တောင်ကိုရီးယားနိုင်ငံက ထိပ်သီးမင်းသမီးတွေထဲမှာ တစ်ဦးအပါအဝင်ဖြစ်တဲ့ Son Ye Jin ကို မသိတဲ့သူ သိပ်မရှိလောက်ဘူးထင်ပါတယ်။ Crash Landing on You, Something in the Rain, Personal Taste, The Classic, The Negotiation စသဖြင့် နာမည်ကြီး ဇာတ်လမ်းတွဲတွေ၊ ရုံတင်ကားတွေမှာ ပါဝင်သရုပ်ဆောင်ထားတဲ့ မင်းသမီး Son Ye Jin ဟာ အခုဆိုရင်တော့ အသက် ၃၈ နှစ်ရှိပြီဆိုပေမယ့်လည်း မထင်ရလောက်အောင်ကို နုပျိုလှပလွန်းလှပါတယ်။
သူမရဲ့သရုပ်ဆောင်ကောင်းမှုတွေကြောင့် လူသိများတယ်ဆိုပေမယ့်လည်း သူမနဲ့ပတ်သက်လာရင် မေ့ထားလို့မရတဲ့အချက်တစ်ခုက ဖက်ရှင်ကျကျ ဝတ်တတ်စားတတ်တာပါပဲ။ သူမရဲ့ဇာတ်ကားတွေ၊ ဇာတ်လမ်းတွဲတွေကို မလွတ်တမ်းကြည့်ဖူးတဲ့သူတွေအနေနဲ့တော့ သူမရဲ့ပုံမှန်ဖက်ရှင်တွေကို လေ့လာဖူးမယ်ဆိုပေမယ့် မြင်နေကျမဟုတ်တဲ့ သူမရဲ့ပွဲတက်ဖက်ရှင်တွေကရော ဘယ်လောက်တောင်ကျော့ရှင်းလှပလဲဆိုတာကို အခုပဲ ကြည့်လိုက်ရအောင်ပါ။
