ပန်းရောင်အဆောက်အအုံလေးနဲ့ အရမ်းချစ်စရာကောင်းပြီး Dessert-Themed, Candy-Themed တွေနဲ့ပြင်ဆင်ထားတဲ့ Sweets Hotel Ruby လေးက Tokyo မှာရှိတာ ဖြစ်ပါတယ်။
Hotel အဆောက်အအုံအပြင်ဘက်မှာဆိုလည်း ပန်းရောင်လေးနဲ့ cookies တွေ chocolate တွေနဲ့ အလှဆင်ထားတာ အရမ်းချစ်ဖို့ကောင်းပါတယ်။ အပြင်ပုံစံကြည့်တာနဲ့တင် အထဲမှာ ဘယ်လောက်တောင်ပိုပြီးလှနေမလဲ၊ ချစ်ဖို့ကောင်းနေမလဲဆိုတာကို သိချင်စိတ်တွေဖြစ်လာစေပါတယ်။
Hotel ထဲမှာ နံရံကပ် candy dispensers လေးတွေလည်း ရှိပါသေးတယ်။ မျက်နှာကြက်တွေမှာလည်း Candy-Themed တွေ အလှဆင်ထားတာက အရမ်းချစ်ဖို့ကောင်းပါတယ်။
အိပ်ခန်းတွေဆိုလည်း အိပ်ယာတွေ၊ ထိုင်ခုံတွေ၊ စားပွဲတွေကအစ Dessert-Themed, Candy-Themed လေးတွေနဲ့ အလှဆင်ထားတာ အရမ်းထူးခြားပြီး ချစ်ဖို့ကောင်းပါတယ်။ နံရံတွေမှာလည်း Dessert-Themed လေးတွေနဲ့ ပြင်ပေးထားပါသေးတယ်။
ရေချိုးခန်းလေးတွေကအစ ချစ်စရာကောင်းအောင် ပြင်ဆင်ပေးထားတာကြောင့် မိန်းကလေးတွေကတော့ ပိုပြီးသဘောကျမှာပါ။
Japan ကိုသွားလည်ဖြစ်တဲ့အခါမှာ မိန်းကလေးတွေပဲဖြစ်ဖြစ်၊ ကလေးတွေနဲ့သွားရင်ပဲဖြစ်ဖြစ် ဒီ hotel လေးမှာ တည်းရင် အရမ်းပျော်စရာကောင်းမှာ သေချာပါတယ်။ ဓာတ်ပုံရိုက်ရတာဝါသနာပါတဲ့သူတွေဆို ဓာတ်ပုံပတ်ရိုက်နေရတာနဲ့တင် အချိန်ကုန်နေမှာ သေချာပါတယ်။ ကလေးတွေဆိုလည်း ဒီလိုအပြင်အဆင်လေးတွေနဲ့ အရမ်းကိုပျော်နေမှာပါ။
ဒီ hotel လေးမှာတည်းမယ်ဆိုရင်တော့ တစ်ညကို $119 ကနေစပြီးရှိပါတယ်။ လိပ်စာအတိအကျကတော့ 19-9 Maruyamacho, Shibuya City, Tokyo, Japan ဖြစ်ပါတယ်။ Wifi လည်းရတာကြောင့် ပိုပြီးအဆင်ပြေပါတယ်။
