Suede ဖိနပ်တွေကိုသန့်ရှင်းဖို့ လွယ်ကူရိုးရှင်းတဲ့ အဆင့် ( 5 ) ဆင့်

Suede ဖိနပ်တွေက ရေနဲ့ထိမိရင် Suede မှာ အစက်အပြောက်တွေ စွန်းတာတွေဖြစ်တတ်တာမလို့ Suede ဖိနပ်တွေ သန့်ရှင်းရေးလုပ်တဲ့အခါ ရေကိုသုံးလို့မရပါဘူး။ ဒါကြောင့် ရေထိမခံတဲ့ Suede ဖိနပ်တွေကို သန့်ရှင်းဖို့အတွက် ဒီအဆင့်အတိုင်း လုပ်ပေးပါ။

ဒါကတော့ လိုအပ်တဲ့ပစ္စည်းတွေပါ။

Suede Eraser
Suede Brush
Vinegar သို့မဟုတ် Rubbing Alcohol
အဝတ်သန့်သန့်
Shaving Razor
Suede Protector

1.Suede Brush

ဖိနပ်မှာပေနေတဲ့ ဖုန်နဲ့အညစ်အကြေးတွေ ပြောင်အောင်လို့ Suede Brush ကိုသုံးပြီး ဖြည်းဖြည်းချင်းပွတ်ပေးပါ။ ဖိနပ်က အရမ်းညစ်ပတ်မနေဘူးဆိုရင်တောင်မှ ပွတ်ပေးပါ။

2. Suede Eraser

Brush တိုက်ရုံနဲ့မပြောင်တဲ့ အစွန်းနဲ့အစက်ပြောက်တွေပေါ် Suede Eraser နဲ့ ပြောင်သွားတဲ့အထိ စိတ်ရှည်ရှည်နဲ့ ပွတ်ပေးပါ။

3. Vinegar Or Alcohol

Suede Eraser နဲ့တိုက်တာတောင်မှ ဖိနပ်တွေမှာ အစွန်းအထင်းတွေရှိသေးရင် ပေါင်းခံထားတဲ့ ရှာလကာရည် သို့မဟုတ် အရက်ဖြူနည်းနည်းနဲ့ Microfiber အဝတ်နဲ့ယူပြီး ဖိနပ်ကို ဖြည်းဖြည်းချင်းပွတ်ပေးပါ။ လုံးဝခြောက်သွားပြီဆိုရင် Suede Brush နဲ့ ထပ်ပွတ်ပေးပါ။

4. Shaving Razor

ညစ်ပတ်နေတာတွေ ပြောင်သွားပြီဆိုရင် ထွက်နေတဲ့အမျှင်လေးတွေကိုဖယ်ဖို့ Shaving Razor နဲ့ Shaving လုပ်ပေးပါ။ ပြီးမှ Brush နဲ့ ပွတ်ပေးပါ။

5. Suede Protector

အားလုံးပြီးသွားပြီဆိုရင်တော့ Suede Protector ဖြန်းပေးပါ။ ဒါက ဖိနပ်တွေကို အချိန်ကြာကြာ သန့်ရှင်းစေရုံသာမက နောက်တစ်ခေါက်သန့်ရှင်းရေးလုပ်တဲ့အခါမှာလည်း လွယ်စေပါတယ်။