Suicide Squad, Birds of Prey ဇာတ်လမ်းတွဲတွေထဲက Harley Quinn ဇာတ်ကောင်ကို ကြိုက်ကြသူတွေအနေနဲ့ ဟောလိဝုဒ်မင်းသမီး Margot Robbie နဲ့ စိမ်းမယ်မထင်ပါဘူး။ Harley Quinn ဇာတ်ကောင်ရဲ့ တမူထူးခြားတဲ့ဆံပင်အရောင်၊ ဝတ်ပုံစားပုံ၊ ပြောပုံဆိုပုံတို့ကို ပြောင်မြောက်စွာ သရုပ်ဆောင်နိုင်ခဲ့လို့ တစ်ကမ္ဘာလုံးမှာ လူသိများထင်ရှားလာခဲ့ပါတယ်။
Margot Robbie ကိုတော့ ၁၉၉၀ ခုနှစ်၊ ဇူလိုင် ၂ ရက်နေ့မှာ ဩစတြေးလျနိုင်ငံ၊ Dalby, Queensland မှာ မွေးဖွားခဲ့ပြီး ဆစ်ဒနီမြောက်ပိုင်းရဲ့ မိုင် ၅၀၀ ဝေးကွာတဲ့ Gold Coast မှာ ကြီးပြင်းခဲ့တာပါ။ မိခင်ဖြစ်သူက ဗဟိဒ္ဓကုထုံးဆရာဖြစ်ပြီး ဖခင်ကတော့ လယ်သမားဖြစ်ပါတယ်။ မိဘနှစ်ပါးကွာရှင်းပြတ်စဲပြီးနောက် သူမနဲ့ မောင်နှမသုံးယောက်ကို မိခင်ဖြစ်သူက ပြုစုစောင့်ရှောက်ခဲ့ရပါတယ်။
ဟောလိဝုဒ်ကိုမရောက်ခင်ကတည်းက Neighbours လို့ခေါ်တဲ့ TV အစီအစဥ်ကတဆင့် ဩစတြေးလျပရိတ်သတ်တွေက သူမကိုသိနေကြပါပြီ။ ၂၀၁၄ ခုနှစ်က ထွက်ရှိခဲ့တဲ့ ဒုတိယစစ်ဒရမ်မာ Suite Francaise မှာ လက်ထောက်ဒါရိုက်တာ Tom Ackerley နဲ့တွေ့ဆုံခဲ့ပြီး တွဲခုတ်ကြခဲ့ရာကနေ ၂၀၁၆ ခုနှစ် ဒီဇင်ဘာမှာ လက်ထပ်ခဲ့ကြပါတယ်။
Harley Quinn ဇာတ်ကောင်ကို သိကြသူတွေကတော့ မင်းသမီးချော Margot Robbie ရဲ့ ဆန်းသစ်တဲ့ဖက်ရှင်ကို သတိထားမိကြမှာဖြစ်ပြီး သူမရဲ့ အပြင်လောကမှ စတိုင်လ်တွေကရော ဘယ်လောက်တောင်မှ မိမိုက်လဲဆိုတာကို အခုပဲကြည့်လိုက်ရအောင်ပါ။
