တစ်နေကုန်ထိုင်ပြီး အလုပ်လုပ်ရတဲ့သူတွေက အညောင်းမိပြီး အချိန်ကြာလာရင် ကျန်းမာရေးထိခိုက်တာမျိုး ဖြစ်တတ်ပါတယ်။ ဒါကြောင့် တစ်နေကုန်ထိုင်ပြီး အလုပ်လုပ်ရတဲ့သူတွေအတွက် ကျန်းမာရေးမထိခိုက်အောင် လုပ်သင့်တဲ့အရာ ၆ ခုကို ပြောပြပေးလိုက်ပါတယ်။
မကြာခဏနားပါ
အကြာကြီးမဟုတ်ပဲ ၁ နာရီအလုပ်လုပ်ပြီး ၁၅ မိနစ်နားတာမျိုး၊ ၁၀ မိနစ်နားတာမျိုး လုပ်ပေးပါ။ ဒီလိုကြားထဲမှာ မကြာခဏနားပေးမှ အညောင်းအညာပြေပြီး စိတ်ရောကိုယ်ပါ လေးလံထိုင်းမှိုင်းတာမျိုး မဖြစ်မှာပါ။
လေ့ကျင့်ခန်းလုပ်ပါ
အမြဲတမ်း တစ်နေကုန်ထိုင်ပြီး အလုပ်လုပ်ရတယ်ဆိုရင် လေ့ကျင့်ခန်း ပုံမှန်လုပ်ပေးသင့်ပါတယ်။ ဒါမှ ပိုကျန်းမာမှာပါ။
အာဟာရရှိတာစားပါ
အာဟာရပြည့်ဝနေမှ ကျန်းမာမှာပါ။ တစ်နေကုန်လုံး ထိုင်ပြီးအလုပ်လုပ်ရတယ်ဆိုရင် ပိုတောင်မှ ဂရုစိုက်ရပါမယ်။ ဒီတော့ မနက်စာကအစ သေချာအာဟာရပြည့်ဝအောင် စားပေးပါ။
Ergonomic ရုံးသုံးပစ္စည်းတွေကိုသုံးပါ
တစ်နေကုန်ထိုင်ပြီး အလုပ်လုပ်ရတယ်ဆိုရင် သက်တောင့်သက်သာဖြစ်ဖို့ လိုပါတယ်။ ထိုင်တဲ့ခုံနဲ့ အသုံးအဆောင်တွေကအစ သက်တောင့်သက်သာဖြစ်စေဖို့ Ergonomic ရုံးသုံးပစ္စည်းတွေကို သုံးပေးပါ။
အကြောဆန့်ပါ
အညောင်းအညာပြေအောင် အကြောဆန့်လေ့ကျင့်ခန်းတွေလည်း လုပ်ပေးပါ။ အလုပ်လုပ်နေရင်းနဲ့လည်း အပေါ်မှာပြောခဲ့သလို ခဏနားတဲ့အချိန်တွေမှာ ထလမ်းလျှောက်တာမျိုး၊ အကြောဆန့်တာမျိုး လုပ်ပေးပါ။
ရေများများသောက်ပါ
ခန္ဓာကိုယ်က ရေဓာတ်လိုအပ်နေရင် ပုံမှန်ထက်ပိုပင်ပန်းတတ်ပါတယ်။ ဒါကြောင့် တစ်နေ့တာမှာ ရေများများသောက်ပေးဖို့ကိုလည်း မမေ့ပါနဲ့။
