မင်္ဂလာပါ….. ပျိုမဒတို့ရေ….. အိမ်တစ်အိမ်မှာ အိမ်ထဲဝင်လိုက်တာနဲ့ အရင်ဆုံးမြင်ရတာက အိမ်ပေါက်ဝပါ။ ဝင်ဝင်ချင်းမှာ ဖိနပ်တွေပွနေမယ် ရှုပ်နေမယ်ဆို လူအထင်သေး ခံရနိုင်ပါတယ်နော်။ ဖိနပ်တွေကို စနစ်တကျ စီထားတာက ဝင်လာတဲ့ ဧည့်သည်တွေ အထင်ကြီးစေသလို ကိုယ်လိုတဲ့အချိန်မှာလည်း လွယ်လွယ်ကူကူ ရှာရလွယ်ပါတယ်နော်။ ဒါကြောင့် ဝင်ပေါက်မှာပွနေတဲ့ဖိနပ်တွေကို စနစ်တကျသိမ်းနိုင်ဖို့ နည်းလမ်းလေးတွေ ဝေမျှလိုက်ပါတယ်နော်။
ဒေါင်လိုက်ဖိနပ်စင်
ဖိနပ်တွေကို အကောင်းဆုံးသိမ်းဖို့နဲ့ စနစ်အကျဆုံးက စင်ပေါ်မှာသိမ်းတာပါ။ အိမ်ဝင်ပေါက်က ကျဥ်းတယ်ဆိုရင် ဖိနပ်စင်ဝယ်တဲ့အခါ နေရာအများကြီးမယူတဲ့ ဒေါင်လိုက်ဖိနပ်စင်ကို ရွေးသင့်ပါတယ်။
ခုံတန်းလျားဖိနပ်စင်
အိမ်ကလည်း ကျဥ်းတယ် ဖိနပ်တွေသိမ်းဖို့ နေရာကလည်းမရှိဘူးဆိုရင်တော့ ခုံတန်းလျားဖိနပ်စင်မျိုးကို သုံးပေးပါ။ ဖိနပ်စီးဖို့ သက်တောင့်သက်သာရှိတဲ့ ထိုင်ခုံနေရာလိုသုံးလို့ရတဲ့အပြင် ဖိနပ်တွေကိုလည်း စနစ်တကျ သိမ်းလို့ရပါသေးတယ်။
ဖိနပ်ဗီရို
ဖိနပ်တွေကို လူမြင်စေဘဲ သိမ်းချင်တယ်ဆိုရင်တော့ ဖိနပ်ဗီရိုတွေက အကောင်းဆုံးပါ။ တံခါးအနောက်မှာထားလို့ရတဲ့ ဗီရိုတွေက နေရာလည်းအများကြီးမယူဘဲ အိမ်နဲ့လိုက်ဖက်တဲ့ ဒီဇိုင်းတွေလည်း အများကြီးရွေးလို့ရပါသေးတယ်။
တံခါးချိတ်ဖိနပ်အိတ်
ဒီ တံခါးချိတ်ဖိနပ်အိ်တ်တွေက တိုက်ခန်းမှာနေတဲ့လူတွေအတွက် အသင့်တော်ဆုံးပါ။ တံခါးမှာအလွယ်ချိတ်လို့ရတာကြောင့် နေရာလုံးဝမယူတဲ့အပြင် စနစ်တကျနဲ့ သိမ်းလို့ရပါတယ်။
နံရံကပ်ဖိနပ်စင်
ဖိနပ်စင်ကို ကြမ်းပြင်မှာထားဖို့ နေရာမပေးချင်ဘူးဆိုရင်တော့ နံရံကပ်ဖိနပ်စင်ကို အသုံးပြုလို့ရပါသေးတယ်။ တပ်ဆင်ရလွယ်ကူပြီး မိသားစုတိုင်း အဆင်ပြေမယ့် အမြင့်မှာ ချိတ်ပြီး နေရာချထားလို့ရပါတယ်။
ကလေးစင်
ဒီပုံစံစင်ကတော့ ကလေးတွေအတွက် အထူးသင့်တော်တဲ့ပုံစံပါ။ ဖိနပ်တွေကို ရှင်းရှင်းလင်းလင်းမြင်ရပြီး နေရာချဖို့လွယ်သလို ရှာရလည်းလွယ်တဲ့အပြင် ကိုယ်ပိုင်နေရာတွေမှာ လျင်မြန်စွာ သပ်သပ်ရပ်ရပ် ထားနိုင်ပါတယ်။
Source; tomsguide
