Hello MyStyle Myanmar ပရိသတ်တို့ရေ…အဆီမရှိ ကျစ်လစ်သွယ်လျတဲ့ ခန္ဓာကိုယ်အချိုးအစားလေးနဲ့ အဆီမရှိပဲပြားချပ်နေတဲ့ဝမ်းဗိုက်လေးကို လူတိုင်းပိုင်ဆိုင်ချင်ကြမှာပါနော်။ Gym မှာ ပြင်းထန်တဲ့အားကစားမျိုးစုံလုပ်ပေမယ့်လည်း ခေါင်းမာလွန်းတဲ့ဝမ်းဗိုက်ကအဆီတွေက ကျဖို့ အတော်ခဲယဉ်းတာလည်း သိကြမှာပါ။ ဒါ့အပြင် ဝမ်းဗိုက်မှာ အဆီပိုတွေစုပြီး အဝလွန်နေခြင်းကလည်း အယ်ဇိုင်းမားရောဂါနဲ့ ဆက်စပ်နေပါသေးတယ်။
ဒါကြောင့် သင့်အလှအပအတွက်သာမက ကျန်းမာရေးကိုပါ ထိခိုက်လာနိုင်တဲ့ဝမ်းဗိုက်ကအဆီတွေကို ဖယ်ဖျက်ဖို့အတွက် လေ့ကျင့်ခန်းလေးတွေလုပ်ရင်း ဒီအစားအစာတွေကို ရှောင်ကြဉ်ပေးမယ်ဆိုရင်တော့ အချိန်တိုအတွင်းမှာ အဆီပိုတွေမရှိပဲချပ်ရပ်လှပနေတဲ့ဝမ်းဗိုက်လေးကို ရရှိပိုင်ဆိုင်စေမှာ မလွဲမသေပါပဲ့။ ကဲ…ဘယ်လိုအစားအစာလေးတွေကို ရှောင်ရှားပေးရမလဲဆိုတာ….
၁။ ဒိန်ချဉ်
Source: Eat This, Not That
ခရင်မ်အပြည့်ပါတဲ့ ဒိန်ချဉ်တစ်ခွက်က ကယ်လိုရီ ၁၇၀ ကျော် ပါဝင်ပါတယ်။ အဆီထုတ်ထားတဲ့ ဒိန်ချဉ်ကတော့ ကယ်လိုရီ ၁၂၀ ကျော် ပါဝင်ပါတယ်။ ခရင်မ်နှစ်ဆရောထားတဲ့ ဒိန်ချဉ်ကတော့ ကယ်လိုရီ ၂၃၀ ပါဝင်ပါတယ်။ ဒါ့ကြောင့် ဒိန်ချဉ်ကို ရှောင်ကြဉ်တာအကောင်းဆုံးပါပဲ။
၂။ သကြား
သင့်လျှာပေါ်က အရသာခံအဖုလေးတွေအတွက် အချိုဓာတ်က ကောင်းမွန်ပေမယ့် ပြားချပ်တဲ့ဝမ်းဗိုက်လေးတွေ ပိုင်ဆိုင်ဖို့အတွက်ကတော့ သူကအနှောင့်အယှက်တစ်ခုပါပဲ။ ဒါ့အပြင် သကြားဓာတ်လွန်ကဲခြင်းက အဝလွန်ခြင်းနဲ့ ဆီးချိုရောဂါကိုဖြစ်ပွားစေပါတယ်။ သကြားတစ်ခွက်မှာဆို ကယ်လိုရီပါဝင်မှုနှုန်း ၇၇၃ ရှိပါတယ်။
၃။ ကာဗွန်နိတ်အချိုရည်များ
Source: Healthline
၁၂ အောင်စ ကုတ်အသေးတစ်ဗူးမှာ ကယ်လိုရီ ၁၄၀ ခန့် ပါဝင်ပါတယ်။ ကျစ်လျစ်သွယ်လျတဲ့ ဝမ်းဗိုက်ကလေးကို ပိုင်ဆိုင်ချင်တယ်ဆိုရင်တော့ ထိုအချိုရည်များကို ရှောင်ကြဉ်ခြင်းက အကောင်းဆုံးဖြစ်ပါလိမ့်မယ်။
၄။ ပဲအမျိုးမျိုး
Source: Medical News Today
ပဲအမျိုးမျိုးက အာဟာရဓာတ်ကြွယ်ဝပေမယ့် ကာဗိုဟိုက်ဒြိုက်ဓာတ်လည်း မြင့်မားစွာပါဝင်ပါတယ်။ ပရိုတိန်းဓာတ်ကြွယ်ဝဖို့အတွက် စားသုံးသင့်ပေမယ့် ဝမ်းဗိုက်ကအဆီတွေမတက်အောင်တော့ ရှောင်ကြဉ်သင့်ပါတယ်။
၅။ အရက်
Source: Femina.in
အရက်ထဲမှာ ကယ်လိုရီပမာဏမြင့်မားတဲ့အပြင် မည်သည့်အာဟာရဓာတ်မှ ပါဝင်မှုမရှိတဲ့အတွက် အရက်အလွန်အကျွံသောက်ပြီး ဗိုက်ရွှဲတဲ့လူတစ်ချို့ကို ဘီယာဗိုက်လို့ ခေါ်တာလည်း ကြားဖူးကြမှာပါ။
၆။ မိရောနိစ်
Source: Cookidoo
မိရောနိစ်မှာ အဆီပါဝင်မှုအနည်းဆုံး ၈၀ ရာခိုင်နှုန်းခန့် ရှိပါတယ်။
၇။ အသင့်စား အစားအစာများ
အသင့်စားအစားအစာထဲမှာ အဆီဓာတ်၊ သကြားဓာတ်၊ ဆားနဲ့ ကယ်လိုရီပါဝင်မှု မြင့်မားပါတယ်။ အသင့်စား အစားအစာတွေ များများစားလေ ပိုဝလေပါပဲ။
၈။ အာလူး
အာလူးက အရသာရှိပြီး အာဟာရဓာတ်မြင့်မားပေမယ့် ကယ်လိုရီဓာတ်လည်း များပြားစွာ ပါဝင်ပါတယ်။ အာလူးအရွယ် အလတ်စားတစ်လုံးမှာ ၁၆၃ ကယ်လိုရီပါဝင်ပါတယ်။ ဒါ့ကြောင့် ဝမ်းဗိုက်မှာ အဆီမရှိချင်ဘူးဆိုရင် သင့်တင့်မျှတစွာပဲစားသုံးပေးပါ။
၉။ သစ်သီးခြောက်များ
Source: Times of India
လတ်ဆတ်တဲ့သစ်သီးတစ်လုံးက ရေဓာတ်ပါဝင်မှုများပြားပြီး ကျန်းမာရေးအတွက် ညီညွှတ်ပေမယ့် သစ်သီးခြောက်တွေကတော့ ရေဓာတ်မရှိတော့ဘဲ ကယ်လိုရီပါဝင်မှု များပြားပါတယ်။ ဒါ့အပြင် အရသာပိုမိုကောင်းမွန်ဖို့အတွက် သကြားဓာတ်ထပ်မံတိုးမြှင့်ထားပါသေးတယ်။
Source: Brightside.me
