အခုမှ Tampons စသုံးဖို့ စဥ်းစားနေတာလား ? ဈေးကွက်ထဲမှာ Tampon ကိုမှ တံဆိပ်အမျိုးမျိုး ၊ အရွယ်အစား အမျိုးမျိုးရှိတာမလို့ အဝယ်မမှားရအောင် Tampon ဝယ်ခါနီးမှာ ဒီအချက်တွေကို အဓိကထားကြည့်ပါ။
ဒါဆို ဘယ်လိုရွေးဝယ်ရမလဲ ?
1. ပစ္စည်း
ဈေးကွက်ထဲမှာ ရောင်းနေတဲ့ Tampons တွေက ပစ္စည်းအမျိုးမျိုးနဲ့ လုပ်ထားတာပါ။ တချို့က အော်ဂဲနစ်ဝါဂွမ်းနဲ့ လုပ်ထားသလို တချို့Tampon တွေမှာတော့ Rayon သို့မဟုတ် Cellulose ပါဝင်ပါတယ်။ အကောင်းဆုံးကတော့ အဆိပ်အတောက်ကင်းပြီး FDA က ခွင့်ပြုထားတဲ့ အော်ဂဲနစ်ဝါဂွမ်းနဲ့ လုပ်ထားတဲ့ Tampons ပါ။
2. စုပ်ယူမှု
ရာသီသွေးဆင်းတဲ့အခါ ဆင်းတဲ့ပမာဏက တစ်ယောက်နဲ့တစ်ယောက် မတူသလို တစ်လနဲ့တစ်လလည်း မတူပါဘူး။ တခါတလေ Heavy ဖြစ်တတ်သလို တခါတလေမှာလည်း နည်းတတ်ပါတယ်။ ဒါကြောင့် သင့်ရဲ့ရာသီသွေးဆင်းတဲ့ပမာဏကိုလည်း ထည့်စဥ်းစားသင့်ပါတယ်။
3. အရွယ်အစား
Tampon က မိန်းမကိုယ်ထဲထည့်ပြီး သုံးတဲ့အခါ ကိုယ်အင်္ဂါထဲမှာ သူ့ရဲ့အရွယ်အစားက ကြီးလာမှာပါ။ ဒါကြောင့် နေရတာ သက်တောင့်သက်သာရှိဖို့နဲ့ ယိုစိမ့်မှုတို့ကို ကာကွယ်ဖို့ Tampon ဝယ်တဲ့အခါ ကိုယ့်ရဲ့ မိန်းမကိုယ်နဲ့ ကိုက်ညီတဲ့ အရွယ်အစားကို သေချာရွေးဝယ်ပါ။
