လုပ်ငန်းခွင်မှာစမတ်ကျတဲ့မိန်းကလေးတစ်ယောက် ဖြစ်နေစေမယ့်ဖက်ရှင်များ

လူအများနဲ့ပြောဆိုဆက်ဆံတဲ့အခါမှာ ကိုယ့်ကိုကိုယ်ယုံကြည်မှုရှိတဲ့ပုံပေါက်ပြီး စမတ်ကျနေစေဖို့ ဖက်ရှင်ကလည်း အရမ်းကိုအရေးကြီးပါတယ်။ ဒါကြောင့် အလုပ်လုပ်နေတဲ့ Business Woman တွေအတွက် လုပ်ငန်းခွင်မှာ စမတ်ကျကျနဲ့ ထက်မြတ်တဲ့မိန်းမတစ်ယောက်လို ဖြစ်နေစေမယ့်ဖက်ရှင်တွေကို လမ်းညွှန်ပေးလိုက်ပါတယ်။

ဒူးနားရောက်တဲ့ Dress လေးတွေဆိုရင် အရမ်းကိုစမတ်ကျပြီး ထက်မြတ်တဲ့အသွင်ကိုဆောင်စေပါတယ်။ ဒီ Dress လေးတွေကိုဝတ်တဲ့အခါမှာ ကျပ်ထုပ်နေတာမျိုးတွေကိုတော့ မဝတ်ပါနဲ့။ ဒီလို Dress လေးတွေကိုဝတ်ဆင်မယ်ဆိုရင်တော့ ဒေါက်ဖိနပ်တွေကိုစီးပေးပါ။ လုပ်ငန်းခွင်နဲ့ပတ်သတ်တဲ့ပွဲ၊ အခမ်းအနားတွေသွားတဲ့အခါမျိုးမှာဆိုလည်း ဒီဖက်ရှင်လေးက အရမ်းလှပါတယ်။

ဒူးခေါင်းအထက်မီနီစကပ်လေးတွေကိုဝတ်ဆင်ပါ။ ဒီစကပ်လေးတွေက ဝတ်လိုက်တာနဲ့ အရမ်းကိုလှပသွားစေပါတယ်။ ဒီမီနီစကပ်လေးတွေကိုဝတ်ဆင်တဲ့အခါမှာ မိန်းကလေးဆန်တဲ့ အင်္ကျီလှလှလေးတွေနဲ့တွဲဝတ်ပြီး ဒေါက်ဖိနပ်စီးပါ။ ဒါဆိုရင်တော့ ထက်မြတ်တဲ့မိန်းမတစ်ယောက်လို ဖြစ်နေစေမှာပါ။

Coat ဝတ်တာကလည်း လုပ်ငန်းခွင်နဲ့ အလိုက်ဖက်ဆုံးပါ။ ဘောင်းဘီအရှည်လေးတွေ၊ ဂါဝန်အကျပ်လေးတွေကို Coat နဲ့တွဲဝတ်တာက အရမ်းကိုစမတ်ကျစေပါတယ်။ ထက်မြတ်တဲ့မိန်းမတစ်ယောက်အသွင်လည်း ဆောင်စေပါတယ်။ အစည်းအဝေးတွေသွားမယ်ဆိုရင်တော့ ဒီဖက်ရှင်ကအလိုက်ဖက်ဆုံးပါပဲ။

ဘောင်းဘီရှည်၊ ဘောင်းဘီရှည်အကားလေးတွေကို စမတ်ကျစေမယ့်အင်္ကျီလေးတွေနဲ့တွဲဝတ်ပြီး ဒေါက်ဖိနပ်စီးတာကလည်း အရမ်းစမတ်ကျတဲ့ဖက်ရှင်လေးပါ။ မိန်းကလေးတစ်ယောက်ကို ထက်မြတ်တဲ့အသွင်ဆောင်စေလို့ လုပ်ငန်းခွင်မှာဝတ်ဖို့ အသင့်တော်ဆုံးပါပဲ…။