မင်္ဂလာပါ… ပျိုမဒီတို့ရေ… အမျိုးသမီးတွေရဲ့ ခန္ဓာကိုယ်ပုံသဏ္ဍာန်ဟာ အများကြီးရှိပါတယ်။ အမျိုးသမီးတွေရဲ့ အရိုးတည်ဆောက်ပုံ၊ မျိုးဗီဇ၊ အသက်၊ အဆီဖြန့်ဖြူးမှု၊ ကြွက်သားထုထည်နဲ့ လူနေမှုပုံစံတို့ပေါ်မူတည်ပြီး ပုံစံအမျိုးမျိုး ကွဲပြားခြားနားသွားကြပါတယ်။

ဒါပေမယ့် စိတ်မပူပါနဲ့။ သူတို့တစ်တွေက သူ့နည်းသူ့ဟန်နဲ့ အားလုံးက လှကြပါတယ်။ အမျိုးသမီးတွေရဲ့ မတူညီတဲ့  ခန္ဓာကိုယ်ပုံသဏ္ဍာန်နှင့် အမျိုးအစားတွေကို သေချာသိနိုင်စေဖို့ ဝေမျှပေးလိုက်ပါတယ်။ သင်ရဲ့ခန္ဓာကိုယ်ကကော ဘယ်လိုပုံစံနဲ့ တူနေလဲဆိုတာ ဖတ်ကြည့်လိုက်ရအောင်…

The Straight Body Shape

ခန္ဓာကိုယ်ရဲ့ အစိတ်အပိုင်းအားလုံးက တူညီတဲ့ အတိုင်းအတာရှိနေရင် သင့်ရဲ့ပုံစံက  ဖြောင့်စင်းတဲ့ ခန္ဓာကိုယ်ပုံစံပါ။ စူပါမော်ဒယ်ကိုယ်ထည်လို့ လူသိမျာပြီး စတုဂံပုံ သို့မဟုတ် ပေတံကိုယ်ထည်လို့လည်း ခေါ်ကြပါတယ်။

Pear Body Shape

သစ်တော်သီးပုံစံ သို့မဟုတ် တြိဂံပုံစံမျိုး တင်ပါးကြီးပြီး ရင်သားသေးသေးရှိနေတယ်ဆိုရင် သင့်ရဲ့ပုံစံက Pear Body Shape ပါ။

Apple Body Shape

ပုခုံးဝိုင်း၊ တင်ပါးသေးသေးနဲ့ ပါးလျတဲ့ခြေထောက်ပိုင်ရှင်လေးတွေရဲ့ Shape ကတော့ ပန်းသီးလေးလိုဖြစ်နေတာမလို့ သူတို့ရဲ့ပုံစံကို Apple Shape လို့ သတ်မှတ်ကြပါတယ်။

Spoon Body Shape

တခြား ခန္ဓာကိုယ်တွေနဲ့ယှဥ်လိုက်ရင် တင်ပါးကပိုကြီးနေတတ်ပြီး ဇွန်းကိုယ်ထည်ပုံ သို့မဟုတ် သစ်တော်သီးလိုမျိုး ပုံစံဖြစ်နေရင် Spoon Body Shape လို့ သတ်မှတ်ကြပါတယ်။

Hourglass Body Shape

Hourglass Body Shape ဆိုတာက တင်ပါးတွေက သဘာဝအတိုင်း ဝိုင်းနေပြီး တင်ပါးနဲ့ ရင်ဘတ်က ကောင်းစွာဟန်ချက်ညီနေပြီး အချိုးအစားညီတဲ့ ခန္ဓာကိုယ်ပါ။