုယ်ကို သာမာန်ထက် နည်းနည်းပိုပြီး ကျစ်လစ်သွားစေပါတယ်။ ဗိုက်ခေါက်အရမ်းထွက်မှာကြောက်ရင်တော့ အပေါ်ထပ်လေးတွေနဲ့ တွဲဝတ်နိုင်ပါတယ်။
Hoodie
ဝတဲ့သူတွေအနေနဲ့ ခေါင်းစွပ် Hoodie အပွလေးတွေကို ဂျင်းဘောင်းဘီအရှည်အကျပ်လေးတွေနဲ့ တွဲဝတ်လိုက်ရင် ချစ်ဖို့လည်းကောင်းသလို စတိုင်လ်လည်းကျစေပါတယ်။
Off The Shoulder
ဝတဲ့သူတွေက လည်ပင်းပြည့်ပြည့်လေးဖြစ်တဲ့အတွက် Off The Shoulder အင်္ကျီလေးတွေကို ဝတ်ဆင်သင့်ပါတယ်။ ဒီအင်္ကျီတွေက လက်မောင်းကိုလည်း ဖုံးပေးတဲ့အတွက် လက်မောင်းကြီးတာကိုလည်း မသိသာစေပါဘူး။ ဒါကြောင့် ဂျင်းဘောင်းဘီနဲ့တွဲဝတ်ဖို့ Off The Shoulder ကိုရွေးချယ်လိုက်ပါ။
လက်ရှည်အင်္ကျီအမျိုးမျိုး
ကိုယ့်ကလက်မောင်းကြီးလို့ လက်ပြတ်မဝတ်ရဲဘူးဆိုရင် လက်ရှည်အင်္ကျီလှလှလေးတွေကို ရွေးချယ်ပြီး ဂျင်းဘောင်းဘီအကျပ်လေးတွေနဲ့ တွဲဝတ်လိုက်ပါ။ အရောင်းမှိုင်းတာထက် အရောင်တောက်တာလေးတွေကို ရွေးချယ်ဖို့လည်း မမေ့နဲ့နော်။ ဂျင်းဘောင်းဘီကိုလည်း ဝလို့ဆိုပြီး အပွတွေဝတ်ရင် ပိုဝသယောင်ဖြစ်စေလို့ Skinny Jeans လေးတွေကိုပဲ ရွေးချယ်ဖို့ အကြံပေးချင်ပါတယ်။
Photo Source: www.pinterest.com