ခန္ဓာကိုယ်ကအဆီတွေကျဖို့လွယ်ပေမယ့် မျက်နှာပေါ်ကအဆီကျဖို့တော့ ခက်ခဲပါတယ်။ ဒါ့ကြောင့် မျက်နှာပေါ်က အဆီကျအောင် ဘယ်လိုလုပ်ရမလဲဆိုတာကို မျှဝေပေးချင်ပါတယ်။

၁။ ရေလုံလောက်အောင်သောက်ပါ


ရေကို ၀၀လင်လင်သောက်ပေးပါ။ ရေကို အဝသောက်ပေးတာဟာ မျက်နှာပေါ်ကအဆီကိုစေမှာဖြစ်ပါတယ်။ ဒါ့ကြောင့် ရေများများသောက်ပါ။

၂။ လေ့ကျင့်ခန်းလုပ်ပါ

မျက်နှာကအဆီကျစေဖို့အတွက် မျက်နှာလေ့ကျင့်ခန်းကို လုပ်ပေးဖို့လိုအပ်ပါတယ်။ X နဲ့ O ဆိုပြီး ပါးစပ်ကို အမူအယာအမျိုးမျိုးလုပ်ပြီး လေ့ကျင့်ခန်းလုပ်ပေးတာမျိုးလုပ်သင့်ပါတယ်။ ပါးကိုဖောင်းလိုက်တာ၊ ပိန်လိုက်တာမျိုးလည်း လုပ်ပေးနိုင်ပါတယ်။ နှုတ်ခမ်းကို ထော်ပေးတာ၊ မျက်နှာတစ်ခုလုံး ရှုံ့ပေးတာမျိုးကိုလည်း လုပ်ပေးသင့်ပါတယ်။

၃။ ဆားစားသုံးမှုကို လျှော့ချပါ။

ဆားစားသုံးမှုကိုလျှော့ချပေးပါ။ ဒါမှ မျက်နှာအတွင်း ရေဓာတ်ခမ်းခြောက်မှုကို ကာကွယ်ပေးနိုင်မှာဖြစ်ပါတယ်။ အသင့်စားအစားအစာတွေ မစားပါနဲ့။

၄။ ခါးကုန်းကုန်းကြီးမနေပါနဲ့

ခါးကုန်းပြီးမနေပါနဲ့။ ခါးကုန်ပြီး မျက်နှာကိုငုံ့နေတာဟာ မျက်နှာပိုဖောင်းစေပါတယ်။

၅။ ကောင်းမွန်စွာအိပ်စက်ပါ

ညဖက်ကို အိပ်ရေး၀၀အိပ်ပေးပါ။ အဲဒီလိုအိပ်တဲ့အခါမှာလည်း ပက်လက်အနေအထားအိပ်ပေးသင့်ပါတယ်။  အဲဒီလိုအိပ်ပေးရင် မျက်နှာကအဆီလည်း ကျစေမှာဖြစ်ပါတယ်။

၆။ အာဟာရဓာတ်ပြည့်ဝအောင်စားပါ

အစားအစာကို အဟာရဓာတ်ပြည့်ဝအောင်စားပေးပါ။ ကယ်လိုရီတွက်ပြီးစားပါ။

၇။ ဆေးလိပ်ဖြတ်လိုက်ပါ

ဆေးလိပ်ဟာ မျက်နှာကို အလွယ်တကူ အိုမင်းရင့်ရော်စေပြီး မျက်နှာအသားအရေကို ပျော့တွဲစေပါတယ်။ အရေးကြောင်းတွေလည်းဖြစ်ပေါ်စေပြီး တခြားကျန်းမာရေး ပြဿနာတွေလည်းဖြစ်စေလို့ ဆေးလိပ်မသောက်ပါနဲ့။