ကိုးရီးယားအစားအသောက်တွေကို သင်က နှစ်သက်သူဆိုရင်တော့ အခုဖော်ပြထားတဲ့ Diet Plan နဲ့ သင်က အဆင်ပြေမှာပါ။ ခဏတဖြုတ် ဝိတ်ချချင်သူတွေ၊ အဆီပိုတွေ လျှော့ချချင်တဲ့ ပျိုမေတို့အနေနဲ့ Diet လုပ်နိုင်ပါတယ်။ ကိုးရီးယား Drama တွေထဲမှာဆိုရင်လည်း “Diet လုပ်နေတယ်” ဆိုတဲ့ စကားစုကို သင်ရင်းနှီးနေမှာပါ။ ဒီတော့ ကိုးရီးယားစတိုင် အစားအသောက်တွေနဲ့ ပြုလုပ်နိုင်မယ့် Diet Plan ကို ကြည့်လိုက်ရအောင်နော်-
မနက်စာ
Salmon Salad
သင်နှစ်သက်တဲ့ အရွက်တွေနဲ့ ရောစပ်ကာ သုတ်ထားတဲ့ အသုတ်နဲ့အတူ ဒီထဲကို Salmon ငါး ထပ်ထည့်ပေးရမှာပါ။ သင့်အတွက် Salmon ငါး အဆင်မပြေရင် ကြက်သားနဲ့ သုတ်နိုင်ပါတယ်။
ပန်းသီးတစ်လုံး
မနက်စာကို ဗိုက်ပြည့်စေကာ ကျန်းမာစေဖို့ ပန်းသီးတစ်လုံး စားပေးရပါမယ်။
Green Tea တစ်ခွက်
ဖျော်ရည်အနေနဲ့တော့ Green Tea တစ်ခွက်သောက်ပေးရပါမယ်။
နေ့လည်စာ
နေ့လည်စာ အနေနဲ့တော့ ကိုးရီးယား အစားအစာ ဖြစ်တဲ့ Kimbab ရေညှိထမင်းလိပ် စားပေးရမှာပါ။ ရေညှိထမင်းလိပ်ကိုမှ အရွက်များတာလေး ရွေးပေးဖို့ လိုပါမယ်။ တစ်ပွဲစာ စားနိုင်ပါတယ်။ ဒါနဲ့အတူ ကြက်ဥစွပ်ပြုတ်ပါ သောက်ပေးရပါမယ်။
အဆာပြေ
သင်က နေ့လည်စာနဲ့ မနက်စာကြား ဗိုက်ဆာတယ်ဆိုရင် အဆာပြေအနေနဲ့ ဂရိတ်ဖရုသီး တစ်လုံး စားနိုင်ပါတယ်။
ညစာ
ညစာအနေနဲ့တော့ ကန်စွန်းဥပြုတ်တစ်လုံးနဲ့ ပဲနို့ တစ်ခွက် သောက်ရပါမယ်။ ကန်စွန်းဥမှာက ကာဗိုဟိုက်ဒရိုက်ပါဝင်ပြီး ပဲနို့မှာက ပရိုတင်း ပါဝင်တာကြောင့် ကျန်းမာရေးနဲ့ ညီညွတ်စွာ ဝိတ်ကျစေမှာပါ။
သင်က ဒီ Diet နည်းလမ်းကို တစ်ပတ်လုပ်နိုင်သလို သုံးရက်လည်း လုပ်နိုင်ပါတယ်။ ဒါပေမဲ့ ကြားရက်တွေမှာတော့ ကျန်းမာရေးနဲ့ ညီညွတ်အောင် စားပေးဖို့ အရေးကြီးပါတယ်။
Photo Source: Pinterest
By MyStyle Myanmar
