ထိုင်းနိုင်ငံက လူငယ်မင်းသမီးချောလေးတွေထဲမှ တစ်ဦးအပါအဝင်ဖြစ်တဲ့ Sutatta Udomsilp ကို မြန်မာပရိတ်သတ်ကြီးအများစု သိပြီးသား ဖြစ်မယ်လို့ထင်ပါတယ်။ သူမကိုတော့ ထိုင်းနိုင်ငံ ဘန်ကောက်မြို့မှာ မွေးဖွားခဲ့တာဖြစ်ပြီး Ruamrudee International School မှာ အထက်တန်းကျောင်းတက်ခဲ့ပြီး Chulalongkorn University at Faculty of Communication Arts မှ ဘွဲ့ရခဲ့ပါတယ်။
ငယ်ရွယ်စဥ်အချိန်ကတည်းက ကလေးမော်ဒယ်လ်အဖြစ်နဲ့ အနုပညာလောကထဲကို စတင်ဝင်ရောက်ခဲ့ပြီး ကြော်ငြာတွေရိုက်ကူးခဲ့ပါတယ်။ ထိုမှတဆင့် ၂၀၁၁ ခုနှစ်က ထွက်ရှိခဲ့တဲ့ “Ladda Land” အမည်ရ ရုပ်ရှင်ကားနဲ့ မင်းသမီးအဖြစ် ပွဲဦးထွက်ခဲ့ပါတယ်။ သူမရဲ့သရုပ်ဆောင်ကောင်းမှုတွေကြောင့် 20th “Thailand National Film Association Awards” နှင့် 9th “Kom Chad Luek Awards” ဆုပေးပွဲတွေမှာ အကောင်းဆုံးဇာတ်ပို့မင်းသမီးဆုကို ရရှိခဲ့ပါတယ်။
ထိုအချိန်မှစပြီးတော့ ရုပ်ရှင်ကားကြီးတွေ၊ ဒရမ်မာဇာတ်လမ်းတွဲတွေ မြောက်မြားစွာကို ရိုက်ကူးခဲ့ပြီး “Hormones” (2013), “May Who?” (2015) or “Secret Seven” (2017) တွေနဲ့ ပိုပြီးလူသိများလာခဲ့ပါတယ်။ ဆုတွေကိုလည်း အသီးသီးဆွတ်ခူးရရှိခဲ့ပြီး ထိုင်းနိုင်ငံရှိ လူသိများတဲ့မင်းသမီးတွေထဲက တစ်လက်ဖြစ်လာခဲ့ပါတယ်။
၁၉၉၇ ခုနှစ်၊ ဇွန်လ ၅ ရက်နေ့မှာ မွေးဖွားခဲ့တဲ့ Sutatta Udomsilp ဟာ အသက် ၂၃ နှစ်သာရှိသေးပြီး အင်မတန်ကိုချစ်စရာကောင်းပါတယ်။ လူကောင်သေးသေး၊ ခန္ဓာကိုယ်အချိုးအစားလှလှလေးနဲ့ ပုရိသတွေသာမက မိန်းကလေးပရိတ်သတ်တွေပါချစ်ရတဲ့ Sutatta Udomsilp လေးတစ်ယောက်ကတော့ ဇာတ်လမ်းတွဲတွေထဲကမဟုတ်ဘဲ သူမရဲ့အပြင်လောကဘဝမှာ ဘယ်လိုလေးတွေစတိုင်မိမိနဲ့ စမတ်ကျကျ ဝတ်စားတတ်သလဲဆိုတာကို အခုပဲကြည့်လိုက်ရအောင်ပါ။
