နိုဝင်ဘာလ ၃၀ ရက်နေ့က MAMA ပွဲအတွက် စီစဉ်တင်ဆက်သူလုပ်ပေးဖို့ ဟောင်ကောင်ကို ရောက်ရှိလာတဲ့ မင်းသား Song Joong Ki ဟာ သူရဲ့ လက်ထပ်လက်စွပ်ကြောင့် စိတ်ဝင်စားမှု အများကြီးရရှိခဲ့ပါတယ်။
ပူပူနွေးနွေးလက်ထပ်ထားပြီး ပထမဆုံး လူထုရှေ့ကို သူရောက်ရှိလာခဲ့တာကတော့ ဒီဇင်ဘာလ ၁ ရက်နေ့မှာ ကျင်းပတဲ့ 2017 MAMA ပွဲအတွက် စီစဉ်တင်ဆက်သူလုပ်ပေးတာပဲဖြစ်ပါတယ်။
ပြီးခဲ့တဲ့ မင်္ဂလာပွဲတုန်းကလည်း ပရိသတ်တွေရဲ့ စိတ်ဝင်စားမှုကို အများအပြားရရှိထားခဲ့တာဖြစ်ပါတယ်။
အခု လေဆိပ်ကိုရောက်လာတဲ့ သူ့ပုံကို ပါပါရာဇီက ရိုက်ကူးခဲ့ပြီး မျက်မှန်တပ်ထားသလို၊ ကုတ်အင်္ကျီ အရှည်ကို ဝတ်ဆင်ထားတာ တွေ့ရပြီး ကင်မရာကို လက်ပြနှုတ်ဆက်နေပါတယ်။
ဒါ့အပြင် လက်ထပ်လက်စွပ်ကိုလည်း ဝတ်ဆင်ထားပါတယ်။
တရုတ်မီဒီယာတစ်ခုကတော့ Song Joong Ki ဟာ နေ့လည် ၁၁း၅၃ က လေဆိပ်ကို ရောက်ရှိလာပြီး သူ့ရဲ့ လက်ထပ်လက်စွပ်ကို ဂုဏ်ယူစွာဆင်မြန်းထားတဲ့အတွက် အာရုံစိုက်မှု စိတ်ဝင်စားမှုကို အများကြီးရရှိခဲ့တယ်လို့ ဖော်ပြထားပါတယ်။ လက်ရှိအချိန်ကို နှစ်သက်နေတယ်လို့ မှန်းဆကြပြီး ဝိတ်နည်းနည်းတက်လာတယ်လို့လည်း ဖော်ပြထားကြပါတယ်။
တကယ်လည်း ဝိတ်နည်းနက်းတက်လာသလိုပဲနော်။ သူ့ရဲ့ ပရိသတ်တွေကတော့ ဝေဖန်မှုတွေ အမျိုးမျိုးပေးနေကြပါတယ်ရှင်။
