မိန်းကလေးတစ်ယောက်က ဘယ်အချိန်မှာပဲကြည့်လိုက်ကြည့်လိုက် သပ်ရပ်သန့်ရှင်းပြီး လှလှပပလေးနေထိုင်တတ်ဖို့လိုအပ်ပါတယ်။ လူတစ်ယောက်ကိုကြည့်လိုက်ရင် ဈေးကြီးပစ္စည်းတွေကို မသုံးထားပဲနည်း ကျော့မော့ပြီးကြည့်ကောင်းနေတယ်ဆိုတာက ဒီမိန်းကလေးတစ်ယောက်ရဲ့ ယုံကြည့်မှုရှိခြင်းနဲ့ ဝတ်တတ်စားတတ်ပုံတွေကြောင့်ပဲဖြစ်ပါတယ်။ ဒီတော့ ဈေးကြီးပစ္စည်းတွေကိုသုံးစရာမလိုပဲနဲ့ သပ်ရပ်ပြီးကျော့မော့နေဖို့အတွက် လိုအပ်တာတွေကို ဖော်ပြပေးလိုက်ပါတယ်။

နှုတ်ခမ်းနီအမြဲတမ်းဆိုးပါ

အိမ်မှာနေတဲ့အခါ နှုတ်ခမ်းနီမဆိုးရင်ဖြစ်ပေမယ့် အပြင်သွားတဲ့အခါတွေမှာတော့ မိန်းကလေးတစ်ယောက်အနေနဲ့ ပိုမိုလှပပြီးသပ်ရပ်မှုရှိနေအောင် နှုတ်ခမ်းနီကိုအမြဲတမ်းဆိုးထားပေးသင့်ပါတယ်။

သပ်ရပ်မှုရှိတဲ့ဆံပင်

လူအများကြားထဲကို ရောက်သွားတဲ့အခါမှာ ဆံပင်တွေဖရိုဖရဲဖြစ်နေတာမျိုးတွေက တော်တော်လေးကို ကြည့်ရဆိုးစေပါတယ်။ ဒါကြောင့် ပျိုမေတို့ရဲ့ ဆံနွယ်လေးတွေကိုလည်း ဂရုတစိုက်နဲ့ထိန်းသိမ်းသင့်ပါတယ်နော်။

အဝတ်အစား

အဝတ်အစားတွေကိုဝယ်မယ်လို့ဆုံးဖြတ်ထားတယ်ဆိုရင်လည်း တန်ဖိုးကြီးတာမျိုးတွေမှမဟုတ်ပဲ တစ်ခြားဈေးနှုန်သင့်တဲ့ထဲက သင့်ကိုလိုက်ဖက်မှုရှိပြီး ကျော့ရှင်းတဲ့လှပမှုမျိုးဖြစ်စေမယ့် အဝတ်အစားမျိုးတွေကို ရွေးချယ်သင့်ပါတယ်။

လက်သည်းလေးတွေ

ပျိုမေတို့ရဲ့လက်ချောင်းလှလှလေးတွေကို အမြဲတမ်းသပ်ရပ်သန့်ရှင်းနေအောင်ထားပြီး လှပတဲ့အရောင်လေးတွေနဲ့ အလှဆင်တတ်ဖို့လည်း လိုပါသေးတယ်။ လက်သည်းတွေမှာ လက်သည်းနီတွေပျက်နေမယ်ဆိုရင်လည်း သေချာဂရုစိုက်ပြီး ပြင်ဆင်ဖို့လိုပါတယ်နော်။

နောက်ဆုံးပြောချင်တာကတော့ ဈေးကြီးပေးမှ သပ်ရပ်လှပမှာမဟုတ်ပါဘူး။ ကိုယ့်ကိုယ်ကိုကြည့်ကောင်းပြီး သပ်ရပ်နေအောင်ပြင်ဆင်နေထိုင်တတ်မယ်ဆိုရင် ဈေးနှုန်းသင့်တဲ့အရာတွေနဲ့တောင် သင်အမြဲလှပနေမှာပါ။

Photo Source: Shutterstock