လူတစ်ယောက်ရဲ့အိပ်ချိန်က နည်းရင်လည်းမကောင်းသလို၊ အရမ်းများရင်လည်း မကောင်းပါဘူး။ အိပ်ချိန်က ၈ နာရီဆို လုံလောက်နေပါပြီ။ တစ်နေကုန်အိပ်နေတာမျိုး၊ အိပ်တဲ့အချိန် အရမ်းကြာသွားတဲ့အခါမျိုးမှာဆိုရင် ဒီအရာတွေ ဖြစ်လာတတ်ပါတယ်။

ခေါင်းကိုက်လာမယ်

Oversleeping ဖြစ်သွားရင် နိုးလာတဲ့အခါမှာ စိတ်ရောကိုယ်ပါ လန်းဆန်းမှုမရှိပါဘူး။ ထိုင်းမှိုင်းပြီး ခေါင်းကြီးအုံနေသလိုမျိုး၊ ခေါင်းထိုးကိုက်သလိုမျိုးတွေ ဖြစ်လေ့ရှိပါတယ်။ အခန့်မသင့်ရင် ဇာတ်နာတာမျိုး၊ ဇာတ်ကြောတက်တာမျိုးတွေလည်း ဖြစ်တတ်ပါသေးတယ်။

ပင်ပန်းသလို၊ နေမကောင်းချင်သလို ဖြစ်လာမယ်

အချိန်အကြာကြီး အိပ်စက်ခြင်းကြောင့် အိပ်ရေးအဝလွန်ပြီး လူက နုံးနေပါလိမ့်မယ်။ နိုးလာရင် ပင်ပန်းနေသလိုမျိုး၊ ခြေကုန်လက်ပန်းကျနေသလိုမျိုး၊ ကိုယ်လက်မအီမသာဖြစ်ပြီး နေမကောင်းချင်သလိုမျိုးတွေ ခံစားရတတ်ပါတယ်။

စိတ်မကြည်မလင်ဖြစ်နေမယ်

အချိန်အကြာကြီးအိပ်ပြီး နိုးလာတဲ့အခါ စိတ်မကြည်ပါဘူး။ စိတ်ဆိုးလွယ်၊ ဒေါသထွက်လွယ်ပါတယ်။ ဘာကိုမှလည်း စိတ်မရှည်သလို၊ တစ်ခုခုကို အလိုမကျသလိုမျိုးတွေ ဖြစ်တတ်ပါတယ်။ Mood လုံးဝမကောင်းပဲ စိတ်ခံစားမှုလွယ်နေတတ်ပါတယ်။

အိုမင်းရင့်ရော်မှုတွေမြန်မြန်ဖြစ်လာမယ်

တစ်ခါတစ်လေမဟုတ်ပဲ အမြဲတမ်း အချိန်အကြာကြီး အိပ်တာဆိုရင်တော့ နောက်ပိုင်းမှာ အရွယ်မတိုင်ခင် မျက်နှာနဲ့လည်ပင်းမှာ အရေးအကြောင်းတွေ ပေါ်လာပြီး အိုမင်းရင့်ရော်ခြင်းတွေ မြန်မြန်ဖြစ်လာစေပါတယ်။ ခန္ဓာကိုယ်က လှုပ်ရှားမှုလည်း နည်းတဲ့အတွက် ဝိတ်လည်းပိုတက်လာစေပါတယ်။