မနက် ၅ နာရီ အိပ်ရာကထ ၊ ဖိနပ်ကြိုးချည်ပြီး အပြေးလေ့ကျင့်မယ်လို့ တွေးခဲ့ဖူးပါသလား။ အဲ့ဒီအတွေးတွေ တကယ်ဖြစ်မလာဘူးလို့ ပြောနိုင်မယ် ထင်ပါတယ်။ ဘာလို့ မနက်စောစော မထနိုင် ဖြစ်နေတာလဲ။ အဲဒီလို အတားအဆီးတွေကို ကျော်လွှားလို့ မရနိုင်ဘူးလား။ နည်းလမ်းတချို့ မျှဝေလိုက်ပါတယ်။
အတားအဆီး#၁ – ချက်ချင်း အိပ်မပျော်လို့
Photo: Freepik
အိပ်ရာထဲ ရောက်ပြီး ၁၅ မိနစ်/မိနစ် ၂၀ လောက်အတွင်း အိပ်ပျော်တဲ့သူတွေဟာ အားကျဖို့ ကောင်းပါတယ်။ အကြောင်းကတော့ ခေါင်းချလိုက်တာနဲ့ တန်းအိပ်ပျော်တဲ့သူတွေဟာ မနက်ဘက်စောစော နိုးတတ်လို့ ဖြစ်ပါတယ်။ တကယ်လို့ ကိုယ်က ချက်ချင်းအိပ်မပျော်တတ်ဘူး ဖြစ်နေရင် အိပ်ရာမဝင်ခင် တစ်နာရီ ၊ တစ်နာရီခွဲလောက် အလိုကတည်းက Blue Light ထွက်တဲ့အရာတွေ အားလုံး ပိတ်ထားပြီး အိပ်ရာမဝင်ခင် နာရီဝက် တစ်နာရီလောက်မှာ အိပ်ခန်းထဲမှာ စာဖတ်နေလိုက်ပါ။
အတားအဆီး#၂ – နိုးရင် ပြန်ပြီး တစ်မှေးနှပ်တတ်လို့
Photo: Freepik
မနက်နိုးနိုးချင်း အိပ်ရာထဲ ခဏလောက်ပြန်မှေးလိုက်ဦးမယ်ဆိုတဲ့ အကျင့်ရှိရင် ဖျောက်ပစ်ပါ။ “နှိုးစက်မြည်သံကြားလို့ နိုးတာနဲ့ ဘာပဲဖြစ်ဖြစ် အိပ်ရာထဲက ထမယ်”လို့ ဆုံးဖြတ်ပါ။
အတားအဆီး#၃ – ရုံးပိတ်ရက်မို့
Photo: Freepik
တနင်္လာကနေ သောကြာနေ့အထိ မနက်စောစော အိပ်ရာက ထတတ်ပါလျက်နဲ့ စနေ ၊ တနင်္ဂနွေလို ရုံးအားရက်တွေမှာ နေမြင့်တဲ့အထိ အိပ်တတ်ခြင်းကလည်း အကျင့်ကောင်းတွေ ဖျက်ဆီးနေမိတာပါပဲ။ သောကြာလို နေ့မျိုးမှာ TGIF လုပ်တာ ၊ ရုပ်ရှင်တွေ ညနက်သန်းခေါင်ကြည့်တာမျိုးဟာ နောက်တစ်နေ့ အိပ်ရာ စောစောထမှုကို ပျက်စီးစေနိုင်ပါတယ်။
အကောင်းဆုံးက ရုံးပိတ်ရက်မှာလည်း ရုံးတက်ရက်လို စောစောထတဲ့ အကျင့်ကို ကာကွယ်ပါ။ ညဘက် အိပ်မပျော်ခင် တစ်နာရီလောက်အလိုမှာ မယ်လတိုနင် ၀.၅ ဂရမ် သောက်ပေးသင့်ပါတယ်။ မယ်လတိုနင်ဟာ အမြန်အိပ်ပျော်ဖို့ အကူအညီပေးနိုင်တဲ့ ဖြည့်စွက်အာဟာရ ဖြစ်ပါတယ်။
အတားအဆီး#၄ – စိတ်လေနေလို့/စိတ်ဓါတ်ကျ စိတ်ထိခိုက်နေလို့
Photo: Freepik
စိတ်ပိုင်းဆိုင်ရာ ထိခိုက်ခံစားမှုတွေ ကြုံနေသူဟာ ညဘက် နှစ်နှစ်ခြိုက်ခြိုက် မအိပ်နိုင်ကြပါဘူး။ စိတ်ပင်ပန်းနေတဲ့သူတစ်ယောက် အိပ်ပျော်လွယ်ဖို့အတွက် စိတ်ကို အရင်ဆုံး အေးငြိမ်းအောင် လေ့ကျင့်ပေးရမှာပါ။ အကောင်းဆုံးက ကိုယ်လက်လေ့ကျင့်ခန်း လုပ်တာ ၊ စာဖတ်တာ ၊ ယောဂလေ့ကျင့်တာ ၊ တရားထိုင်တာကို အနည်းဆုံး နာရီဝက် တစ်နာရီကြာအောင် မအိပ်ခင်လေး လုပ်ပေးတဲ့ အကျင့်မွေးသင့်ပါတယ်။
