သိပ္ပံနည်းပညာအရ ကမ္ဘာ့အလှဆုံး အမျိုးသမီး (၁၀) ဦး

အလှတရားဟာ ကြည့်တဲ့သူရဲ့ စိတ်ခံစားချက်နဲ့ပဲ သက်ဆိုင်တယ်ဆိုတဲ့ စကားကို လူတိုင်းကြားဖူးကြမယ်၊ သဘောတူကြမယ်ဆိုပေမယ့်လည်း အခုတစ်ခေါက် ဆောင်းပါးကနေပြီး ဖော်ပြချင်တာကတော့ လူတစ်ယောက်က ဘယ်လောက်ထိ ဆွဲဆောင်မှုရှိသလဲဆိုတာကို သိပ္ပံနည်းပညာနဲ့ Golden Ration တိုင်းတာချက်တွေအရ ရရှိလာတဲ့ အဖြေတွေပဲဖြစ်ပါတယ်။

ပညာရှင်တွေရဲ့ တိုင်းတာချက်တွေပေါ်မူတည်ပြီး ဘယ်အနုပညာရှင်တွေကတော့ ဒီ Top (10) စာရင်းထဲ ဝင်သလဲဆိုတာကို အခုပဲ အဖြေရှာကြည့်ကြရအောင်ပါ။

10. Cara Delevingne — 89.99%

အသက် ၃၁ နှစ်အရွယ် ကမ္ဘာကျော်မော်ဒယ်လ်နဲ့ မင်းသမီး Cara Delevingne ကတော့ သူမရဲ့ ထူထဲနက်နဲတဲ့ မျက်ခုံးမွှေးနဲ့ ပုံကျလှပတဲ့ နှုတ်ခမ်းတို့ကြောင့် လူသိများပြီး အခုလို (၁၀) ဦးစာရင်းထဲ ပါဝင်လာခဲ့တာဖြစ်ပါတယ်။

9. Katy Perry — 90.08%

Golden Ratio အချိုးအစားတွေအရ အသက် ၃၈ နှစ်အရွယ် ကမ္ဘာကျော်အဆိုတော် Katy Perry ရဲ့ နှုတ်ခေါင်းဟာ မျက်နှာတစ်ခုလုံးမှာ အလှဆုံးလို့ဆိုပါတယ်။ အထူးသဖြင့် နှုတ်ခမ်းအကျယ်နဲ့ အနေတော်ဖြစ်စေတဲ့ နှုတ်ခေါင်းအဖျားကြောင့် ပိုပြီးလှသွားစေတာပါ။

8. Natalie Portman — 90.51%

အသက် ၄၂ နှစ်ရှိပြီဖြစ်တဲ့ မင်းသမီးကြီး Natalie Portman ကတော့ ပရိတ်သတ်တွေထင်ထားသလို မျက်ခုံးနဲ့နှုတ်ခမ်းတို့မဟုတ်ဘဲနဲ့ မျက်ဝန်းတစ်စုံက အမှတ်အများဆုံး ရရှိထားပါတယ်။

7. Scarlett Johansson — 90.91%

မင်းသမီးချော Scarlett Johansson ဟာလည်း သူမရဲ့ မျက်ဝန်းတစ်စုံကြောင့် Top Ten စာရင်းထဲမှာ ပါဝင်ခဲ့ပြီးတော့ သူမရဲ့ ဒုတိယလှပတဲ့နေရာကတော့ မေးစေ့ပဲဖြစ်ပါတယ်။

6. Kate Moss — 91.05%

အသက် ၄၉ နှစ်လို့မထင်ရလောက်အောင် နုပျိုလှပတဲ့ စူပါမော်ဒယ်လ် Kate Moss ကတော့ သူမရဲ့ နဖူးရယ်၊ မျက်လုံးအကွာအဝေးတို့ရယ်က အကြီးမားဆုံး အားသာချက်တွေပဲဖြစ်ပါတယ်။

5. Taylor Swift — 91.64%

အမျိုးသမီးထုကြီးရဲ့ အသည်းစွဲ Taylor Swift ကတော့ မျက်နှာတစ်ပြင်လုံးမှာ မေးစေ့နဲ့ နှာခေါင်းတို့က အမှတ်အများဆုံး ရရှိထားပြီးတော့ မျက်ခုံးမွှေးက တတိယလိုက်နေပါတယ်။

4. Ariana Grande — 91.81%

အသံချိုချိုပိုင်ရှင်လေး Ariana Grande ကတော့ မျက်နှာတစ်ခုလုံးမှာ နဖူး၊ နှာခေါင်း၊ မေးစေ့နဲ့ နှုတ်ခမ်းတို့ကို အလှဆုံးနေရာအဖြစ် ပိုင်ဆိုင်ထားပါတယ်။

3. Amber Heard — 91.85%

အသက် ၃၇ နှစ်ရှိတဲ့ မင်းသမီး Amber Heard ကတော့ မေးစေ့နဲ့ နှာခေါင်းတို့မှာ အမှတ်များများ ရရှိထားပါတယ်။ တခြားနေရာတွေနဲ့ယှဥ်ရင်တော့ မျက်နှာပုံကျက အမှတ်အနည်းဆုံး ရရှိထားပါတယ်။

2. Beyoncé — 92.44%

အသက် ၄၁ နှစ်အရွယ် ပေါ့ပ်ဘုရင်မ Beyoncé ကတော့ Golden Ratio အချိုးအစားတွေအရ သူမရဲ့မျက်နှာကျဟာ အမှတ် ၉၉.၆ ရာခိုင်နှုန်း ရရှိထားပါတယ်။ တခြားနေရာတွေထက် မျက်ခုံးနဲ့ နှာခေါင်းကတော့ အမှတ်နည်းပါတယ်။

1. Bella Hadid — 94.35%

ကမ္ဘာ့စူပါမော်ဒယ်တစ်ဦးဖြစ်တဲ့ Bella Hadid ကတော့ သူမရဲ့ မေးစေ့နဲ့ နံပါတ်တစ်ချိတ်သွားတာဖြစ်ပါတယ်။ ဒါ့အပြင် မျက်လုံးခြားနဲ့ နဖူးတို့ကလည်း အမှတ်ကောင်းကောင်း ရရှိထားပါတယ်။

Source: BrightSide