ဝိတ်ချဖို့ကြိုးစားနေသူတွေအတွက် အသီးအနှံတွေက အကောင်းဆုံးသော အစားအစာတွေဆိုတာ ငြင်းလို့မရပါဘူး။ သူတို့တွေမှာ အမျိုးမျိုးသော အကျိုးပြုအာဟာရတွေ သတ္တုဓာတ်တွေ ပါဝင်တာကြောင့် ဝိတ်ကျဖို့နဲ့ ရောဂါအမျိုးမျိုးကို ကာကွယ်ဖို့အတွက် အသုံးဝင်ပါတယ်။ ဒီနေ့တော့ ဝိတ်ချနေတဲ့ကာလမှာ စတော်ဘယ်ရီသီးစားပေးသင့်တဲ့ အကြောင်းအရင်းကို ပြောပြပေးသွားမှာပါ။

စတော်ဘယ်ရီသီး (၁၀၀) ဂရမ်မှာပါဝင်တဲ့ အာဟာရများ

  • ကယ်လိုရီ – ၃၃
  • ရေပါဝင်မှု – ၉၁ ရာခိုင်နှုန်း
  • ပရိုတင်း – ဝ.၇ ဂရမ်
  • Carbs – ၇.၇ ဂရမ်
  • သကြား – ၄.၉ ဂရမ်
  • အမျှင်ဓာတ် – ၂ ဂရမ်
  • အဆီ – ဝ.၃ ဂရမ်

အူသိမ်လှုပ်ရှားမှု လွယ်ကူစေတယ်

စတော်ဘယ်ရီသီးမှာ အမျှင်ဓာတ်ပါဝင်တာကြောင့် အစာချေစနစ်ကို မြှင့်တင်ပေးပြီး အူသိမ်လှုပ်ရှားမှုကိုလည်း လွယ်ကူစေအောင် ကူညီပေးပါတယ်။ စတော်ဘယ်ရီ တစ်ပန်းကန်ကို နေ့စဉ်စားပေးပါက ဝမ်းဗိုက်အဆီစုခြင်းကို ကာကွယ်ပေးနိုင်ပါတယ်။

ကိုယ်အလေးချိန်ကျစေတယ်

လေ့လာမှုတွေအရ စတော်ဘယ်ရီသီးမှာ အဆီတွေကိုလောင်ကျွမ်းစေပြီး ဇီဝဖြစ်စဉ်ကိုမြှင့်တင်ပေးတဲ့ adiponectin နဲ့ leptin လို့ခေါ်တဲ့ အရေးကြီးတဲ့ ဟော်မုန်းနှစ်မျိုးထုတ်လုပ်ပေးတယ်လို့ ဆိုထားပါတယ်။

ကယ်လိုရီပမာဏနည်းပါးတယ်

စတော်ဘယ်ရီသီးမှာ (၁၀၀) ဂရမ်မှာ ကယ်လိုရီပါဝင်မှုက (၃၃) သာရှိပါတယ်။ ဒါ့ကြောင့်လည်း ဝိတ်ချနေသူတွေရဲ့ အကြိုက်ဆုံးအစားအစာမှာပါဝင်နေတာပါ။

ကြွက်သားတွေပြုပြင်ပေးတယ်

စတော်ဘယ်ရီသီးရဲ့ anti-inflammatory ဂုဏ်သတ္တိတွေက Workout လုပ်တာများသွားတဲ့ ကြွက်သားတွေကို ပြန်လည်ကောင်းမွန်အောင် စွမ်းဆောင်ပေးနိုင်ပါတယ်။

ကိုယ်အလေးချိန်ချနေတဲ့သူတွေက စတော်ဘယ်ရီသီးကို ဒိန်ချဉ်နဲ့တွဲစားလို့ရသလို ဖျော်ရည်အနေနဲ့လည်း လုပ်သောက်လို့ရပါတယ်။ ဒါပေမဲ့ သင့်ရဲ့ကိုယ်အလေးချိန်ချတဲ့ အစီအစဉ်မပျက်စီးသွားအောင် စတော်ဘယ်ရီသီးကို အလွန်အကျွံမစားမိဖို့တော့ အရေးကြီးပါတယ်။