ရောမနတ်ဘုရား ဂျေးနပ်စ်ကို အစွဲပြုပြီး နာမည်ပေးထားတဲ့ ဇန်နဝါရီလ ဟာ နှစ်တစ်နှစ်ရဲ့ ပထမဆုံးလဖြစ်လို့ နှစ်သစ်ကူးလလို့ ခေါ်လေ့ရှိကြပါတယ်။ ဒီလထဲမှာ နိုင်ငံရေး ၊ စာပေ ၊ ယဉ်ကျေးမှု ၊ အနုပညာနဲ့ သိပ္ပံလူကျော်တွေရဲ့ မွေးနေ့တွေ အများကြီး ပြောစရာရှိပါတယ်။ ဒီတစ်ခေါက်မှာတော့ ဇန်နဝါရီမွေးနေ့ရှင် ကေပေါ့အိုင်ဒေါလ်တွေနဲ့ မိတ်ဆက်ပေးသွားမှာ ဖြစ်ပါတယ်။
1) Winter (æspa)
Aespa အဖွဲ့ဝင် Winter ကိုတော့ Kpop ချစ်သူတော်တော်များများ သိပြီးသားဖြစ်မှာပါနော်။ Aespa အဖွဲ့အပြင် Girls On Top (GOT The Beat) ဆိုတဲ့ အဖွဲ့ရဲ့ အငယ်ဆုံးအဖွဲ့ဝင်တစ်ယောက်အနေနဲ့လည်း ပါဝင်ထားသူလေးဖြစ်ပါတယ်။ ဇန်နဝါရီလ ၁ ရက်နေ့၊ ၂၀၀၁ ခုနှစ်မှာ မွေးခဲ့တာမို့ အသက် ၂၃ နှစ်ရှိပါပြီ။
2) Kun (NCT & WayV)
SM Entertainment ရဲ့လက်အောက်က NCT & WayV အဖွဲ့တွေရဲ့ အဖွဲ့ဝင် Kun မွေးနေ့ကလည်း ဇန်နဝါရီ ၁ ရက်နေ့၊ ၁၉၉၆ ခုနှစ်ပါ။ အသက် ၂၃ နှစ်အရွယ် Kun ဟာ WayV ရဲ့ အဖွဲ့ခေါင်းဆောင်ဖြစ်ပြီးတော့ ထိုအဖွဲ့နဲ့ ၂၀၁၈ ခုနှစ်မှာ Debut လုပ်ခဲ့ပါတယ်။
3) Jisoo (BLACKPINK)
BLACKPINK အဖွဲ့ဝင် Jisoo ရဲ့ နာမည်အရင်းကတော့ Kim Ji-soo ဖြစ်ပြီး ၁၉၉၅ ခုနှစ် ဇန်နဝါရီ ၃ ရက်နေ့မှာ မွေးဖွားခဲ့ပါတယ်။ Jisoo က ယဉ်ယဉ်လေးနဲ့ ကြည့်ကောင်းတဲ့ အနုပညာရှင်တစ်ဦးပါ။
4) DK (iKON)
နာမည်အရင်း Kim Donghyuk ရှိတဲ့ DK ဟာ iKon အဖွဲ့ဝင်တစ်ဦးအဖြစ် လူသိများပါတယ်။ ၁၉၉၇ ခုနှစ် ဇန်နဝါရီ ၃ ရက်နေ့မှာ မွေးဖွားခဲ့တဲ့ သူဟာ ရက်ပ်ပါဖြစ်ချင်ခဲ့ပေမယ့်လည်း YG Entertainment ရဲ့ နားချမှုတွေကြောင့် အဆိုတော်ဖြစ်လာခဲ့တာပါ။
5) JAY B (GOT7)
GOT7 အဖွဲ့ရဲ့ ခေါင်းဆောင်ဖြစ်တဲ့ JAY B ကတော့ ၁၉၉၄ ခုနှစ်၊ ဇန်နဝါရီလ (၆) ရက်နေ့မှာ မွေးဖွားခဲ့ပါတယ်။ အခုဆိုရင်တော့ တစ်ကိုယ်တော်အဆိုတော်အဖြစ်နဲ့ ရပ်တည်နေပါတယ်။
6) D.O. (EXO)
EXO အဖွဲ့ဝင် D.O. လို့ လူသိများတဲ့ Doh Kyung Soo ဟာ တစ်ဖက်မှာလည်း သရုပ်ဆောင်လမ်းကြောင်းကို လျှောက်လှမ်းနေသူတစ်ဦးပါ။ သူ့ရဲ့ မွေးနေ့ကတော့ ၁၉၉၃ ခုနှစ် ဇန်နဝါရီ ၁၂ ရက်နေ့ပဲဖြစ်ပါတယ်။
7) Hyungwon (MONSTA X)
၂၀၁၅ ခုနှစ်မှာ MONSTA X အဖွဲ့နဲ့ Debut မလုပ်ခင် မော်ဒယ်လ်အဖြစ် လုပ်ကိုင်ခဲ့ဖူးတဲ့ Hyungwon ကတော့ ၁၉၉၄ ခုနှစ် ဇန်နဝါရီလ ၁၅ ရက်နေ့ဖွားဖြစ်လို့ အခုဆို အသက် ၃၀ ရှိပါပြီ။
8) Jennie (BLACKPINK)
နောက်ထပ် BLACKPINK အဖွဲ့ဝင်ဖြစ်တဲ့ Jennie ကလည်း ၁၉၉၆ ခုနှစ် ဇန်နဝါရီလ ၁၆ ရက်နေ့ဖွား ဖြစ်ပါတယ်။ တစ်ကိုယ်တော်အဖြစ်ရော ဖက်ရှင်အလှအပပိုင်းမှာပါ ရေပန်းစားလူကြိုက်များသူလေး တစ်ဦးဖြစ်ပါတယ်။
9) Seungkwan (SEVENTEEN)
SEVENTEEN အဖွဲ့ရဲ့ Main Vocal ဖြစ်ပြီး ဂျယ်ဂျူသားလေး Seungkwan ရဲ့ မွေးနေ့ကတော့ ၁၉၉၈ ခုနှစ် ဇန်နဝါရီလ ၁၆ ရက်နေ့ဖွားပဲဖြစ်ပါတယ်။ သူရဲ့ ထူးခြားတဲ့ Last Name ကြောင့်လည်း Mr. Boo လို့ ချစ်စနိုးခေါ်ခံရသူလေးပါ။
10) Junho (2PM)
Junho ဟာ သရုပ်ဆောင်အဖြစ် မလုပ်ကိုင်ခင်မှာ 2PM အဖွဲ့ရဲ့ ပင်တိုင်အဆိုတော်တစ်ဦးပါ။ တောင်ကိုရီးယားနိုင်ငံ ဆိုးလ်မြို့မှာ မွေးဖွားခဲ့ပြီး သူ့ရဲ့ မွေးနေ့ကတော့ ၁၉၉၀ ခုနှစ် ဇန်နဝါရီ ၂၅ ရက်နေ့မှာ မွေးဖွားခဲ့တာလည်း ဖြစ်ပါတယ်။
