Shoes စီးရင် ခြေထောက်နာတာ၊ ခြေထောက်အနံ့ထွက်တာ၊ ခြေထောက်ညောင်းကိုက်တာတွေ အမြဲဖြစ်ပါတယ်။ ဒါကြောင့် shoes အမြဲစီးတဲ့သူတွေအတွက် အသုံးဝင်စေမယ့်အရာတွေနဲ့ သိထားသင့်တဲ့အရာတွေကို မျှဝေပေးလိုက်ပါတယ်။
တိတ်ကပ်ပါ
ခြေညှိုးနဲ့ ခြေခလယ်ကို တိတ်နဲ့စုကပ်ထားပြီး shoes စီးမယ်ဆိုရင် ခြေချောင်းလေးတွေနာတာမျိုး မဖြစ်စေပါဘူး။ မဟုတ်ရင်တော့ ခြေမနဲ့ ခြေသန်းမှာ ရေကြည်ဖုတွေထပြီး ခြေထောက်ပေါက်တာ၊ ခြေချောင်းနာတာတွေ ဖြစ်ပါလိမ့်မယ်။
ခြေဗလာနဲ့လမ်းလျှောက်ပါ
Shoes အမြဲစီးတဲ့သူတွေက ရရင်ရသလို ခြေဗလာနဲ့ လမ်းလျှောက်ပေးပါ။ ခြေထောက်နာကျင်တာ သက်သာစေပြီး ခြေသည်းမှိုစွဲတာမျိုးတွေလည်း မဖြစ်အောင် ကာကွယ်ပြီးသား ဖြစ်ပါတယ်။
အရက်ပြန်ဖြန်းပါ
Shoes အတွင်းထဲကို အရက်ပြန်ဖြန်းပေးမယ်ဆိုရင်တော့ စီးထားတဲ့အခါမှာ လှောင်ပိတ်ပြီး ချွေးထွက်တာမျိုး မဖြစ်စေတော့ပါဘူး။
Apple cider vinegar နဲ့စိမ်ပါ
Shoes အမြဲစီးလို့ ခြေထောက်အနံ့ဆိုးထွက်တာ ပျောက်စေဖို့နဲ့ အနံ့ဆိုးမထွက်စေဖို့အတွက် ခြေထောက်ကို apple cider vinegar နဲ့ စိမ်ပေးပါ။ တစ်ပတ်မှာ ၁ ရက်၊ ၂ ရက်လောက် စိမ်ပေးရင်ရပါတယ်။
အနာကပ်ပလာစတာဆောင်ထားပါ
Shoes စီးတော့မယ်ဆိုရင် ဖိနပ်ပေါက်တတ်တဲ့ ဖနောင့်နေရာမှာ အနာကပ်ပလာစတာကို ကပ်ပြီးမှစီးပါ။ အသားနဲ့ ဖိနပ်နဲ့ပွတ်တိုက်မိပြီး အရေခွံလန်တာ၊ ဖိနပ်ပေါက်တာတွေ မဖြစ်အောင် ကာကွယ်ပေးပါတယ်။ အိတ်ထဲမှာလည်း အပိုဆောင်ထားသင့်ပါတယ်။ ဒါမှ ရုတ်တရက် ဖိနပ်ပေါက်တဲ့အခါ၊ ခြေထောက်နာလာတဲ့အခါမှာ အလွယ်တကူ ထုတ်သုံးလို့ရမှာပါ။
နာနတ်သီးနဲ့ခြေဖနောင့်ကိုတိုက်ပါ
နာနတ်သီးနဲ့ ခြေဖနောင့်တွေကို ပွတ်တိုက်ပေးမယ်ဆိုရင်တော့ ခြေဖနောင့်ကွဲအက်တာ၊ ကြမ်းတမ်းတာတွေ သက်သာစေပြီး dead cells တွေကိုလည်း ဖယ်ရှားပေးပါတယ်။ တစ်ပတ်တစ်ကြိမ်လောက် ပုံမှန်လုပ်ပေးရင် ရပါတယ်။
