tvN က ဟိုးအရင်ထဲက အခုလက်ရှိအထိ ထုတ်လွှင့်ပြသခဲ့တဲ့ Drama တွေထဲမှာမှ လတ်တလော Update အရ Rating အမြင့်ဆုံးရရှိထားတဲ့ Top 10 tvN Drama တွေကို ဖော်ပြပေးလိုက်ပါတယ်။ ကိုယ့်အကြိုက်ဆုံး Drama က Rating ဘယ်လောက်ရရှိထားမလဲဆိုတာကို ကြည့်လိုက်ရအောင်။
1. “Crash Landing On You”
Hyun Bin နဲ့ Son YeJin တို့ရဲ့ “Crash Landing On You” Drama က 2019-2020 မှာ ထုတ်လွှင့်ပြသခဲ့တာ ဖြစ်ပါတယ်။
ဒီ Drama က Final Episode နဲ့အတူ Rating 21.7% ကို ရောက်ရှိခဲ့ပြီး tvN ရဲ့ ပရိသတ်အားပေးမှုအများဆုံးစံချိန်ကို ချိုးဖျက်ပြီးတော့ tvN မှာ သမိုင်းတွင်စေခဲ့တဲ့ Rating အမြင့်ဆုံး Drama ပဲ ဖြစ်ပါတယ်။
2. “Goblin”
“Goblin” ကတော့ 2016-2017 မှာ ထုတ်လွှင့်ပြသခဲ့ပြီး Gong Yoo, Kim GoEun, Lee DongWook နဲ့ တခြားအနုပညာရှင်များလည်း ပါဝင်ထားပါတယ်။
“Goblin” ရဲ့ Final Episode ကလည်း tvN မှာ သမိုင်းတွင်စေခဲ့တဲ့ Rating 20.5% နဲ့ Rating အမြင့်ဆုံး ထပ်မံရောက်ရှိခဲ့ပါတယ်။
3. “Queen of Tears”
မထွက်ခင်ထဲက ပရိသတ်တွေစောင့်မျှော်နေကြတဲ့ Kim SooHyun နဲ့ Kim JiWon တို့ရဲ့ “Queen of Tears” ကလည်း စပြသတဲ့အချိန်မှာ Rating 5.9% နဲ့စတင်ခဲ့ပြီး တစ်ပိုင်းထက်တစ်ပိုင်း Rating တွေက ပိုပိုမြင့်လာခဲ့ပါတယ်။
Episode 10 မှာတော့ အံ့သြစရာကောင်းလောက်အောင်ပဲ Rating 19% ဖြစ်သွားတဲ့အတွက် tvN မှာ ထပ်မံပြီးတော့ သမိုင်းတွင်စေခဲ့ပြန်ပါပြီ။
အခုလက်ရှိပြသနေဆဲ Drama ဖြစ်တာကြောင့် နောက်ထပ်အပိုင်းတွေ ထပ်ထွက်လာရင်လည်း Rating တွေပိုမြင့်တက်သွားဖို့ ဖြစ်နိုင်တာကြောင့် “Goblin” နဲ့ “Crash Landing On You” ထက် ကျော်သွားမလားဆိုတာကို စောင့်ကြည့်ရတော့မှာပါ။
4. “Reply 1988”
“Reply 1988” ကတော့ 2015-2016 မှာ ထုတ်လွှင့်ပြသခဲ့တာဖြစ်ပြီး လူကြိုက်အရမ်းများခဲ့တဲ့ Drama ဖြစ်ပါတယ်။
HyeRi (Girl’s Day), Park BoGum, Go Kyung-pyo, Ryu JunYeol, Lee DongHwi နဲ့ အခြားသရုပ်ဆောင်များစွာ ပါဝင်ပါတယ်။ နောက်ဆုံး Episode မှာတော့ Rating 18.8% ရရှိခဲ့ပါတယ်။
5. “Mr. Sunshine”
Lee ByungHun နဲ့ Kim TaeRi တို့ရဲ့ Historical Drama ဖြစ်တဲ့ “Mr. Sunshine” ကတော့ 2018 မှာ ထုတ်လွှင့်ပြသခဲ့တာပါ။
ဒီ Drama က Budget တွေအများကြီးသုံးပြီး ရိုက်ကူးခဲ့ရသလို ပရိသတ်အားပေးမှုလည်း အခိုင်အမာရရှိခဲ့ပြီး နောက်ဆုံး Episode မှာ Rating 18.1% ရရှိခဲ့ပါတယ်။
6. “Mr. Queen”
Shin HyeSun နဲ့ Kim JungHyun တို့ရဲ့ Comedy Historical Drama ဖြစ်တဲ့ “Mr. Queen” ကိုတော့ 2020-2021 မှာ ထုတ်လွှင့်ပြသခဲ့ပါတယ်။
စတင်ပြသတဲ့အချိန်မှာတော့ Rating 8.0% ရရှိခဲ့ပြီး တစ်ဖြေးဖြေးနဲ့ Rating တက်လာတာ နောက်ဆုံး Episode မှာတော့ Rating 17.4% အထိ တက်လာခဲ့ပါတယ်။
7. “Crash Course In Romance”
Jeon DoYeon နဲ့ Jung KyungHo တို့ရဲ့ Romance Drama ဖြစ်တဲ့ “Crash Course in Romance” ကတော့ 2023 မှာ ထုတ်လွှင့်ပြသခဲ့တာဖြစ်ပါတယ်။
စတင်ပြသတုန်းက Rating 4.0% နဲ့သာ စတင်ခဲ့ပေမယ့် အချစ်ဇာတ်လမ်း၊ အထက်တန်းစားပညာရေးနဲ့ အရှုပ်တော်ပုံများကြောင့် အပတ်တိုင်း လူကြိုက်များခဲ့ပါတယ်။ Drama ရဲ့ နောက်ဆုံး Episode နဲ့အတူ Rating က 17% အထိ ထိုးတက်သွားခဲ့ပါတယ်။
8. “Under The Queen’s Umbrella”
Historical Drama ဖြစ်တဲ့ “Under The Queen’s Umbrella” ကိုတော့ 2022 မှာ ထုတ်လွှင့်ပြသခဲ့ပါတယ်။ Kim HyeSoo, Kim HaeSook, Choi WonYoung, Moon SangMin, Chani (SF9), Yoo SeonHo, Kim MinGi စတဲ့ သရုပ်ဆောင်များစွာပါဝင်တဲ့ နာမည်ကြီး Drama တစ်ခုဖြစ်ပါတယ်။
စတင်ပြသတဲ့အချိန်ထဲက Rating 7.6% နဲ့စတင်ခဲ့ပြီး နောက်ဆုံး Episode နဲ့အတူ Rating 16.852% အထိရောက်ရှိခဲ့ပါတယ်။
9. “Vincenzo”
“Vincenzo” ကိုတော့ 2021 မှာ ထုတ်လွှင့်ပြသခဲ့တာဖြစ်ပြီး Song JoongKi, Jeon YeoBeen, Ok TaecYeon (2PM), Kim YeoJin, Kwak DongYeon စတဲ့ သရုပ်တွေပါဝင်ပြီး လူကြိုက်များခဲ့ပါတယ်။
Drama စပြတုန်းက Rating 7.7% နဲ့စတင်ခဲ့ပြီး Rating 14.6% နဲ့ အဆုံးသတ်ခဲ့ပါတယ်။
10. “Our Blues”
Life Drama, Healing Drama အဖြစ်နဲ့ လူကြိုက်များခဲ့တဲ့ “Our Blues” ကိုတော့ 2022 မှာ ထုတ်လွှင့်ပြသခဲ့ပါတယ်။ Lee ByungHun, Shin MinA, Han JiMin, Kim WooBin, Cha SeoungWon , Lee JungEun နဲ့ Rating 14.6% နဲ့ အဆုံးသတ်ခဲ့ပါတယ်။
