တစ်ခါတစ်လေကျရင် ကိုယ့်ရဲ့ပြင်ဆင်မှု ပုံစံတွေကြောင့် ပုံမှန်ထက်ပိုပြီး အသက်ကြီးသလို ဖြစ်သွားစေပါတယ်။ အသက်ကြီးတဲ့သူတွေဆိုရင်လည်း နုပျိုအောင် ပြင်ဆင်ရမှာပါ။ ဒါကြောင့် ကိုယ်သတိမထားမိပဲ လုပ်နေမိတဲ့အမှားတွေကို ပြင်ဆင်လို့ရအောင် သင့်ကို ပိုပြီးအသက်ကြီးသလို ဖြစ်သွားစေတဲ့ Beauty Habit တွေကို ပြောပြပေးလိုက်ပါတယ်။
မိတ်ကပ်ပြင်တဲ့အခါ
မိတ်ကပ်ပြင်တဲ့အခါမှာ Heavy Color တွေသုံးပြီး အများကြီးပြင်ဆင်တာက အသက်ပိုကြီးသလို ဖြစ်စေပါတယ်။ ဒါကြောင့် ပုံမှန်လေးနဲ့ပဲ လှအောင်ပြင်ပါ။
မျက်လုံးပြင်တဲ့အခါ
မျက်လုံးပြင်တဲ့အခါမှာ Eyeliner ကို အထူကြီးဆွဲတာ၊ မျက်လုံးအောက်တွေပါ အပြည့်ဆွဲတာတွေက ပုံမှန်ထက်ပိုပြီး ရုပ်ပိုရင့်သွားစေပါတယ်။ မျက်တောင်အတုကို အထူအကြီးကြီးတွေတပ်တာလည်း ရုပ်ပိုရင့်ပြီး လူကြီးဆန်စေပါတယ်။
လက်သည်း
လက်သည်းကို အရမ်းအရှည်ကြီးထားတာက လူကြီးဆန်ပါတယ်။ နည်းနည်းရှည်အောင်ပဲထားပြီး လက်သည်းနီလေးတွေဆိုးတာကတော့ ပိုပြီးလူငယ်ဆန်ပါတယ်။
ဂါဝန်ဝတ်တဲ့အခါ
ဂါဝန်ဝတ်တဲ့အခါမှာ အပွင့်ကြီးဒီဇိုင်းတွေက ပုံမှန်ထက်ပိုပြီး လူကြီးဆန်စေပါတယ်။ အပွင့်ကြီးဒီဇိုင်းတွေထက်စာရင် ဒီဇိုင်းအဆန်းလေးတွေကိုသာ ရွေးချယ်ဝတ်ဆင်ပါ။
အနက်ရောင်ဝတ်ဆင်တဲ့အခါ
အနက်ရောင်ဝတ်ဆင်တဲ့အခါမှာ အားလုံးအနက်ကြီးပဲ ဝတ်တာက ပုံမှန်ထက်ပိုပြီး အသက်ပိုကြီးသလို ဖြစ်သွားစေပါတယ်။ အရောင်မတူတာလေးနဲ့ တွဲဖက်တာကမှ လူငယ်ဆန်စေပါတယ်။
အင်္ကျီလည်ပင်း
အင်္ကျီလည်ပင်းဒီဇိုင်းကို ရွေးချယ်တဲ့အခါမှာလည်း လည်ထောင်၊ လည်ပိတ်တွေက အသက်ပိုကြီးသလို ဖြစ်စေတာကြောင့် ကိုယ်က အသက်ငယ်တဲ့ပုံစံလေး ဖြစ်အောင်ဝတ်ချင်ရင် သေချာရွေးချယ်ဖို့ လိုပါတယ်။
