Hair Spray က ဆံပင်အတွက်ပဲ အသုံးဝင်တာမဟုတ်ပါဘူး။ တခြားအရာတွေအတွက်ပါ သုံးလို့ရပါတယ်။ Hair spray တစ်ဘူးရှိထားရင်ပဲ တော်တော်အသုံးဝင်နေပြီလို့တောင် ပြောလို့ရပါတယ်။ ဒါကြောင့် ဆံပင်အတွက်တင်မဟုတ်ပဲ တခြားအရာတွေအတွက်ပါသုံးလို့ရတဲ့ hair spray ရဲ့အသုံးဝင်ပုံတွေကို မျှဝေပေးလိုက်ပါတယ်။
ဖိနပ်ကြိုးချည်တဲ့အခါ
Shoe တွေ sneakers တွေစီးတဲ့အခါမှာ လမ်းလျှောက်တိုင်း ဖိနပ်ကြိုးပြေကုန်တာမျိုး မဖြစ်ချင်ရင် ကြိုးချည်ထားတဲ့နေရာကို hair spray ဖြန်းပေးပါ။
လက်သည်းနီဆိုးထားတာအမြန်ခြောက်အောင်
လက်သည်းနီဆိုးထားတာ အမြန်ခြောက်ချင်ရင်လည်း ဆိုးပြီးတဲ့အခါ hair spray ဖြန်းပေးပါ။ ပုံမှန်ထက်ပိုပြီး အမြန်ခြောက်ပါတယ်။
မျက်တောင်ကော့တဲ့အခါ
မျက်တောင်ကော့ဖို့အတွက် mascara ကုန်သွားတဲ့အခါ hair spray ရှိရင် အဆင်ပြေပါတယ်။ မျက်တောင်ကော့တဲ့အတံလေးကို hair spray ဖြန်းပြီး ကော့ပေးလိုက်ရုံပါပဲ။
ဘောင်းဘီဇစ်ဆွဲရတာထစ်နေရင်
ဘောင်းဘီဇစ်ဆွဲရတာ ထစ်နေတဲ့အခါမျိုးမှာဆိုရင် ဇစ်နေရာကို hair spray ဖြန်းပြီးဆွဲပေးပါ။ အဆင်ပြေသွားပါလိမ့်မယ်။
အဝတ်အစားမှာမှင်ပေသွားတဲ့အခါ
အထူးသဖြင့် အဝတ်အစားအဖြူမှာ မှင်တွေပေသွားခဲ့ရင် ပေတဲ့နေရာကို hair spray ဖြန်းပြီး မိနစ်အနည်းငယ်ထားပါ။ ပြီးမှ ဆပ်ပြာနဲ့လျှော်ပေးပါ။ မှင်ပေနေတာတွေ ပျောက်သွားပါလိမ့်မယ်။
အပ်ပေါက်ထိုးရခက်နေရင်
အပ်ပေါက်ထိုးတာ ဘယ်လိုလုပ်လုပ်မဝင်လို့ စိတ်မတိုပါနဲ့။ အပ်ချည်ကို hair spray ဖြန်းပြီး အပ်ပေါက်ထိုးကြည့်ပါ။ ချက်ချင်းကိုဝင်သွားပါလိမ့်မယ်။
