Workout လုပ်တဲ့အခါမှာ လုပ်ပုံလုပ်နည်းမှားရင်၊ ခန္ဓာကိုယ် အနေအထားမမှန်ရင် အန္တရာယ်ရှိပါတယ်။ ဒါကြောင့် လုပ်တဲ့အခါမှာ သတိထားဆင်ခြင်လို့ရအောင် သင့်ခန္ဓာကိုယ်အတွက် အန္တရာယ်ရှိစေတဲ့ Workout ပြုလုပ်ပုံအမှားတွေကို ပြောပြပေးလိုက်ပါတယ်။

Hip Bridge လုပ်တဲ့အခါမှာ ပထမပုံထဲကလိုမျိုး ကော့ပြီးလုပ်လိုက်ရင် ခါးရိုးညှပ်တာ၊ ခါးနာတာတွေ ဖြစ်တတ်လို့ အရမ်းအန္တရာယ်များပါတယ်။ ဒုတိယပုံထဲကလိုကမှ အမှန်ပါ။

Plank ထောက်တဲ့အခါမှာလည်း ဒုတိယပုံထဲကလို တစ်ဖြောင့်တည်း ဖြစ်မနေပဲ ကော့နေတာမျိုး၊ ကုန်းနေတာမျိုးတွေ မဖြစ်အောင် သတိထားရပါမယ်။ အနေအထားမမှန်ရင် လုပ်ရတာ အကျိုးမရှိသလို ပင်ပန်းတာ၊ ခါးနာတာတွေလည်း ဖြစ်စေပါတယ်။

Back Squat လုပ်တဲ့အခါမှာလည်း ဒုတိယပုံထဲကလို ခါးနဲ့တင်နဲ့ကို ကော့ထားရမှာပါ။ အဲ့လိုမဟုတ်ပဲ ပထမပုံထဲကလို ကုန်းပြီးလုပ်မိတာမျိုးဆိုရင် ခါးနာတာ၊ ပခုံးနာတာတွေ ဖြစ်ပြီး နောက်ထပ်လုပ်ဖြစ်တော့မှာ မဟုတ်ပါဘူး။

အလေးမတဲ့အခါမှာ ပိုတောင်အရေးကြီးပါတယ်။ အနေအထားမှားသွားရင် အန္တရာယ်ရှိပါတယ်။ ခါးနာရုံတင်မဟုတ်ပဲ ပခုံးနဲ့လက်ပါနာပြီးတော့ အခန့်မသင့်ရင် အလေးပြုတ်ကျတာမျိုးတွေအထိ ဖြစ်တတ်ပါတယ်။ ဒါကြောင့် သေချာလေးဂရုစိုက်ပြီး အနေအထားမှန်အောင် လုပ်ပေးပါ။

Bench Press လုပ်တဲ့အခါမှာလည်း ခြေထောက်အနေအထား၊ ခါးအနေအထား၊ အလေးကိုင်မယ့် လက်အနေအထားက အရမ်းအရေးကြီးပါတယ်။ မှားသွားရင် အရမ်းအန္တရာယ်များပါတယ်။ ဒုတိယပုံထဲကလို မှန်အောင်သေချာလုပ်ပေးပါ။

One-legged Squat လုပ်တဲ့အခါမှာတော့ အလေးကိုင်ထားတဲ့ လက်နဲ့လက်မောင်းအနေအထား၊ ကျောရိုးအနေအထားက အရေးကြီးပါတယ်။ ပထမပုံထဲကလို လုံးဝမလုပ်မိပါစေနဲ့။ အကျိုးမရှိစေသလို ခါးလည်းနာစေပါတယ်။

One-arm Dumbbell Row လုပ်တဲ့အခါမှာ အလေးကိုကိုင်ပြီးလုပ်မယ့် လက်အနေအထားက မှန်ဖို့လိုပါတယ်။ ဒုတိယပုံထဲကလို သေချာလေးလုပ်ပေးပါ။

ဒီလိုမျိုး အလေးကို ခေါင်းအနောက်ပို့ပြီး လုပ်တဲ့အခါမှာတော့ အလေးကိုကိုင်ပုံကိုင်နည်း မှန်ဖို့လိုပါတယ်။ အလယ်ကနေကိုင်ရင် အနောက်လန်တာမျိုး ဖြစ်သွားတတ်သလို အနေအထားလည်း မမှန်ပါဘူး။ ဒါကြောင့် ဒုတိယပုံထဲကလို ကိုင်ပြီးတော့လုပ်ပေးမှ အမှန်ဖြစ်ပါတယ်။