ဆံပင်အရှည်ထားချင်ပေမဲ့ ဆံသားပျက်ဆီးလို့ အရှည်နှေးနေလား။ ငွေကြေးလည်း အကုန်အကျသိပ်မခံဘဲ အိမ်မှာဘဲ သဘာဝနည်းလမ်းလေးတွေနဲ့ပေါင်းတင်ချင်သူတွေအတွက် ဒီနည်းလမ်းလေးတွေက အဆင်ပြေမှာပါ။
၁။ ကြက်သွန်နီ
ကြက်သွန်နီရည်ဟာ Collagen သစ်ရှုးကိုထုတ်ပေးပါတယ်။ အဲဒီသစ်ရှုးက ဆံပင်ကိုအရှည်မြန်စေပါတယ်။ ကြက်သွန်နီကိုအသုံးပြုပေးရပါမယ်။
ကြက်သွန်နီ ၂ လုံး (သို့) ၄ လုံးကိုယူပါ။
ပါးပါးလှီးလိုက်ပြီး အရည်ထွက်အောင်ညှစ်ပေးပါ။
ပြီးရင် ဦးရေပြားအနှံ့လိမ်းပေးပါ။ ၁၅ မိနစ်လောက်ထားပြီး ခေါင်းလျှော်ရည်နဲ့ လျှော်ချပါ။
၂။ ခရမ်းချဉ်သီး
ခရမ်းချဉ်သီး ဗီတာမင် A, B နဲ့ C စတဲ့ဓါတ်တွေပါဝင်ပါတယ်။ ဒါ့ကြောင့် ဆံပင်အရှည်မြန်စေပါတယ်။
ခရမ်းချဉ်သီး ၃ လုံး
ကြက်ဥအနှစ် ၁ လုံး
ပျားရည် လက်ဖက်ရည်ဇွန်း ၁ ဇွန်း
ပြုလုပ်နည်း
ခရမ်းချဉ်သီးကိုပါးပါးလှီးပြီး အနှစ်ဖြစ်အောင်လုပ်လိုက်ပါ။ (သို့) ကြိတ်လိုက်ပါ။
ပြီးရင်ကြက်ဥအနှစ်နဲ့ ပျားရည်ကိုရောပြီး သေချာမွေပေးပါ။
အဲဒါကို ဦးရေပြားပေါ်လိမ်းပေးပြီး နာရီဝက်လောက်ထားပါ။ ပြီးရင်ခေါင်းလျှောချပါ။
၃။ ကြက်ဥ
ဆံပင်တွေအရှည်မြန်စေဖို့ ပရိုတင်းဓါတ်လိုအပ်ပါတယ်။ကြက်ဥမှာ ပရိုတင်းဓါတ်ကြွယ်ဝစွာပါဝင်လို့ ဆံသားတောက်ပြောင် သန်မာပြီးအရှည်မြန်စေမှာပါ။
ကြက်ဥအကာ ၁ လုံး (သို့) ၂ လုံး
သံလွင်ဆီ လက်ဖက်ရည်ဇွန်း ၁ ဇွန်း
ပျားရည် လက်ဖက်ရည်ဇွန်း ၁ ဇွန်း
ပြုလုပ်နည်း
ပါဝင်ပစ္စည်းတွေကို သမအောင်မွေလိုက်ပြီး ဦးရေပြားပေါ် လိမ်းပေးပါ။ ၁၅ မိနစ် မိနစ် ၂၀ လောက်ထားပြီး ခေါင်းလျှော်ပေးပါ။
၄။ ပန်းသီးရှာလကာရည်
ပန်းသီးရှာလကာရည်ဟာ ဆံပင်ပေါက်တဲ့ Follicle တွေကို မြင့်တင်ပေးတာကြောင့် ဆံပင်အရှည်မြန်စေပါတယ်။ ပန်းသီးရှာလကာရည်ကိုရေနဲ့ ရောပြီးခေါင်းလျှော်ပေးရမှာပါ။ ခေါင်းလျှော်ရည်သုံးပြီးခေါင်းလျှောပေးပြီးတဲ့နောက် ပန်းသီးရှာလကာရည်နဲ့ လျှော်ချပေးရမှာပါ။ အဲဒီလိုလျှော်တဲ့နေရာမှာ အနံကောင်းစေဖို့ အုန်းဆီ ဒါမှမဟုတ် Essential Oil တစ်မျိူးမျိူးကို ထပ်ထည့်နိုင်ပါတယ်။
