ကိုရီးယားဒရာမာဇာတ်လမ်းတွဲတွေက ကြည့်လို့ကောင်းတာမှန်ပေမယ့် တချို့အရာတွေက ကြည့်လိုက်ရင် လက်တွေ့မဆန်ဘဲ ရယ်စရာကောင်းတဲ့ ပုံပေါက်စေတဲ့ အရာတွေလည်း အများကြီးရှိပါတယ်။ ဒီထဲကမှတစ်ခုကတော့ ဇာတ်ဆောင်မင်းသမီးက ဇာတ်လမ်းထဲမှာ ငွေကြေးချို့တဲ့ပေမယ့် ဝတ်တဲ့အဝတ်အစားတွေကတော့ နာမည်ကြီး အမှတ်တံဆိပ်တွေ ဖြစ်နေတာမျိုးပါ။
1. Son Ye Jin
“Crash Landing On You” ဇာတ်လမ်းထဲမှာ မင်းသမီး Son Ye Jin က ချမ်းသာတဲ့ Chaebol အမွေဆက်ခံသူဖြစ်ပေမယ့် မြောက်ကိုရီးယားရောက်သွားချိန်မှာတော့ သူများကိုမှီခိုရသူဖြစ်သွားခဲ့ပါတယ်။ ဒါပေမယ့် သူမဝတ်ခဲ့တဲ့ အဝတ်အစား အသုံးဆောင်တွေကတော့ မြောက်ကိုရီးယားကျေးလက်ဒေသမှာ ဝယ်ဖို့မဖြစ်နိုင်တဲ့ နာမည်ကြီးတံဆိပ်တွေပါ။
2. Suzy
“Start Up” ဇာတ်လမ်းထဲမှာ မင်းသမီး Suzy က Fast Food Truck နဲ့ အသက်မွေးဝမ်းကျောင်းပြုနေရတဲ့ သာမန်မိသားစုမှာ ကြီးပြင်းလာတဲ့မိန်းကလေးပါ။ ဇာတ်လမ်းအရေတော့ သူမက လုံးဝ မချမ်းသာပေမယ့် သူဝတ်ခဲ့တာတွေကတော့ သူ Ambassador ဖြစ်တဲ့ Dior အပါအဝင် နာမည်ကြီးတံဆိပ်တွေပါ။
3. Park Min Young
What’s Wrong with Secretary Kim” ဇာတ်လမ်းထဲမှာ Park Min Young က ဒုဥက္ကဌရဲ့ အတွင်းရေးမှုးဖြစ်ပြီး တိုက်ခန်းကျဉ်းလေးမှာ နေတဲ့သူဖြစ်ပြီး ချမ်းသာတဲ့မိသားစုကနေ ဆင်းသက်လာတာမဟုတ်ပေမယ့် သူဝတ်ခဲ့တဲ့အများစုက ဒီဇိုင်နာဝတ်စုံတွေပါ။
4. Park So Dam
“Record Of Youth” ဇာတ်လမ်းထဲမှာ Park So Dam က အသက်မွေးကြောင်းအတွက် စသင်ယူဆဲဖြစ်တဲ့ မိတ်ကပ်ပညာရှင်အဖြစ် သရုပ်ဆောင်ထားပေမယ့် သူဝတ်ခဲ့တဲ့အဝတ်အစားတွေကတော့ Officerine Générale၊ Coach၊ Michael Kors နဲ့ YUUL YIE တို့လို နာမည်ကြီးတံဆိပ်တွေပါ။
