အားလုံး စိတ်ဝင်စားနေကြတဲ့ The Voice Myanmar ရဲ့ Season 2 ကတော့ မကြာခင် တွေ့မြင်ရတော့မှာပါ။ အခု တင်ဆက်ပေးမှာကတော့ Season ကို ဆက်လက်မောင်းနှင်သွားမယ့် ဒိုင်လူကြီးတွေ အကြောင်းပဲ ဖြစ်ပါတယ်။ ပါဝင်လာမယ့် ဒိုင်လူကြီးတွေကတော့ ကျားပေါက်၊ ရန်ရန်ချန်း၊ နီနီခင်ဇော်တို့နဲ့အတူ အသစ်ပါဝင်လာသူကတော့ Rဇာနည်ပဲ ဖြစ်ပါတယ်။
The Voice Myanmar Season 2 ရဲ့ စာနယ်ဇင်း မိတ်ဆက်ပွဲကိုတော့ ဇန်နဝါရီ ၂၁ ရက်နေ့ ညနေ လေးနာရီက မြန်မာပလာဇာမှာရှိတဲ့ Hard Rock Café မှာ ကျင်းပပြုလုပ်ခဲ့တာပါ။
Season 2 ကိုတော့ ဖေဖော်ဝါရီ ၂၄ ရက်နေ့ကနေစပြီး အပတ်စဉ် တနင်္ဂနွေနေ့တိုင်းရဲ့ ညကိုးနာရီ MRTV 4 မှာ ထုတ်လွှင့်ပြသသွားမှာပဲ ဖြစ်ပါတယ်။ ဘယ်လို စိတ်ဝင်စားစရာ သီချင်းတွေနဲ့အတူ ဒိုင်တွေရဲ့ စိတ်လှုပ်ရှားစကားတွေကို ကြားရမလဲဆိုတာကတော့ ဆက်လက်စောင့်ကြည့်ရဦးမှာပါ။
ပရိသတ် နှစ်သက်အားပေးခဲ့တဲ့ The Voice Myanmar Season 1 မှာတော့ ဒိုင်လူကြီး လင်းလင်းရဲ့ အဖွဲ့က ဖြစ်တဲ့ ပြိုင်ပွဲဝင် ငွေစိုးက အနိုင်ရရှိသွားခဲ့တာပါ။ အခု တစ်ခေါက်မှာတော့ အဆိုတော် လင်းလင်းနေရာမှာ Rဇာနည်က ပြောင်းလဲ ပါဝင်လာတာပဲ ဖြစ်ပါတယ်။
စာနယ်ဇင်းမိတ်ဆက်ပွဲရဲ့ပုံရိပ်တွေကိုတော့ ဒိုင်လူကြီးတစ်ဦးဖြစ်တဲ့ အဆိုတော် ရန်ရန်ချန်းက သူ့ရဲ့ လူမှုကွန်ယက်စာမျက်နှာကနေ တဆင့် မျှဝေထားခဲ့တာပဲ ဖြစ်ပါတယ်။
