သြစတြေးလျနိုင်ငံ ဗစ်တိုးရီးယား တက္ကသိုလ်ရဲ့ လေ့လာမှုတစ်ခုအရ အမျိုးသမီး 80 ကနေ 85% က Bra Size ကို မှားပြီးဝတ်နေတတ်ကြပါတယ်။ ဒါကတော့ Bra ဝယ်တဲ့အခါ မိန်းကလေးအများစုဖြစ်တတ်တဲ့ အဖြစ်များဆုံးအမှားတွေပါ။
ဒါကြောင့် နောက်တစ်ကြိမ်စျေးဝယ်ထွက်သည့်အခါ မှန်တဲ့ Bra Size ကို ဝယ်နိုင်ဖို့ ဒီအမှားတွေကို သတိပြုဖို့တော့ လိုပါတယ်။
ချောင်နေတာ
အဝတ်အစားချောင်ချောင်ချိချိရှိနေတာက ပြဿနာမဟုတ်ပေမယ့် Bra ခွက်ရဲ့အပေါ်မှာ နေရာအတော်လေးရှိနေရင် ကြိုးတွေကို တင်းတင်းကျပ်ကျပ်ဖြစ်အောင် ချည်ဖို့ လိုအပ်ပါတယ်။ ဒါမှမဟုတ် ခွက်အရွယ်အစားကို လျှော့ချဖို့ လိုပါတယ်။
လျှံနေတာ
Bra ခွက်က ရင်သားအားလုံးကို သက်တောင့်သက်သာနဲ့ ထိန်းထားနိုင်ဖို့ လိုအပ်ပါတယ်။ မဟုတ်ဘဲ ရင်သားတွေကို Bra ရဲ့ ခွက်တစ်ခုစီမှာမရှိဘဲ လျှံထွကန်နေရင်တော့ ခွက်အရွယ်အစားကို မြှင့်ထားဖို့ လိုပါတယ်။
ကြိုးလျှော့နေတာ
Bra ကြိုးတွေကို တင်းထားပေမယ့် ပခုံးပေါ်က လျှောကျနေသေးရင် Bra ရဲ့အရွယ်အစားကို စစ်ဆေးဖို့ လိုအပ်ပါတယ်။ Bra တွေက ခနခနလျှော်ပြီး ဝတ်ရတာမလို့ Bra ကြိုးတွေကို မကြာခဏ ပြန်ပြင်ပေးဖို့ လိုအပ်ပါတယ်။
ကြပ်လွန်းတာ
Bra ကြိုးတွေက ဝတ်တဲ့အခါ ကြပ်ဖို့လိုတာတော့မှန်ပေမယ့် ဝတ်တဲ့အခါ အရမ်းတင်းလွန်းပြီး သိသိသာသာ အသားထဲနစ်နေတာမျိုးဆိုရင်တော့ သင့် Bra Size ကို ပြောင်းဖို့ လိုအပ်နေပါပြီ။
