မေလ ၂ ရက်နေ့မှ ၈ ရက်နေ့ အထိ တစ်ပတ်အတွင်း ရုံတင်ပြသမည့် ဇာတ်ကားများ

Kesari

အိန္ဒိယ အက်ရှင် ဒရာမာကားကို ကြည့်ရှုချင်ကြတဲ့ ရုပ်ရှင်ကြည့်ပရိသတ်တွေအတွက် တကယ့်ဖြစ်ရပ်မှန် သမိုင်းကြောင်းကို ပြန်လည်ရိုက်ကူးပုံဖော်ထားတဲ့ Kesari ဆိုတဲ့ ရုပ်ရှင်ကားကတော့ လက်လွတ်မခံသင့်တဲ့ ကားကောင်းတစ်ကားပဲဖြစ်ပါတယ်။ တိုက်ပွဲမှာ မိမိနိုင်ငံအတွက် ဘယ်လိုရွံ့ရွံ့ချွံချွံတိုက်ပွဲဝင်ကြသလဲဆိုတာကို အံ့သြမိန်းမောစွာ ကြည့်ရှုရမှာပဲဖြစ်ပါတယ်။

ပြသပေးသွားမည့် ရုံများ

Nay Pyi Taw Cinema, Mingalar Tamwe (Bayint Naung)

Avenger: End Game

Marvel ဖန်တွေ စောင့်မျှော်နေကြတဲ့ End Game ကတော့ ရုံတင်နေပြီနော်။ ဖန်တွေအချင်းချင်းလည်း ကြည့်ပြီးတဲ့သူက ဇာတ်လမ်းအကြောင်းအရာကို လျှောက်မဖွရဘူးဆိုပြီး အကဲဆတ်နေကြတာပါ။ ဒါ့ကြောင့် သူ့ထက်ငါ အရင်ဦးအောင် သွားကြည့်ဖို့ ပြင်နေတဲ့သူတွေလည်း အများကြီးပါပဲ။ Kwee ရုပ်ရှင်ချစ်ပရိသတ်လည်း Marvel ဖန်ဆိုရင်တော့ မြန်မြန်သွားကြည့်ထားမှ တော်ရာကျမှာနော်။

ပြသပေးသွားမည့် ရုံများ

Junction City, Junction Square, City Mall (St.John), Junction Mawtin, Nay Pyi Taw Cinema, Mingalar Dagon Centre (II), Mingalar Sanpya, Top Royal (Parami Sein Gay Har), Mingalar Gamone Pwint (Hledan-San Yeik Nyein), Mingalar Sein Gay Har (Hlaing Thar Yar), Mingalar North Okkalapa, Mingalar Tamwe (Bayint Naung)

မှားတဲ့ဘက်က နေကြည့်ပါ

ဒါရိုက်တာ မောင်မောင်ဦး (စနိုးဝှိုက်) ရိုက်ကူးပြီး အောင်ရဲလင်း၊ သက်မွန်မြင့်၊ ဝင့်ယမုံလှိုင်၊ ရဲအောင်၊ မင်းဦး၊ မေသန်းနုနဲ့ အခြားအနုပညာရှင်ပေါင်းများစွာ ပါဝင်အားဖြည့်ထားတဲ့ ရုပ်ရှင်ဇာတ်ကားကြီးတစ်ကားပဲဖြစ်ပါတယ်။

ပြသပေးသွားမည့် ရုံများ

Junction City, Junction Square, City Mall, Junction Mawtin

မဟူရာ ရုပ်ရှင်ရုံ

ဒါရိုက်တာ ပြည့်ဇော်ဖြိုး ရိုက်ကူးပြီး နေတိုး၊ ကျော်ကျော်ဗို၊ မင်းသွေး၊ နန်းဆုဦးနဲ့ အိန္ဒိယ မင်းသမီးချောလေးပါ ပါဝင်သရုပ်ဆောင်ထားတဲ့ မဟူရာ ရုပ်ရှင်ရုံ ဆိုတဲ့ ရုပ်ရှင်ဇာတ်ကားကြီး ရုံတင်နေပါပြီ။ လူငယ်တစ်စု ရုပ်ရှင်ရုံထဲမှာ ဘယ်လိုသရဲခြောက်ခံရမလဲဆိုတာကို ရင်တထိတ်ထိတ်နဲ့ ကြည့်ရှုခံစားရမှာပဲဖြစ်ပါတယ်။

ပြသပေးသွားမည့် ရုံများ

Junction City, Junction Square, City Mall (St. John), Junction Mawtin

ပြုံးရွှင်ရေ ပျော်ရဲ့လား

စာရေးဆရာ အကြည်တော်ရဲ့ ဝတ္ထုကို ဒါရိုက်တာ ဝင်းထွန်းထွန်းက ရိုက်ကူးပုံဖော်ထားပြီး နေတိုး၊ ကျော်ကျော်ဗို၊ ရွှေမှုံရတီ၊ အေးမြတ်သူ၊ ဧည့်သည်သရုပ်ဆောင် တင်မောင်ဆန်းမင်းဝင်းအပြင် အခြားအနုပညာရှင်များ ပါဝင်သရုပ်ဆောင်ထားတဲ့ ရုပ်ရှင်ဇာတ်ကားကြီးပဲဖြစ်ပါတယ်။ ဒရာမာကြိုက်နှစ်သက်သူများ အကြိုက်တွေ့မယ့် ဇာတ်ကားတစ်ကားပါပဲ။

ပြသပေးသွားမည့် ရုံများ

Thamada Cinema, Mingalar Sanpya, Mingalar Gamone Pwint (Hledan-San Yeik Nyein), Mingalar Waziyar, Mingalar Tamwe (Bayint Naung)

သစ္စာနန်းတော်

လွန်းထားထားရဲ့ ဝတ္ထုကို ဒါရိုက်တာ ဝင်းထွန်းထွန်းက ရိုက်ကူးပုံဖော်ထားပြီး မြင့်မြတ်၊ ရဲအောင်၊ စိုးမြတ်သူဇာ၊ ရွှေမှုံရတီနဲ့ အခြားသော အနုပညာရှင်များ ပါဝင်သရုပ်ဆောင်ထားတဲ့ “သစ္စာနန်းတော်” ရုပ်ရှင်ဇာတ်ကားကြီးကတော့ ဒရာမာကား ကြိုက်နှစ်သက်ကြတဲ့ ရုပ်ရှင်ချစ်သူတွေအတွက် ကွက်တိကျမယ့် ဇာတ်ကားကောင်းတစ်ကားပါပဲ။