ကွန်ပြူတာကြည့်တာများရင် ဇာတ်ကြောတက်တာ၊ ပခုံးနာတာတွေက ဖြစ်တတ်ပါတယ်။ ဒီလိုဖြစ်လာရင် ခေါင်းမကြည်တော့ပဲ စိတ်ရှုပ်လာပါတယ်။ အလုပ်လုပ်နေတဲ့သူဆိုလည်း အလုပ်လုပ်ရတာ အဆင်မပြေတော့ပါဘူး။ ဒါကြောင့် ကွန်ပြူတာကြည့်တာများပြီး ဇာတ်ကြောတက်၊ ပခုံးနာတာကို သက်သာစေမယ့် နည်းလမ်း ၅ ခုကို မျှဝေပေးလိုက်ပါတယ်။
ရေခဲ (သို့) ရေနွေးအိတ်ကပ်ပါ
ရေခဲအိတ် (သို့) ရေနွေးအိတ်ကို ပခုံးမှာ ၅ မိနစ် ၁၀ မိနစ်လောက်ကပ်ပေးရင် သက်သာစေပါတယ်။ တစ်နေ့ကို ၂ ကြိမ် ၃ ကြိမ်လောက် ကပ်ပေးရင် ပိုကောင်းပါတယ်။
Epsom Salt နဲ့ရေချိုးပါ
ရေချိုးဇလုံထဲကို Epsom Salt တစ်ခွက်ထည့်ပြီး ရေနွေးထည့်ကာ ကိုယ်ဝင်စိမ်လို့ရတဲ့ အနေအထားလောက်ဆို ၁၅ မိနစ်လောက် ဝင်စိမ်ပေးပါ။ စိမ်ဖို့အဆင်မပြေရင် ချိုးပေးလို့ရပါတယ်။ တစ်နေ့တစ်ကြိမ် ပုံမှန်လုပ်ပေးရင် ညောင်းညာကိုက်ခဲတာတွေ သက်သာပြီး ဇာတ်ကြောတက်၊ ပခုံးနာတာလည်း သက်သာစေပါတယ်။
အကြောဆန့်ပါ
အကြောဆန့်လေ့ကျင့်ခန်း လုပ်ပေးရင်လည်း ဇာတ်ကြောတက်၊ ပခုံးနာတာက သက်သာစေသလို အညောင်းအညာပြေစေပါတယ်။ နေ့တိုင်းသာလုပ်ပေးပါ။
Massage Therapy
ဆိုင်သွားပြီး Massage လုပ်ပေးခြင်းကလည်း ဇာတ်ကြောတက်၊ ပခုံးနာတာကို သက်သာစေပြီး စိတ်ရောကိုယ်ပါ ပေါ့ပါးလန်းဆန်းသွားစေပါတယ်။
Kinesiology Tape
Kinesiology Tape ကို ပခုံးကြွက်သားနေရာတွေမှာ ကပ်ထားပေးပါ။ ဇာတ်ကြောတက်၊ ပခုံးနာတာကို သက်သာစေပါတယ်။ ကိုယ်က ကွန်ပြူတာအမြဲကြည့်နေရတဲ့သူ၊ ဇာတ်ကြောတက်၊ ပခုံးနာတာလည်း ဖြတ်တတ်တဲ့သူဆိုရင် Kinesiology Tape ကို ဆောင်ထားပါ။ အလွယ်ကပ်လိုက်လို့ရပါတယ်။
