မြန်မာပြည်မှာတော့ ဂူဂူးလို့ချစ်စနိုးလေးခေါ်ကြပြီး Crystal Liu လို့လည်း လူသိများတဲ့ Liu Yifei ဟာတရုတ်နိုင်ငံမှာ ပေါ်ပြူလာဖြစ်တဲ့ စတားတစ်ဦးဖြစ်ပါတယ်။ ဂူဂူးဟာ မကြာခင်မှာ Disney ရဲ့ ကာတွန်းဇာတ်ကောင် Mulan အဖြစ် ပါဝင်သရုပ်ဆောင်သွားတော့မှာဖြစ်ပါတယ်။ သင်သိသင့်တဲ့ ဂူဂူးရဲ့ အကြောင်းကို ဖော်ပြပေးလိုက်ပါတယ်။
၁။ ဂူဂူးဟာ တရုတ်-အမေရိကန်နိုင်ငံသားဖြစ်ပါတယ်
မွေးကတော့ တရုတ်ပြည်မှာပဲမွေးပေမယ့် မိဘတွေကွာရှင်းပြီးတဲ့နောက် သူမနဲ့ အမေဖြစ်သူတို့ နယူးယောက်မြို့ကို ပြောင်းရွေ့နေထိုင်ခဲ့ကြပါတယ်။ ၂၀၀၂ ခုနှစ် ဂူဂူးအသက် ၁၅ နှစ်ပြည့်မှ တရုတ်နိုင်ငံကို ပြန်လာခဲ့ပြီး ဘေဂျင်းရုပ်ရှင်အကယ်သမီကျောင်းမှာ ပညာသင်ကြားခဲ့ပါတယ်။ လှလည်းလှသလို အရည်အချင်းလည်းရှိတာကြောင့် The Story of a Nobel Family ကားထဲမှာ ပထမဆုံး သရုပ်ဆောင်ခွင့်ရခဲ့ပါတယ်။
၂။ ဖန်တွေက Fairy Sister လို့ခေါ်ကြတယ်
သူမရဲ့ ပင်ကိုယ်အလှကြောင့် နတ်သမီးလေးလို့ တင်စားပြီး Fairy Sister လို့ ခေါ်ကြပါတယ်။
၃။ သူမရဲ့ ချစ်သူက တောင်ကိုးရီးယားသရုပ်ဆောင်မင်းသားဖြစ်ပါတယ်
သူမနဲ့ ကိုးရီးယား သရုပ်ဆောင်မင်းသား Song Seung Hun ဟာ ရုပ်ရှင်ဇာတ်ကားတစ်ခုမှာ အတူတူ သရုပ်ဆောင်ရင်ချစ်ကြိုက်ခဲ့ကြတာပါ။ အဲဒီဇာတ်ကားကတော့ The Third Way of Love ဖြစ်ပါတယ်။ သူတို့နှစ်ယောက်တွဲနေပြီဆိုတဲ့အကြောင်း ၂၀၁၅ ခုနှစ် သြဂုတ်လက အသိပေးခဲ့တာဖြစ်ပါတယ်။ သိပ်မကြာခင်ကပဲ လမ်းခွဲလိုက်ပြီဖြစ်ပါတယ်။ ဂူဂူးက စပြီးလမ်းခွဲခဲ့တာလို့သိရပါတယ်။
၄။ ၂၀၁၇ ခုနှစ်မှာ အသက် ၃၀ ပြည့်ပြီးသွားပါပြီ
အသက် ၃၀ ဆိုပေမယ့် ၂၀ကျော်လေးလိုပဲ နုပျို လန်းဆန်းနေတုန်းပါပဲနော်။
၅။ တရုတ်နိုင်ငံရဲ့ နာမည်ကျော်မင်းသားတွေနဲ့ လည်း အတူတူ သရုပ်ဆောင်ခဲ့ဖူးပါတယ်
မကြာသေးခင်ကမှ တရုတ်နိုင်ငံရဲ့ နာမည်ကျော်မင်းသား Yang Yang နဲ့ Once Upon A Time ဇာတ်ကားမှာအတူတူ သရုပ်ဆောင်ခဲ့ပါသေးတယ်။ အဲဒီဇာတ်ကားဟာ Ten Miles of Peach Blossoms ဒရမ်မာဇာတ်လမ်းတွဲကို ရုပ်ရှင်ဇာတ်ကားအဖြစ် ပြန်လည်ရိုက်ကူးတာပါ။
