တစ်ဖက်လူနဲ့ စကားပြောတဲ့အခါမှာ ကိုယ်ရဲ့အပြုအမူကိုကြည့်ပြီး Respect ရှိလား မရှိလားဆိုတာ ပေါ်လွင်ပါတယ်။ အထူးသဖြင့် ကိုယ့်ထက် အသက်အားဖြင့်သော်လည်းကောင်း၊ ရာထူးအားဖြင့်သော်လည်းကောင်း ကြီးတဲ့သူတွေနဲ့ ပြောဆိုဆက်ဆံရတဲ့ အခါမျိုးမှာပါ။ တစ်ဖက်လူအပေါ်မှာ Respect ရှိကြောင်း ဘယ်လိုပြရမလဲ မသိဘူးဆိုရင် ဒီအချက်လေးတွေက ကူညီပေးနိုင်ပါတယ်။
စိတ်ဝင်စားတဲ့ပုံစံနဲ့နားထောင်ပါ
တစ်ဖက်လူပြောတဲ့စကားကို သေချာအာရုံစိုက်ပြီး စိတ်ဝင်စားတဲ့ပုံစံမျိုးနဲ့ နားထောင်ပေးပါ။ တစ်ဖက်လူပြောစကားကို နားမထောင်ပဲ တခြားဆီ အာရုံရောက်နေတာမျိုး၊ ကိုယ်ထင်ရာစွတ်ပြောတာမျိုး၊ စကားဖြတ်ပြောတာမျိုးတွေ လုံးဝမလုပ်မိပါစေနဲ့။
ကျေးဇူးတင်စကားပြောပါ
ကျေးဇူးတင်စကားပြောဖို့ ဝန်မလေးပါနဲ့။ တစ်ခုခုဆိုရင် အသေးအမွှားလေးကအစ တစ်ဖက်လူကို ကျေးဇူးတင်စကားပြောပါ။ ကူလည်းကူညီပေးရသေးတယ်။ ကျေးဇူးတင်စကားတောင် မပြောဘူးဆိုရင် နောက်ဆို ကိုယ့်အတွက် အကူအညီပေးချင်စိတ် ပျောက်သွားပါလိမ့်မယ်။
ယဉ်ကျေးပါ
တစ်ဖက်လူအပေါ် ယဉ်ကျေးတဲ့ အပြူအမူ အပြောအဆိုတွေနဲ့ ဆက်ဆံပေးပါ။ တစ်ဖက်လူအပေါ် Respect ရှိတယ်မရှိဘူးက ယဉ်ကျေးမှုနဲ့လည်း အများကြီး သက်ဆိုင်ပါတယ်။
အလေးအနက်ထားပါ
တစ်ဖက်လူပြောတဲ့အရာတွေကို အလေးအနက်ထားပြီး နားထောင်ရင်း စကားပြောတဲ့အခါမှာလည်း အလေးအနက်ထားပြီးပြောဆိုပါ။ တစ်ဖက်လူပြောလိုက်တာတွေကို Follow လိုက်ပြီး ပြန်မေးတဲ့အခါ ဘာမှမသိတာမျိုးက အလေးအနက်မထားတာ၊ Respect မရှိတာမျိုး ဖြစ်စေပါတယ်။
နှုတ်ဆက်ပါ
ကိုယ့်ထက်ရာထူးကြီးတဲ့သူသော်လည်းကောင်း၊ အသက်ကြီးတဲ့သူသော်လည်းကောင်း မမြင်ချင်ယောင်ဆောင်တာမျိုး၊ မခေါ်မပြောတာမျိုး မလုပ်ပါနဲ့။ တစ်ဖက်လူကို Respect ရှိတဲ့ပုံစံမျိုး ပြသချင်ရင် ကိုယ့်အထက်လူကြီးဆို တကူးတက နှုတ်ဆက်တာမျိုး၊ တခြားသူဆို လမ်းမှာတွေ့တဲ့အခါ နှုတ်ဆက်တာမျိုးတွေ လုပ်ပေးပါ။
